Manchu Vishnu: డిప్యూటీ సీఎం భట్టి విక్రమార్కతో మంచు విష్ణు భేటీ.. కారణమిదే
మూవీ ఆర్టిస్ట్ అసోసియేషన్ (మా) అధ్యక్షుడు విష్ణు మంచు సోమవారం (ఫిబ్రవరి 05) తెలంగాణ రాష్ట్ర ఉప ముఖ్యమంత్రి మల్లు భట్టి విక్రమార్కను మర్యాద పూర్వకంగా కలిశారు. శాలువాతో సత్కరించి చిత్ర పరిశ్రమ తరుపున బహుమతిని అందజేశారు. ఇక ఈ భేటీలో అనేక విషయాల మీద ఇరువురు చర్చించారు.
Updated on: Feb 05, 2024 | 9:30 PM
మూవీ ఆర్టిస్ట్ అసోసియేషన్ (మా) అధ్యక్షుడు విష్ణు మంచు సోమవారం (ఫిబ్రవరి 05) తెలంగాణ రాష్ట్ర ఉప ముఖ్యమంత్రి మల్లు భట్టి విక్రమార్కను మర్యాద పూర్వకంగా కలిశారు. శాలువాతో సత్కరించి చిత్ర పరిశ్రమ తరుపున బహుమతిని అందజేశారు. ఇక ఈ భేటీలో అనేక విషయాల మీద ఇరువురు చర్చించారు. ఈ భేటీ గురించి మా అధ్యక్షుడు విష్ణు మంచు సోషల్ మీడియా వేదికగా పంచుకున్నారు. ‘తెలంగాణ ఉప ముఖ్యమంత్రి మల్లు భట్టి విక్రమార్క గారిని కలుసుకోవడం ఆనందంగా ఉంది. ఎన్నో విషయాల మీద చర్చించాం. తెలుగు చిత్ర పరిశ్రమ తరుపున డ్రగ్స్ వ్యతిరేక ప్రచార కార్యక్రమాల గురించి మాట్లాడాం. ఇలాంటి క్లిష్ట పరిస్థితుల్లో, డ్రగ్స్ ఫ్రీ సొసైటి కోసం ప్రయత్నిస్తున్న ఇలాంటి ప్రభుత్వంతో మేమంతా ఐకమత్యంగా కలిసి పని చేయడానికి సిద్దంగా ఉన్నామ’ని విష్ణు మంచు తెలిపారు.
విష్ణు మంచు ప్రస్తుతం అంతర్జాతీయ ప్రమాణాలతో ‘కన్నప్ప’ చిత్రాన్ని తీస్తున్న సంగతి తెలిసిందే. ఇటీవలే న్యూజిలాండ్లో భారీ షెడ్యూల్ను పూర్తి చేసుకుని చిత్రయూనిట్ ఇండియాకు తిరిగి వచ్చింది. ఇక ఈ చిత్రంలో ప్రభాస్, మోహన్ లాల్, శరత్ కుమార్, మోహన్ బాబు, బ్రహ్మానందం వంటి దిగ్గజాలు నటిస్తున్నారు. తాజాగా విష్ణు పుట్టిన రోజు సందర్భంగా కన్నప్ప సినిమానుంచి ఫస్ట్ లుక్ ను రిలీజ్ చేశారు. కన్నప్ప సినిమాను పాన్ ఇండియా మూవీగా తెరకెక్కిస్తున్నారు. తెలుగు, తమిళ్, కన్నడ, హిందీ, మలయాళ భాషల్లో ఈ సినిమాను రిలీజ్ చేయనున్నారు. కన్నప్ప సినిమాలో ప్రభాస్ శివుని పాత్రలో కనిపించనున్నారని టాక్.. అలాగే నయనతార పార్వతి దేవిగా నటిస్తుందని ప్రచారం జరుగుతుంది.
భట్టి విక్రమార్కను సత్కరిస్తున్న మంచు విష్ణు..
Honored to meet Telangana Deputy Chief Minister Shri @Bhatti_Mallu garu. Discussed plans for a joint campaign against drugs on behalf of the Telugu film industry. We stand united with the state government in this crucial fight. Together, let’s build a drug-free society! 🎬🤝… pic.twitter.com/iwmz9ca5h8
— Vishnu Manchu (@iVishnuManchu) February 5, 2024
కన్నప్పతో మంచు వారసుడి ఎంట్రీ..
Beyond thrilled as a new era unfolds! Avram Manchu steps into the cinematic universe with ‘Kannappa,’ adding another glorious chapter to the Manchu family and carries the generational torch forward.#AvramManchu @ivishnumanchu @24framesfactory @avaentofficial#Kannappa… pic.twitter.com/SVZrlNgG6N
— Kannappa The Movie (@kannappamovie) January 5, 2024
మరిన్ని సినిమా వార్తల కోసం ఇక్కడ క్లిక్ చేయండి.
