Ram Charan- Jr NTR: రామ్ చరణ్‌ కూతురికి జూనియర్ ఎన్టీఆర్ స్పెషల్ గిఫ్ట్.. మెగా ప్రిన్సెస్ క్లింకారా కోసం..
టాలీవుడ్ సినిమా ఇండస్ట్రీలో ఉండే బెస్ట్‌ ఫ్రెండ్స్‌ జాబితాలో రామ్‌చరణ్‌- జూనియర్ ఎన్టీఆర్ కూడా ఉంటారు. తమ మధ్య సోదర సమానమైన బంధముందని పలు సందర్భాల్లో చెప్పుకొచ్చారీ స్టార్ హీరోస్‌. ఇక రాజమౌళి 'ఆర్‌ఆర్‌ఆర్‌' సినిమాతో చెర్రీ ,తారక్‌ల ఫ్రెండ్‌షిప్‌ మరింత బలపడింది.
Updated on: Jul 19, 2023 | 5:43 PM
టాలీవుడ్ సినిమా ఇండస్ట్రీలో ఉండే బెస్ట్‌ ఫ్రెండ్స్‌ జాబితాలో రామ్‌చరణ్‌- జూనియర్ ఎన్టీఆర్ కూడా ఉంటారు. తమ మధ్య సోదర సమానమైన బంధముందని పలు సందర్భాల్లో చెప్పుకొచ్చారీ స్టార్ హీరోస్‌. ఇక రాజమౌళి ‘ఆర్‌ఆర్‌ఆర్‌’ సినిమాతో చెర్రీ ,తారక్‌ల ఫ్రెండ్‌షిప్‌ మరింత బలపడింది. ప్రస్తుతం ఈ ఇద్దరు హీరోలు గ్లోబల్‌ స్టార్స్‌గా వెలుగొందుతున్నారు. కాగా ఇటీవల రామ్‌చరణ్‌ తండ్రిగా ప్రమోషన్‌ పొందిన సంగతి తెలిసిందే. చెర్రీ సతీమని ఉపాసన గత నెలలో క్లింకారా అనే ఆడబిడ్డకు జన్మనిచ్చింది. ఈక్రమంలో చరణ్‌-ఉపాసన దంపతుల గారాల పట్టికి ఎన్టీఆర్ ఓ సర్‌ప్రైజ్ గిఫ్ట్ ఇచ్చారట. మెగా ప్రిన్సెస్ కోసం ప్రత్యేకంగా డిజైన్‌ చేయించిన గోల్డ్‌ డాలర్స్‌ను బహుమతిగా పంపించారట తారక్‌. అది కూడా ఎన్టీఆర్ వారసులు అభయ్‌, భార్గవ్‌ రామ్‌లు ఎంతో ఇష్టంగా రామ్‌చరణ్‌- ఉపాసన దంపతులకు అందించారట.
ఆ గోల్డ్‌ డాలర్స్‌ మీద రామ్ చరణ్‌, ఉపాసన, క్లింకారాల పేర్లు వచ్చేలా స్పెషల్‌గా డిజైన్‌ చేయించారట తారక్‌. ఇవి మెగా ఫ్యామిలీకి కూడా చాలా బాగా నచ్చాయట. ఈ విషయం తెలిసి మెగా-నందమూరి అభిమానులు తెగ ఖుషీ అవుతున్నారట. ఇక సినిమాల విషయానికొస్తే.. ప్రస్తుతం గేమ్‌ ఛేంజర్‌ షూటింగ్లో ఉన్నాడు రామ్ చరణ్‌. అలాగే దేవర షూట్‌లో బిజీగా ఉన్నాడు తారక్‌.
మరిన్ని సినిమా వార్తల కోసం క్లిక్ చేయండి.
