Kavya Maran-Anirudh: కావ్య మారన్- అనిరుధ్‌ల గ్రాండ్ వెడ్డింగ్ రిసెప్షన్‌.. అతిథుల లిస్ట్‌లో ఏకైక టాలీవుడ్ హీరో!

మ్యూజిక్ సెన్సేషన్ అనిరుధ్ రవిచందర్, సన్‌రైజర్స్ హైదరాబాద్ సీఈఓ కావ్యా మారన్‌ల వివాహం నవంబర్ 10,11 తేదీల్లో జరగనుంది. గ్రీస్ వేదికగా జరిగే ఈ గ్రాండ్ వెడ్డింగ్ కోసం ఇప్పటికే ఏర్పాట్లు కూడా అంగరంగం వైభవంగా జరుగుతున్నాయి. ఈ నేపథ్యంలోనే వీరిద్దరి రిసెప్షన్‌కు సంబంధించిన ఓ ఆహ్వాన పత్రిక ఇప్పుడు నెట్టింట వైరల్‌గా మారింది.

Kavya Maran And Anirudh Grand Wedding

Basha Shek |
Updated on: Oct 27, 2026 | 7:08 PM

ప్రముఖ సంగీత దర్శకుడు అనిరుధ్ రవిచందర్ త్వరలోనే పెళ్లి పీటలెక్కనున్నారు. ఎస్‌ఆర్‌హెచ్‌ కో ఓనర్‌ కావ్య మారన్‌ను ఆయన పెళ్లాడనున్నారు. వచ్చేనెల 10, 11 తేదీల్లో వీరిద్దరి గ్రాండ్ వెడ్డింగ్ జరగనున్నట్లు తెలుస్తోంది. గ్రీస్ వేదికగా జరిగే ఈ డెస్టినేషన్ వెడ్డింగ్ కోసం ఇప్పటికే ఏర్పాట్లు అట్టహాసంగా జరుగుతున్నాయిని సమాచారం. ఈ పెళ్లి వేడుకలో కేవలం ఇరు కుటుంబాలతో పాటు కావ్య- అనిరుధ్ ల అత్యంత దగ్గరి స్నేహితులు, సన్నిహితులు మాత్రమే పాల్గొననున్నారు. ఇక సినీ, రాజకీయ ప్రముఖుల కోసం నవంబర్‌ 21న వెడ్డింగ్ రిసెస్షన్ ను కూడా గ్రాండ్ గా నిర్వహించనున్నారు. చెన్నైలోని ఐటీసీ గ్రాండ్ లో జరిగే ఈ వేడుకకు ఈ వేడుకకు ప్రధానమంత్రి నరేంద్ర మోడీ తమిళనాడు ముఖ్యమంత్రి జోసెఫ్ విజయ్ తో సహా పలువురు ప్రముఖ సినీ, రాజకీయ నాయకుల హాజరుకానున్నట్లు తెలుస్తోంది. ముఖ్యంగా కోలీవుడ్ సినీ పరిశ్రమకు చెందిన ప్రముఖులు కూడా ఈ గ్రాండ్‌ రిసెప్షన్‌కు హాజరు కానున్నారని తెలుస్తోంది. అనిరుధ్ మామ అయిన సూపర్ స్టార్ రజనీకాంత్, ప్రముఖ సంగీత దర్శకుడు ఏఆర్ రెహమాన్‌, కోలీవుడ్ హీరో శివకార్తికేయన్, అతని భార్య ఆర్తి, అజిత్ కుమార్, దర్శకుడు నెల్సన్ దిలీప్‌కుమార్ తదితరులు ఈ గ్రాండ్ వెడ్డింగ్ రిసెప్షన్ ఆహ్వానితులలో ఉన్నట్లు సమాచారం. కాగా టాలీవుడ్ నుంచి ఐకాన్ స్టార్‌ అల్లు అర్జున్ మాత్రమే ఈ అతిథుల లిస్ట్‌లో ఉన్నట్లు తెలుస్తోంది.

ఇదిలా ఉంటే అనిరుధ్ రవిచందర్, కావ్య మారన్ ల గ్రాండ్ వెడ్డింగ్ కు సంబంధించి ఆహ్వానాలు కూడా సిద్ధమయ్యాయి. ఈ ఇన్విటేషన్ బాక్స్ ఫొటోలు, వీడియోలు ప్రస్తుతం నెట్టింట తెగ వైరల్ అవుతున్నాయి. కాగా ఈ వెడ్డింగ్ ఇన్విటేషన్ బాక్స్‌ను అత్యంత అద్భుతంగా డిజైన్ చేశారు. ఐవరీ రంగు బాక్స్‌పై లేత నీలి రంగు ఎంబ్రాయిడరీతో డిజైన్ చేసిన ఇన్విటేషన్ బాక్స్ చాలా అద్బుతంగా ఉందంటున్నారు నెటిజన్లు. ముఖ్యంగా బాక్స్‌పై ఎంబాస్డ్‌ అక్షరాలు, వింటేజ్ లుక్స్ ఉన్న సీల్ ఈ వెడ్డింగ్ ఇన్విటేషన్ బాక్స్‌కు ప్రత్యేక ఆకర్షణగా నిలిచాయని ప్రశంసిస్తున్నారు.

ఇవి కూడా చదవండి