“మ‌ళ్లీ‌ ముఖానికి మేక‌ప్ వేసుకోవ‌డం ఆనందంగా ఉంది”

కన్నడ స్టార్ హీరో సుదీప్‌ కిచ్చ మళ్లీ మేక‌ప్ వేసుకుని కెమెరా ముందుకు వ‌చ్చారు. లాక్‌డౌన్ వ‌ల‌న‌ నిలిచిపోయిన ‘ఫాంటమ్‌’ సినిమా షూటింగ్ హైదరాబాద్‌లోని అన్నపూర్ణ స్టూడియోలో ఆదివారం పునఃప్రారంభ‌మైంది. ఈ సంతోషకరమైన విషయాన్ని ఆయన ఫ్యాన్స్ తో ట్విటర్ ద్వారా పంచుకున్నారు. ‘ఈ రోజు నా ముఖానికి మేక‌ప్ వేసుకోవ‌డం చాలా ఆనందంగా ఉంది.’ అంటూ పేర్కొన్నారు. ఈ సినిమాకు సంబంధించిన చిన్న వీడియోను సుదీప్ షేర్ చేశారు.

సుదీప్ ‘ఈగ’, ‘బాహుబలి’ సినిమా ద్వారా తెలుగు ప్రేక్ష‌కుల‌కు కూడా సుప‌రిచితుడే. చివ‌రిసారిగా తెలుగులో ఆయ‌న‌ మెగాస్టార్​ చిరంజీవితో సైరాలో నటించారు. ఆ తర్వాత బాలీవుడ్​లో సల్మాన్​తో ‘దబాంగ్​ 3లోనూ సంద‌డి చేశారు. తాజాగా అందుతోన్న స‌మాచారం మేర‌కు రాజమౌళి తెరకెక్కిస్తోన్న ప్రతిష్ఠాత్మక చిత్రం ‘ఆర్​ఆర్​ఆర్’​లోనూ ఓ కీల‌క పాత్ర కోసం సుదీప్ ను ఎంపిక చేసుకున్న‌ట్లు తెలుస్తోంది. ఈ చిత్రంలో సుదీప్‌ పోలీసు ఆఫీస‌ర్ గా కనిపించబోతున్నారని సమాచారం.