Kiran Abbavaram: కిరణ్ అబ్బవరం- రహస్య గోరఖ్ల పెళ్లి ముహూర్తం ఫిక్స్.. ఆ అందమైన ప్రదేశంలోనే వివాహం
టాలీవుడ్లో యంగ్ హీరో కిరణ్ అబ్బవరం తన బ్యాచిలర్ లైఫ్ కు బై బై చెప్పనున్నాడు. తన ప్రియురాలు రహస్య గోరఖ్ తో కలిసి మరో మూడు రోజుల్లో పెళ్లిపీటలెక్కనున్నాడీ హ్యాండ్సమ్ హీరో. ఇందుకు సంబంధించి ఇప్పటికే ఘనంగా ఏర్పాట్లు జరుగుతున్నాయి. ప్రీ వెడ్డింగ్ సెలబ్రేషన్స్ కూడా షురూ అయ్యాయి
![Kiran Abbavaram: కిరణ్ అబ్బవరం- రహస్య గోరఖ్ల పెళ్లి ముహూర్తం ఫిక్స్.. ఆ అందమైన ప్రదేశంలోనే వివాహం](https://images.tv9telugu.com/wp-content/uploads/2024/08/kiran-abbavaram-marriage.jpg?w=1280)
టాలీవుడ్లో యంగ్ హీరో కిరణ్ అబ్బవరం తన బ్యాచిలర్ లైఫ్ కు బై బై చెప్పనున్నాడు. తన ప్రియురాలు రహస్య గోరఖ్ తో కలిసి మరో మూడు రోజుల్లో పెళ్లిపీటలెక్కనున్నాడీ హ్యాండ్సమ్ హీరో. ఇందుకు సంబంధించి ఇప్పటికే ఘనంగా ఏర్పాట్లు జరుగుతున్నాయి. ప్రీ వెడ్డింగ్ సెలబ్రేషన్స్ కూడా షురూ అయ్యాయి. వీటికి సంబంధించిన ఫొటోలు కూడా ఇప్పుడు సోషల్ మీడియాలో వైరలవుతున్నాయి. దీంతో పలువురు సినీ ప్రముఖులు, అభిమానులు, నెటిజన్లు కాబోయే జంటకు ముందుగానే శుభాకాంక్షలు తెలుపుతున్నారు. కాగా ఆగస్టు 22న కర్ణాటకలోని కూర్గ్ వేదికగా కిరణ్ అబ్బవరం- రహస్య గోరఖ్ల వివాహ వేడుక జరగనుంది. రహస్య బంధువులందరూ అక్కడే ఉండడంతో పెళ్లి వేదికను అక్కడే ఫిక్స్ చేశారట. అయితే వీరిద్దరూ ముందుగా కేరళలో డెస్టినేషన్ వెడ్డింగ్ జరుపుకోవాలనుకున్నారట. అయితే వయనాడ్ వరదలు, కొండ చరియలు విరిగి పడడంతో ప్రస్తుతం అక్కడ పరిస్థితి ఏమంత బాగోలేదు. దీంతో తమ పెళ్లి వేదికను కర్ణాటకలోని కూర్గ్ కు మార్చారట. ఇరు కుటుంబ సభ్యులు, స్నేహితులు, బంధువులు కిరణ్ అబ్బవరం, రహస్యల వివాహ వేడుకకు హాజరుకానున్నారు. అయితే సినిమా ఇండస్ట్రీ నుంచి ఎవరెవరు వెళుతున్నారనేది ఇంకా క్లారిటీ రావాల్సి ఉంది.
కాగా కిరణ్, రహస్య ఇద్దరూ సాఫ్ట్ వేర్ ఇంజినీర్సే. అయితే సినిమాలపై మక్కువతో ఇండస్ట్రీలోకి అడుగు పెట్టారు. ‘రాజావారు రాణిగారు’ సినిమాతో హీరోహీరోయిన్లుగా ఎంట్రీ ఇచ్చారీ లవ్ బర్డ్స్. తొలి చిత్రంతోనే అందమైన జంటగా గుర్తింపు తెచ్చుకుంది. రీల్ లైఫ్ లోనే రియల్ లైఫ్ లోనూ వీరి ద్దరూ ప్రేమికులుగా మారారు. . దాదాపు ఐదేళ్ల నుంచి కిరణ్-రహస్య ప్రేమించుకుంటున్నారు. అయితే తమ ప్రేమ విషయాన్ని గోప్యంగా ఉంచారు. ఈ ఏడాది తమ నిశ్చితార్థం ప్రకటనతో తమ ప్రేమ విషయాన్ని అధికారికంగా ప్రకటించారు. మార్చి 13న వీరి నిశ్చితార్థం గ్రాండ్ గా జరిగింది. ఇప్పుడు ప్రేమతో తమ బంధాన్ని మరింత ముందుకు తీసుకెళుతున్నారీ ప్రేమ పక్షులు.
పూజల్లో కాబోయే దంపతులు..
it’s Begins…💖💖#KiranAbbavaram #RahasyaGorak @Kiran_Abbavaram pic.twitter.com/N0PCJ9U07c
— Kiran Fan Trends ™ (@KiranFanTrends) August 11, 2024
కిరణ్ అబ్బవరం- రహస్య గోరఖ్ ల రొమాంటిక్ వీడియో ఇదిగో..
View this post on Instagram
కిరణ్ అబ్బవరం- రహస్య గోరఖ్ ల ఎంగేజ్ మెంట్.. ఫొటోస్ ఇదిగో..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.