Krithi Shetty: ఉప్పెనలా ఎగసిపడుతోన్న ఆఫర్లు.. కృతి ఖాతాలో మరో రెండు సినిమాలు..

Krithi Shetty: కృతి శెట్టి.. ఒకే ఒక్క సినిమాతో ఓవర్ నైట్‌‌‌స్టార్ అయిపోయింది ఈ చిన్నది. బూచిబాబు సాన దర్శకత్వంలో వచ్చిన ఉప్పెన సినిమాతో హీరోయిన్‌‌గా ఎంట్రీ ఇచ్చింది అందాల భామ కృతిశెట్టి. ఈ మంగుళూరు బ్యూటీ మొదటి సినిమాతోనే కుర్రకారును కట్టిపడేసింది. కవ్వించే కళ్ళు, క్యూట్ స్మైల్‌‌‌తో యువతను ఫిదా చేసింది. ఉప్పెన సినిమా సంచలన విజయం సాధించిన విషయం తెలిసిందే. ఈ సినిమా విజయం తరవాత కృతికి వరుస ఆఫర్లు దక్కుతున్నాయి. ఇప్పటికే ఈ అమ్మడి ఖాతాలో మూడు తెలుగు సినిమాలు ఉన్నాయి. తాజాగా మరో రెండు సినిమాలు కూడా వచ్చి చేరాయని తెలుస్తోంది. ఇప్పటికే నాని, సుధీర్ బాబు, రామ్ సినిమాల్లో నటిస్తోంది ఈ బ్యూటీ.

నేచురల్ స్టార్ నాని నటిస్తున్న శ్యామ్ సింగరాయ్ సినిమాలో నటిస్తుంది ఈ చిన్నది. రాహుల్ సంకృత్యన్ దర్శకత్వంలో వస్తున్న ఈ సినిమాలో డిఫరెంట్ గెటప్‌‌‌లో కనిపించనున్నాడు నాని. అలాగే ఈ సినిమాలో ముగ్గురు హీరోయిన్లు నటిస్తోన్నారు. సాయిపల్లవి, మడోనా సెబాస్టియన్‌‌‌తోపాటు కృతిశెట్టి కూడా నటిస్తోంది. అలాగే ఇంద్రగంటి మహాన్‌‌‌‌కృష్ణ దర్శకత్వంలో సుధీర్ బాబు నటిస్తోన్న సినిమాలో కృతి హీరోయిన్‌‌‌గా ఎంపిక అయింది. ఈ సినిమా ‘ఆ అమ్మాయి గురించి మీకు చెప్పాలి’ అనే ఇంట్రస్టింగ్ టైటిల్‌‌‌ను పరిశీలిస్తున్నారు. అలాగే ఎనర్జిటిక్ స్టార్ రామ్ నటిస్తోన్న సినిమాలోనూ ఈ చిన్నది ఎంపిక అయ్యింది. తమిళ్ దర్శకుడు లింగ్ స్వామి ఈ సినిమాకు దర్శకత్వం వహిస్తోన్నారు. ఈ సినిమా షూటింగ్ ఇటీవలే మొదలైంది. ఈ మూడు సినిమాలతోపాటు ఇప్పుడు మరో రెండు సినిమాలకు ఈ చిన్నది సైన్ చేసిందని తెలుస్తోంది. అక్కినేని యంగ్ హీరో నాగచైత్న సరసన కృతి ఎంపిక అయినట్టు వార్తలు వస్తోన్నాయి. కింగ్ నాగార్జున నటిస్తోంది బంగార్రాజు సినిమాలో చైతన్య కీలకపాత్రలో నటిస్తోన్నాడు. చైతూకు జోడిగా ఈ అమ్మడిని ఫిక్స్ చేశారట. అలాగే మరో యంగ్ హీరో నితిన్ నటిస్తోన్న ఓ సినిమాలో కృతి ఫైనల్ అయ్యిందని టాక్. త్వరలోనే ఈ రెండు సినిమాలకు సంబంధించిన అప్డేట్ వచ్చే అవకాశం ఉందని తెలుస్తోంది. ఇలా వరస సినిమాలతో కృతి తెలుగులో ఫుల్ బిజీ అయిపోతోంది.

మరిన్ని ఇక్కడ చదవండి :

Rana Daggubati: ఆయనకు ఉన్న గొప్ప లక్షణం అదే.. పవన్ పై రానా ఇంట్రస్టింగ్ కామెంట్స్

Karthika Deepam: మోనిత పెళ్లికి అంజి అభ్యంతరం..కార్తీక్ లో మొదలైన ఆలోచన..అన్నీ సరిచేస్తున్న వంటలక్క!

Ram Gopal Varma : నీకింకా బుద్ధి రాలేదా.. హీరో సుమంత్ పై విరుచుకుపడిన వివాదాల వర్మ..