Accident: రోడ్డు ప్రమాదంలో ప్రముఖ నటుడి కుమారుడికి గాయాలు.. ఆసుపత్రిలో చికిత్స

సినిమా ఇండస్ట్రీని రోడ్డు ప్రమాదాలు కలవరపెడుతున్నాయి. ఇప్పటికే చాలా మంది సినిమా తారలు ప్రమాదాలకు గురయ్యారు. కొంతమంది తీవ్రగాయాలపాలైతే మరికొంత మంది ప్రాణాలను కూడా కోల్పోయారు.

Accident

Rajeev Rayala |

Updated on: Jul 03, 2021 | 8:54 AM

సినిమా ఇండస్ట్రీని రోడ్డు ప్రమాదాలు కలవరపెడుతున్నాయి. ఇప్పటికే చాలా మంది సినిమా తారలు ప్రమాదాలకు గురయ్యారు. కొంతమంది తీవ్రగాయాలపాలైతే మరికొంత మంది ప్రాణాలను కూడా కోల్పోయారు. తాజాగా ప్రముఖ కన్నడ నటుడు, రాజకీయనాయకుడు జగ్గేష్ కుమారుడు యతిరాజ్ రోడ్డు ప్రమాదానికి గురయ్యారు. ఈ ప్రమాదంలో యతిరాజ్ కు స్వల్ప గాయాలయ్యాయి. హైదరాబాద్, బెంగళూరు జాతీయ రహదారిపై చిక్బల్లాపురం సమీపంలో ఈ ప్రమాదం చోటు చేసుకుంది. ఎదురుగా వస్తున్న బైక్ ను తప్పించబోయి ఆయన కారు అదుపుతప్పి పక్కనే ఉన్న చెట్టును ఢీ కొట్టింది. ఈ ప్రమాదంలో కారు బాగా ధ్వంసం కాగా యతిరాజ్ చిన్న చిన్న గాయాలతో బయటపడ్డారు. ప్రమాదం జరిగిన వెంటనే చికిత్స నిమిత్తం యతిరాజ్ ను చిక్బల్లాపురం ప్రభుత్వ ఆసుపత్రికి తరలించారు. అక్కడి నుంచి బెంగుళూరుకు తీసుకుని వెళ్లారు.

ప్రమాదానికి అతి వేగమే కారణమని స్థానికులు చెబుతున్నారు. ప్రమాద సమయంలో కారులో యతిరాజ్ ఒంటరిగా ప్రయాణిస్తున్నారు. ఇక యతి రాజ్ తండ్రి పలు చిత్రాల్లో ఆయన నటించారు. ఆతర్వాత రాజకీయాల్లోకి వచ్చి కాంగ్రెస్ పార్టీ తరుపున ఎమ్మెల్యే గా ఎన్నికయ్యారు. ప్రస్తుతం జగ్గేష్ బీజేపీలో కొనసాగుతున్నారు.

మరిన్ని ఇక్కడ చదవండి :