సస్పెన్స్ థ్రిల్లర్ మూవీలో విజయ్ సేతుపతి.. రాక్షసుడు సీక్వెల్ కోసం రంగంలోకి మక్కల్ సెల్వన్..?

తమిళ్ లో సూపర్ హిట్ అయిన రచ్చసన్ సినిమా తెలుగులో రాక్షసుడుగా రీమేక్ అయిన విషయం తెలిసిందే. రమేష్ వర్మ దర్శకత్వంలో తెరకెక్కిన ఈ సినిమాలో బెల్లంకొండ సాయి శ్రీనివాస్ హీరోగా నటించాడు. సస్పెన్స్ థ్రిల్లర్ గా తెరకెక్కిన ఈ సినిమా మంచి విజయాన్ని అందుకుంది. ఊపిరి పీల్చుకోవని సస్పెన్స్‌తో కూడిన కథ, ఏ క్షణాన ఏం జరుగుతుందో అన్న ఎగ్జైట్‌మెంట్‌తో సాగే కథనం సినీ లవర్స్‌ను ఫిదా చేసింది. 2019లో తెలుగులో విడుదలైన ఈ సినిమాలో బెల్లం కొండ కెరీర్‌లో మంచి హిట్‌గా నిలిచింది. ఇదిలా ఉంటే తాజాగా ఈ సినిమాకు సీక్వెల్‌ తెరకెక్కించే పనిలో పడ్డారు మేకర్స్‌. రాక్షసుడు-2″నుఇటీవల పోస్టర్ ద్వారా ప్రకటించిన విషయం తెలిసిందే. “రాక్షసుడు-2″కు సీక్వెల్ గా తెరకెక్కనున్న “రాక్షసుడు 2″కు కూడా రమేష్ వర్మనే దర్శకత్వం వహించనున్నారు. ఈ చిత్రం వచ్చే ఏడాది ప్రారంభమవుతుంది. అయితే సినిమాలో నటించబోయే హీరో, ఇతర వివరాలను మేకర్స్ ఇంకా ప్రకటించలేదు.

అయితే ఈ సినిమాలో నటించే హీరో ఎవరా అన్న ఆసక్తి నెలకొంది. ఈ నేపథ్యంలో ఈ సీక్వెల్ లో ఓ స్టార్ హీరో నటిస్తున్నాడని వార్తలు వినిపిస్తున్నాయి. హీరోగా విజయ్ సేతుపతి ఈ సినిమాలో నటించనున్నట్టు తెలుస్తుంది. ఇటీవల దర్శకుడు రమేశ్ వర్మ చెన్నై వెళ్లి, విజయ్ సేతుపతికి ఈ చిత్రకథ వినిపించాడని, అది ఆయనకు బాగా నచ్చిందని అంటున్నారు. దాంతో ఈ చిత్రం తప్పకుండా చేస్తానని విజయ్ హామీ ఇచ్చాడట. ఇదిలా ఉంటే అటు హీరోగా ఇటు విలన్ గా నటిస్తూ ఫుల్ బిజీగా ఉన్నారు విజయ్ సేతుపతి. మంచి కథ దొరికితే డైరెక్ట్ గా హీరోగా తెలుగులో సినిమా చేయాలనీ చూస్తున్నారు. ఇప్పుడు ఆ అవకాశం రాక్షసుడు 2 ద్వారా అందిందని అంటున్నారు. త్వరలోనే ఈ వార్తలపై క్లారిటీ వచ్చే అవకాశం ఉంది.

మరిన్ని ఇక్కడ చదవండి :

Premi Vishwanath: “కార్తీక దీపం” సీరియల్‏కు నో చెప్పా.. వంటలక్క సంచలన వ్యాఖ్యలు..

Kudi Yedamaithe: అమలపాల్ ప్రధాన పాత్రలో నటించిన కుడి ఎడమైతే ట్రైలర్ లాంచ్ లైవ్ వీడియో..

Rajini Kanth: “అన్నాతే” కంప్లీట్ చేయడానికి కోల్‏కత్తాలో అడుగుపెట్టిన రజినీ.. సూపర్ స్టార్ ఫైనల్ షెడ్యూల్..