Sarkaru Vaari Paata: సర్కారువారి పాట… తెలుగులో మాత్రమే!
మీ సర్కారువారి పాట మాకూ కావాలి అంటూ... తమిళనాడు సహా... అనేక రాష్ట్రాల నుంచి రిక్వెస్టులు వెల్లువెత్తుతున్నాయి..
Updated on: May 09, 2022 | 1:26 PM
సూపర్‌స్టార్ మహేష్‌బాబు (Mahesh Babu) పాన్ ఇండియా మార్కెట్ సైజ్‌ని తెలుసుకునే ఛాన్స్ మళ్లీ మిస్సయింది. సర్కారువారి పాట సినిమా పాన్ ఇండియా రిలీజ్ విషయంలో కీలక నిర్ణయం తీసుకున్నారు నిర్మాతలు. మిగతా భాషల్లో డబ్బింగ్ వెర్షన్ ఉండబోదని క్లారిటీనిచ్చింది మైత్రీ సంస్థ. మీ సర్కారువారి పాట మాకూ కావాలి అంటూ… తమిళనాడు సహా… అనేక రాష్ట్రాల నుంచి రిక్వెస్టులు వెల్లువెత్తుతున్నాయి… తెలంగాణా-ఆంధ్రప్రదేశ్ మినహా… మిగతా అన్ని రాష్ట్రాల్లోనూ ఇంగ్లీష్ సబ్‌టైటిల్స్‌తో సర్కారువారి పాటను రిలీజ్ చేస్తున్నాం… అనేది మైత్రీ వారి తాజా ప్రకటన సారాంశం.
ఈ డిమాండ్‌ను కాస్త ముందే ఊహించి డబ్బింగ్ చేసి ఉంచొచ్చు కదా… చాలా మంది చూసే అవకాశం దక్కేది అంటూ కామెంట్‌ బాక్స్‌లో దుమ్మెత్తి పోస్తున్నారు మహేష్ అభిమానులు. తమిళ్, కన్నడ, మలయాళ, హిందీ భాషల్లో కూడా సూపర్‌స్టార్‌కి హార్డ్‌కోర్ అభిమానులున్నారన్నది వాళ్ల అంచనా. పైగా… రాజమౌళి నెక్స్ట్ మూవీ హీరోగా మహేశ్‌కి మిగతా పాకెట్స్‌లో సైజబుల్ మార్కెట్ ఎస్టాబ్లిష్ అయివుంది. మహేష్‌కి అలా ఫామ్ అయిన కమర్షియల్ వెయిట్‌ని క్యాష్ చేసుకోవడంతో సర్కారువారి పాట మేకర్స్ ఫెయిల్ అయినట్టేనా!
మహేష్‌బాబు, కీర్తిసురేష్‌ జంటగా నటించిన ఈ యాక్షన్‌ ఎంటర్‌టైనర్‌ ట్రయిలర్‌ ద్వారా ఇప్పటికే అనూహ్యమైన హైప్ తెచ్చుకుంది. మేనరిజం, డైలాగ్ డెలివరీ పరంగా మహేష్‌బాబు చాలా కొత్తగా కనిపిస్తుండడంతో.. ఇది పాన్ ఇండియా విక్టరీ కొట్టడం ఖాయమన్న గ్యారంటీ కూడా బిల్డ్ అయింది. ఈనెల 12న రిలీజౌతోంది సర్కారువారిపాట… బట్ ఓన్లీ ఇన్ తెలుగు లాంగ్వేజ్. మిగతా భాషల వారికి ఇంగ్లీష్ సబ్‌టైటిల్సే దిక్కు.
బైలైన్.. శ్రీహారి. (ET Desk)
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
Sarkaru Vaari Paata: సెన్సార్ పూర్తి చేసుకున్న సర్కారు వారి పాట.. సినిమా నిడివి ఎంతంటే..
NTR Jr.: ఎన్టీఆర్.. ప్రశాంత్ నీల్ సినిమాపై క్రేజీ అప్డేట్.. సినిమా షూటింగ్ ఎప్పుడంటే..
