Arun Vijay: షూటింగ్లో గాయపడ్డ స్టార్ హీరో.. కేరళలోని ఆయుర్వేద పద్దతిలో చికిత్స.. ఫోటోస్ వైరల్..
రెండ్రోజుల క్రితం లేడీ డైరెక్టర్ సుధ కొంగర సైతం సెట్ లో గాయపడిన సంగతి తెలిసిందే. తాజాగా తమిళ్ హీరో అరుణ్ విజయ్ కూడా గాయపడినట్లుగా తెలుస్తోంది. ఇందుకు సంబంధించిన ఫోటోస్ ఇప్పుడు నెట్టింట తెగ వైరలవుతున్నాయి.
ఇటీవల స్టార్ హీరో హీరోయిన్స్ షూటింగ్స్లలో ఎక్కువగా గాయపడుతున్నారు. గత రెండు నెలలుగా సెట్స్ లో ప్రమాదాలు ఎక్కువగానే జరుగుతున్నాయి. ఇప్పటికే హీరోయిన్ టబు.. సన్నీలియోన్ గాయపడి కోలుకోగా.. ఇటీవల బిచ్చగాడు సినిమా హీరో విజయ్ ఆంటోని తీవ్రంగా గాయపడిన సంగతి తెలిసిందే. బిచ్చగాడు 2 చిత్రీకరణ మలేషియాలో జరుగుతుండగా.. ఆయన ప్రయాణిస్తున్న బోట్ ప్రమాదానికి గురైంది. దీంతో ఆయన అపస్మారకస్థితిలోకి వెళ్లగా
30 ఎముకలు విరిగినట్లుగా సమాచారం. ప్రస్తుతం ఆయన చెన్నైలోని ఓ ప్రైవేట్ ఆసుపత్రిలో చికిత్స తీసుకుంటున్నారు. ఇక రెండ్రోజుల క్రితం లేడీ డైరెక్టర్ సుధ కొంగర సైతం సెట్ లో గాయపడిన సంగతి తెలిసిందే. తాజాగా తమిళ్ హీరో అరుణ్ విజయ్ కూడా గాయపడినట్లుగా తెలుస్తోంది. ఇందుకు సంబంధించిన ఫోటోస్ ఇప్పుడు నెట్టింట తెగ వైరలవుతున్నాయి.
ప్రస్తుతం ఆయన నటిస్తోన్న అచ్చం ఎన్బదు ఇల్లైయే సినిమా చిత్రీకరణ సమంయలో ప్రమాదం జరిగినట్లుగా తెలుస్తోంది. ఇందులో అరుణా్ విజయ్ తోపాటు.. మరో వ్యక్తి కూడా గాయపడినట్లుగా తెలుస్తోంది. దీంతో ఆయన మోకాలికి కాస్త ఎక్కువగానే ఎఫెక్ట్ అయినట్లుగా కనిపిస్తోంది. ప్రస్తుతం ఆయన షూటింగ్ కు బ్రేక్ ఇచ్చి.. కేరళలోని ఆయుర్వేద చికిత్స తీసుకుంటున్నారు. అందుకు సంబంధించిన ఫోటోస్ షేర్ చేస్తూ.. మోకాళ్లకు అయిన గాయానికి ఆయుర్వేద విధానంలో చికిత్స తీసుకుంటున్నాను. ఇది నాలుగోరోజు చికిత్స. త్వరలోనే షూటిం గ్ లో పాల్గొంటాను. అంటూ రాసుకొచ్చాడు. ఇక ఆయన ఫోటోస్ చూసిన అభిమానులు తమ అభిమాన హీరో త్వరగా కోలుకోవాలని కామెంట్స్ చేస్తున్నారు.
దాదాపు 20 ఏళ్లుగా ఎన్నో సినిమాల్లో నటించి కోలీవుడ్ ఇండస్ట్రీలో తనకంటూ ప్రత్యేక గుర్తింపు తెచ్చుకున్నారు అరుణ్ విజయ్. ఇటు తెలుగులోనూ ఈ హీరోకు మంచి ఫాలోయింగ్ ఉంది. మెగా పవర్ స్టార్ రామ్ చరణ్ నటించిన బ్రూస్ లీ సినిమాలో ప్రతినాయకుడిగా కనిపించారు అరుణ్ విజయ్. మాస్, యాక్షన్ సినిమాలకు కోలీవుడ్ ఇండస్ట్రీలో పెట్టింది పేరు అరుణ్ విజయ్.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.