Irumudi : యూట్యూబ్‏ను షేక్ చేస్తున్న మల్లెపూల పల్లకి సాంగ్.. సింగర్ డప్పు శ్రీనుకు రెమ్యునరేషన్ ఎంతో తెలుసా.. ?

రవితేజ కథానాయకుడిగా తెరకెక్కిన ఇరుముడి చిత్రం, మల్లెపూల పల్లకి, బంగారు పల్లకి సాంగ్ యూట్యూబ్ ను షేక్ చేస్తున్న సంగతి తెలిసిందే. ఈ పాటను 26 సంవత్సరాల క్రితం ఆలపించిన ప్రముఖ గాయకుడు డప్పు శీను ఇటీవల ఓ ఇంటర్వ్యూలో తన ప్రస్థానం, పాట విజయం, వ్యక్తిగత జీవితం గురించి అనేక విశేషాలను పంచుకున్నారు. ఇందులో సింగర్ డప్పు శ్రీను మాట్లాడుతూ మల్లెపూల పల్లకి పాట చారిత్రక నేపథ్యాన్ని, దాని నిరంతర ప్రాబల్యాన్ని చెప్పుకొచ్చారు. అయ్యప్పస్వామి భజనలలో ఈ పాట లేనిదే ఉండదని, డప్పు శీను ఆ రోజుల్లోనే ఒక ప్రభంజనాన్ని సృష్టించారు. ఇరుముడి దర్శకుడు, హీరో రవితేజ స్వయంగా డప్పు శీనును సంప్రదించి, పాటను మళ్ళీ పాడించడంతో, ఈ పాట ఇప్పుడు మరింత మంది శ్రోతలకు చేరువైంది. డప్పు శీను మాట్లాడుతూ, ఈ పాట 26 సంవత్సరాల క్రితం పాడానని, ప్రస్తుతం సంగీతంలో స్వల్ప మార్పులు చేసి, రిథమ్స్ మార్చినా, అది కూడా అద్భుతంగా ఉందని తెలిపారు. 63 సంవత్సరాల వయసులోనూ తన వాయిస్‌లో డెప్త్ ఏమాత్రం తగ్గలేదని, స్వల్పంగా మార్పు ఉందని పేర్కొన్నారు. తాను ఈ పాటను భజనలలో ఐదారు వేల సార్లు పాడి ఉంటానని అంచనా వేశారు. ఈ పాటను చౌడం శ్రీనివాసరావు రచించగా, సుక్క రాజానాయుడు సంగీతం అందించారని వివరించారు. 35 సంవత్సరాలుగా తమ బృందం, అదే 15 మంది సభ్యులతో కలిసి పనిచేస్తున్నామని, ఎక్కడికి వెళ్లినా అందరూ కలిసే వెళ్తారని తెలిపారు.

రవితేజ మల్లెపూల పల్లకి పాటకు వేసిన స్టెప్పులపై డప్పు శీను ప్రశంసలు కురిపించారు. అవి అదిరిపోయే స్టెప్స్ అని, చాలా బాగా చేశారని అన్నారు. అయితే, రవితేజను వ్యక్తిగతంగా కలవలేదని, డైరెక్టర్, మ్యూజిక్ డైరెక్టర్లను మాత్రమే కలిశానని, త్వరలో జరగనున్న సక్సెస్ మీట్‌లో రవితేజను కలుస్తానని చెప్పారు. ఈ పాట కోసం తనకు, రచయితకు, సంగీత దర్శకుడికి లభించిన రెమ్యూనరేషన్ పట్ల సంతృప్తి వ్యక్తం చేశారు. భవిష్యత్తులో సినిమా అవకాశాలు వస్తే, అయ్యప్ప దయ ఉంటే పాడటానికి సిద్ధమని తెలిపారు.

తన జీవితంలో 35 సంవత్సరాలుగా అయ్యప్పనే నమ్ముకున్నానని, దాదాపు 30 సంవత్సరాలు మాల ధరించానని డప్పు శీను చెప్పారు. ప్రతి సంవత్సరం మూడు నెలలు మాలలో ఉంటానని, శబరిమలకు వెళ్తానని తెలిపారు. ఆ అనుభూతి వర్ణనాతీతమని, ప్రతి సంవత్సరం ఆరు నెలలు మాలలోనే గడిచిపోతుందని అన్నారు. పాటల రికార్డింగ్‌లు, వినాయక చవితి, దసరా, అయ్యప్పస్వామి భజనల వంటి వందల ప్రోగ్రామ్‌లు చేసేవాళ్ళమని గుర్తు చేసుకున్నారు. డప్పు శీను భార్య మాట్లాడుతూ మల్లెపూల పల్లకి పాట తిరిగి హిట్ అవ్వడం పట్ల ఆమె అమితానందం వ్యక్తం చేశారు. థియేటర్‌లో రవితేజ డ్యాన్స్‌తో తమ వారి పాటను చూసినప్పుడు మాటల్లో చెప్పలేనంత ఆనందం కలిగిందని అన్నారు. ఆమె కూచిపూడి నృత్య గురువు అని, ఫోక్ సాంగ్స్, జానపదాలు కూడా నేర్పిస్తుంటారని డప్పు శీను తెలిపారు. వారిది ప్రేమ వివాహమని, డ్యాన్స్ నేర్పేటప్పుడు తాను సింగర్‌గా వెళ్లడంతో నరసరావుపేటలో ప్రేమించుకుని పెళ్లి చేసుకున్నామని డప్పు శీను వివరించారు. తన భర్తలో తనకు నచ్చిన గుణం “మంచితనం” అని, ఇతరులకు సహాయం చేసే గుణమే తనకు నచ్చిందని ఆమె పేర్కొన్నారు.

ఎక్కువమంది చదివినవి : Soundarya: సౌందర్య ఫస్ట్ సినిమా హీరో ఇప్పుడేం చేస్తున్నాడో తెలుసా.. ? 13 ఏళ్లకే స్టార్ డమ్.. ఇప్పుడు ఇలా..

మల్లెపూల పల్లకి సాంగ్..

ఎక్కువమంది చదివినవి : Cinema : దేశాన్ని కుదిపేసిన నిజమైన సంఘటనతో తీసిన సినిమా.. ఓటీటీలో భయం పుట్టించింది.. ట్రెండింగ్‌లో నంబర్ వన్..