RRR Song Promo: ‘ఆర్ఆర్ఆర్’నుంచి ‘కొమురం భీముడో’ సాంగ్ ప్రోమో.. ఆలపించింది ఎవరో తెలుసా..

Rrr

Komuram Bheemudo Song: దర్శక ధీరుడు రాజమౌళి తెరకెక్కిస్తున్న ప్రతిష్ఠాత్మక చిత్రం ఆర్ఆర్ఆర్. యంగ్ టైగర్ ఎన్టీఆర్.. మెగా పవర్ స్టార్ రామ్ చరణ్ ప్రధాన పాత్రలో నటిస్తోన్నఈ సినిమా త్వరలో ప్రేక్షకుల ముందుకు రానుంది. ఇప్పటికే ఈ సినిమా నుంచి విడుదలైన ట్రైలర్ యూట్యూబ్‏లో రికార్డ్స్ సునామి సృష్టిస్తోంది. భారీ బడ్జెట్‏తో డీవీవీ ఎంటర్ టైన్మెంట్స్ బ్యానర్ పై దానయ్య నిర్మిస్తోన్న ఈ సినిమా వచ్చే ఏడాది జనవరి 7న ప్రేక్షకుల ముందుకు రానుంది. ఈ క్రమంలో సినిమా ప్రమోషన్స్ వేగవంతం చేశారు జక్కన్న. ఈ క్రమంలో తాజాగా సాంగ్ ప్రోమోను విడుదల చేశారు చిత్రయూనిట్.

కొమురం భీముడో.. కొమురం భీముడో అంటూ సాగే ఈ పాటను కాలభైరవ ఆలపించారు. ఈ పాటకు సాహిత్యాన్ని సుద్దాల అశోక్ తేజ అందించారు. కీరవాణి మ్యూజిక్ అందించిన ఈ సినిమా పాటలు శ్రోతలను ఆకట్టుకుంటున్నాయి. చరణ్ అల్లూరి సీతారామరాజుగా నటిస్తుండగా.. తారక్ కొమురం భీమ్ గా కనిపించనున్నాడు. కొమురం భీముడో  ఫుల్ సాంగ్ ను రేపు సాయంత్రం 4 గంటలకు విడుదల చేయనున్నారు.ఈ సినిమాలో ఎన్టీఆర్, రామ్ చరణ్‌లతో పాటు సముద్ర ఖని, అలియా భట్, శ్రియ, ఒలివియా మోరీస్‌ల నటిస్తున్నారు.  ఎం.ఎం. కీరవాణి సంగీతం , సెంథిల్ కుమార్ ఛాయాగ్రహణం అందిస్తున్నారు. ఈ మూవీ తెలుగుతో పాటు హిందీ, తమిళ, కన్నడ, మలయాళం భాషల్లో విడుదల కానుంది. ప్రస్తుతం చిత్ర యూనిట్ అన్ని భాషల్లోనూ ప్రమోషన్స్ లో బిజీబిజీగా ఉంది.

మరిన్ని ఇక్కడ చదవండి : 

Konidela Upasana: ప్రధానమంత్రితో సమావేశమైన మెగా కోడలు.. ఎందుకంటే..

RRR: జక్కన్న బిగ్ ప్లాన్.. RRR తెలుగు ప్రీ-రిలీజ్‌ ఈవెంట్‌‌కు అతిథులుగా ఆ ఇద్దరు హీరోలు!

Kamal Haasan: విక్రమ్‌ సెట్‌లోకి అడుగుపెట్టిన కమల్‌.. సినిమా విడుదల ఎప్పుడంటే!