Ram charan & Upasana: దోమకొండ కోటలో ఘనంగా పెళ్లి వేడుకలు.. సందడి చేసిన రామ్ చరణ్, ఉపాసన.. ఫోటోస్ వైరల్..

దోమకొండ గడికోట వారసులైన కామినేని అనిల్ కుమార్ శోభనల రెండో కుమార్తె అనుష్ప వివాహం వేడుకలను ఘనంగా నిర్వహిస్తున్నారు.

Ram Charan

Rajitha Chanti |
Updated on: Dec 06, 2021 | 8:41 AM

దోమకొండ గడికోట వారసులైన కామినేని అనిల్ కుమార్ శోభనల రెండో కుమార్తె అనుష్ప వివాహం వేడుకలను ఘనంగా నిర్వహిస్తున్నారు. దోమకొండ గడి కోటకు అటు కామినేని కుటుంబసభ్యులతోపాటు.. మెగా ఫ్యామిలీ అంతా చేరుకున్నారు. దోమకొండ మండల కేంద్రంలోని గడికోటలో నిర్వహించిన పోచమ్మ పండుగ వేడుకల్లో మెగా పవర్ స్టార్ రామ్ చరణ్.. ఆయన సతీమణి ఉపాసన కొణిదెల సందడి చేశారు. ఇందుకు సంబంధించిన ఫోటోలను ఉపాసన కొణిదెల తన ఇన్‏స్టాలో షేర్ చేశారు.

కామారెడ్డి జిల్లా దోమకొండ గడికోట వారసులైన కామినేని అనిల్ కుమార్ శోభనల రెండో కుమార్తె అనుష్ప వివాహ వేడుకలను ఘనంగా నిర్వహిస్తున్నారు. ఈ సందర్భంగా ఆదివారం దోమకొండ గడికోటలో కామినేని కుటుంబసభ్యులు సంప్రదాయబద్దంగా పోచమ్మ పండుగను ఘనంగా నిర్వహించారు. ఈ వేడుకలను కామినేని కుటుంబసభ్యులతోపాటు.. మెగా ఫ్యామిలీ కూడా హాజరయ్యారు. కోట ప్రాంతంలో పూర్తిగా బ్యాండ్ భజంత్రీలతో మార్మోగింది. గడికోట ముఖ ద్వారం నుంచి గడికోటలోని పోచమ్మ దేవాలయం వరకు బోనం ఎత్తుకొని పెళ్లి కుమార్తె అనుష్ప అందరిని ఆకర్షించింది.

కుటుంబ సాంప్రదాయమైన ఇంట్లో ఏదైనా శుభకార్యానికి ముందు ఈ విధంగా పండుగను నిర్వహిస్తున్నట్లు గడికోట వారసులు తెలిపారు. ఇక దోమకొండ గడికోట వారసులైన కామినేని అనిల్ కుమార్ శోభనల రెండో కుమార్తె అనుష్ప వివాహం సందర్భంగా నిర్వహించిన పోచమ్మ పండుగ కార్యక్రమంలో అపోలో హాస్పిటల్ చైర్మన్ ప్రతాప్ సి రెడ్డి, టి.సుబ్బరామిరెడ్డి, అపోలో హాస్పిటల్ సిబ్బంది పాల్గొన్నారు.