Kangana Ranaut : పిల్లలను చెడగొడుతున్నారు.. మరోసారి శివాలెత్తిన కాంట్రవర్సీ క్వీన్

బాలీవుడ్‌లో వివాదాలకు క్రేరాఫ్ అడ్రస్‌గా మారింది హీరోయిన్ కంగనా రనౌత్. ఎప్పుడూ వివాదాలతో సహవాసం చేస్తూ ఉంటుంది ఈ బ్యూటీ.

Kangana

Rajeev Rayala |
Updated on: Feb 15, 2022 | 5:58 PM

Kangana Ranaut : బాలీవుడ్‌లో వివాదాలకు క్రేరాఫ్ అడ్రస్‌గా మారింది హీరోయిన్ కంగనా రనౌత్. ఎప్పుడూ వివాదాలతో సహవాసం చేస్తూ ఉంటుంది ఈ బ్యూటీ. ఆమె సోషల్ మీడియా వేదికగా పెట్టే పోస్టులు.. చాలా వివాదాస్పదంగా ఉంటాయి. కొన్నిసార్లు ఉద్రిక్తతలు కూడా చెలరేగేలా చేస్తాయి. ఎప్పుడూ ఏదో ఓ విషయమై కంగనా వార్తల్లో ఉంటుంది. ఇటీవల దీపికా పదుకొనె నటించిన సినిమా పై వివాదాస్పద వ్యాఖ్యలు చేసి మరోసారి వార్తల్లో నిలిచింది. ‘గెహ్రాహియా’ సినిమాపైనా పరోక్షంగా స్పందించిన కంగన. స్కిన్షో- అశ్లీలత ఏ సినిమాను సేవ్ చేయలేవంటూ రాసుకొచ్చింది. “బ్యాడ్ మూవీస్ ఎప్పుడు బ్యాడ్ మూవీసే. స్కిన్షో, రొమాన్స్ వాటిని ఏ మాత్రం సేవ్ చేయలేవు. ఇది చాలామందికి తెలిసిన విషయం” అని కామెంట్స్ చేసింది. తాజా మరోసారి రెచ్చిపోయింది కంగనా.

అలియాభట్‌ హీరోయిన్‌ తెరకెక్కిన చిత్రం గంగూబాయి కతియావాడీ. యధార్థ సంఘటనల ఆధారంగా తెరకెక్కిన ఈ సినిమా ఫిబ్రవరి 25న విడుదల చేయనున్నారు. సంజయ్‌లీలా భన్సాలీ దర్శకత్వం వహించిన ఈ సినిమాను ముంబయికి చెంది మాఫీయా క్వీన్‌ గంగూబాయి జీవిత కథ ఆధారంగా తెరకెక్కించారు. నిజానికి ఈ సినిమా ఇప్పటికే విడుదల కావాల్సి ఉండగా కరోనా కారణంగా పలు సార్లు వాయిదా పడుతూ వచ్చింది. ఇటీవలే ఈ సినిమా ట్రైలర్ రిలీజ్ అయ్యింది. అయితే ఈ సినిమాలో వేశ్య పాత్రలో కనిపించనుంది. ఆమె కామాతిపుర రెడ్ లైట్ ఏరియాలో నివాసం ఉంటూ అక్కడ మాఫియా డాన్ గా ఎదిగిన తీరును ఈ సినిమాలో చూపించనున్నారు. అయితే ఈ సినిమా ట్రైలర్ లోని డైలాగులు నెట్టింట హల్ చల్ చేస్తున్నాయి. అలియా చెప్పిన డైలాగులను కొందరు రీల్స్ చేస్తున్నారు. తాజాగా ఓ చిన్నారి కూడా అచ్చం అలియా భట్ మాదిరిగానే గెటప్ వేసుకొని నోటిలో బీడీ పట్టుకుని.. సినిమాలోని అభ్యంతరకర డైలాగ్ ను రీల్ గా చేసింది. ఈ వీడియో పై కంగనా ఫైర్ అయ్యింది. చిన్న పిల్లల పై ఇలాంటి సినిమాలు ప్రభావం చూపుతాయని.. వందల మంది పిల్ల దీనిని చూసి పాడైపోతారు.. అంటూ చెప్పుకొచ్చింది కంగనా.. ఇప్పుడు కంగనా కామెంట్స్ వైరల్ అవుతున్నాయి.