Major Movie: అంచనాలు పెంచుతున్న అడివి శేష్ సినిమా.. భారీ ధరకు మేజర్ మూవీ హిందీ శాటిలైట్ రైట్స్..

Major Movie: విభిన్న కథలను ఎంచుకుంటూ టాలీవుడ్ లో తనకంటూ ప్రత్యేక గుర్తింపు తెచ్చుకున్న హీరో అడివి శేష్. క్షణం, గూఢచారి, ఎవరు సినిమాలతో మంచి విజయాలను అందుకున్న అడివి శేష్. ఇప్పుడు మేజర్ గా ప్రేక్షకుల ముందుకు రాబోతున్నాడు. ఇప్పటికే ఈ సినిమా షూటింగ్ దాదాపు చివరి దశకు వచ్చేసింది. మేజర్ సందీప్ ఉన్నికృష్ణన్ జీవితచరిత్ర ఆధారంగా ఈ సినిమాను రూపొందిస్తున్నారు. ‘గూఢచారి’ ఫేమ్ శశి కిరణ్ తిక్కా ఈ చిత్రానికి దర్శకత్వం వహిస్తున్నారు. తెలుగు – హిందీ భాషల్లో ఒకేసారి చిత్రీకరిస్తున్న ఈ చిత్రాన్ని పాన్ ఇండియా స్థాయిలో విడుదల చేయనున్నారు. 26/11 ముంబై ఉగ్రవాద దాడుల్లో అతని ధైర్యం త్యాగాన్ని ఉద్విగ్నభరితంగా తెరపై చూపించనున్నారు. మేజర్ జీవితంలోని వివిధ దశలను తెరపై ఆవిష్కరించనున్నారు. ఈ సినిమాను జూలై 2వ తేదీన విడుదల చేయాలనుకున్నారు. కానీ ఇప్పుడు ఈ సినిమా ఆ తేదీకి థియేటర్లకు రావడం లేదని తెలుస్తుంది.

ఇప్పటికే విడుదలైన ఈ సినిమా పోస్టర్లు, టీజర్ ప్రేక్షకులను విపరీతంగా ఆకట్టుకున్నాయి. ఇక మేజర్ టీజర్ యూట్యూబ్ లో మిలియన్ కొద్దీ వ్యూస్ ను సొంతం చేసుకుంది. ఇప్పటికే ‘మేజర్’ ఓవర్ సీస్ రైట్స్ మంచి ధరలకు అమ్ముడయ్యాయి. ఈ క్రమంలో హిందీ శాటిలైట్ రైట్స్  కూడా రికార్డ్ స్థాయి ధర పలికాయని తెలుస్తుంది. మేజర్ హిందీ శాటిలైట్ రైట్స్ రూ.10 కోట్లు పలికినట్లు ట్రేడ్ వర్గాలు చెబుతున్నాయి. మహేష్ బాబు GMB ఎంటర్టైన్మెంట్ మరియు A+S మూవీస్ సహకారంతో సోనీ పిక్చర్స్ ఫిల్మ్స్ ఇండియా ”మేజర్” చిత్రాన్ని నిర్మిస్తోంది. ఈ సినిమాకు అడివి శేష్ స్క్రిప్ట్ మరియు స్క్రీన్ ప్లే అందిస్తుండటం విశేషం.

మరిన్ని ఇక్కడ చదవండి :

Annaatthe: దీపావళికే సూపర్ స్టార్ సినిమా.. రిలీజ్ డేట్ ను అనౌన్స్ చేసిన చిత్రయూనిట్

Kangana Ranaut’s Thalaivi : ఆకట్టుకుంటున్న కంగనా ‘తలైవి’మూవీ స్టైల్.. నెట్టింట వైరల్

సెకండ్ ఇన్నింగ్స్ లో కలర్స్ స్వాతి దుకుడు..కార్తికేయ సినిమాకు సీక్వెల్ నిఖిల్ తో మరోసారి చలాకీ పిల్ల:Colors Swathi Reentry video.