Hero Karthi: ఒక హాలీవుడ్ మూవీలా మా సినిమాను ప్రజంట్ చేశాం.. హీరో కార్తి ఆసక్తికర కామెంట్స్
కింగ్ అక్కినేని నాగార్జున అన్నపూర్ణ స్టూడియోస్ ఈ సినిమాని తెలుగు రాష్ట్రాలలో భారీగా విడుదల చేసింది. ఈ నేపధ్యంలో హీరో కార్తి 'సర్దార్' విశేషాలని పంచుకున్నారు
Updated on: Oct 21, 2022 | 12:40 PM
హీరో కార్తి నటించిన లేటెస్ట్ మూవీ సర్దార్.దీపావళి కానుకగా అక్టోబర్ 21న( ఈ రోజు) ఈ సినిమా ప్రేక్షకుల ముందుకు వచ్చింది. ఈ సినిమాకు అభిమన్యుడు ఫేమ్ దర్శకుడు పిఎస్ మిత్రన్ దర్శకత్వం వహించారు. ప్రిన్స్ పిక్చర్స్ బ్యానర్ పై ఎస్ లక్ష్మణ్ కుమార్ నిర్మించిన స్పై యాక్షన్ థ్రిల్లర్ ఇది. సర్దార్ లో రాశి ఖన్నా , రజిషా విజయన్ కథానాయికలుగా నటించారు. ఈ చిత్రం తెలుగు, తమిళ భాషల్లో విడులైంది. కింగ్ అక్కినేని నాగార్జున అన్నపూర్ణ స్టూడియోస్ ఈ సినిమాని తెలుగు రాష్ట్రాలలో భారీగా విడుదల చేసింది. ఈ నేపధ్యంలో హీరో కార్తి ‘సర్దార్’ విశేషాలని పంచుకున్నారు. కార్తి మాట్లాడుతూ..
పొన్నియిన్ సెల్వన్ సమ్మర్ కి రావాలి. కొంచెం ఆలస్యంగా వచ్చినా గొప్ప విజయాన్ని అందుకుంది. పొన్నియిన్ సెల్వన్ తర్వాత ఒక సినిమా తీసుకురావాలంటే ఖచ్చితంగా కొత్తగా స్పెషల్ గా వుండాలి. అలా ఇండియన్ స్పై థ్రిల్లర్ గా సర్దార్ వచ్చింది. ఇందులో మొదటిసారి తండ్రి కొడుకుల పాత్రలో కనిపిస్తున్నా. కథ ప్రకారం చాలా గెటప్స్ వుంటాయి. ఇప్పటివరకూ నేర్చుకున్నది ఒక పరీక్షలా వుంది. ఒక గ్రామంలో పెరిగిన రంగస్థల నటుడు గూఢచారిగా మారి ఏం చేశాడనేది దర్శకుడు మిత్రన్ అద్భుతంగా చూపించారు. 1980లో జరిగే కథ, ఆ ప్రపంచాన్ని చాలా వండర్ ఫుల్ గా తీశారు. ఈ సినిమా కోసం చాలా పరిశోధన చేశారు. మిత్రన్ అభిమన్యుడులో డిజిటల్ క్రైమ్ వరల్డ్ ని చూపించారు. అది చాలా కొత్తగా షాకింగా అనిపించింది కదా. సర్దార్ లో కూడా చాలా ఆసక్తికరమైన అంశాలు వున్నాయి. ట్రైలర్ లో ఒక ఫైల్ మిస్సింగ్ గురించి చూపించాం కదా.. అందులో మనం బ్రతకడానికి కొన్ని ముఖ్యమైన విషయాలు వున్నాయి. సర్దార్ కథ వినకముందు దాని గురించి ఆలోచన లేదు. ఈ సినిమా చూసిన తర్వాత కొన్ని మామూలు అలవాట్లు మార్చుకుంటారనే నమ్మకం వుంది అన్నారు.
అలాగే 60 ఏళ్లలో శరీరంలో ఎలాంటి మార్పులు వస్తాయని మా నాన్న గారిని అడిగాను. అయితే ఆయనకి యోగా అలవాటు వుంది. దాని వలన ఆయన శరీరంలో ఎలాంటి మార్పులు లేవు. నాజర్ గారిని అడిగాను. మెట్లు ఎక్కడం కష్టంలో కొంచెం ఇబ్బంది, అలాగే మాట్లాడినప్పుడు నోటి నుండి ఎక్కువ గాలి వస్తుందని కొన్ని విషయాలు చెప్పారు. గెటప్ వేసుకుంటే ఓల్డ్ మ్యాన్ లా కనిపించవచ్చు. కానీ సర్దార్ యాక్షన్ కూడా చేయాలి. సర్దార్ కి పోలీస్ పాత్రలకు మధ్య స్పష్టమైన తేడా చూపించాలి. ఈ సినిమాని చాలా ఎంజాయ్ చేస్తూ చేశా. ఖైదీ సినిమా చేసినప్పుడు ఒక హాలీవుడ్ సినిమాకి ధీటుగా వుండాలని తీశాం. సర్దార్ ని కూడా అలా ఒక హాలీవుడ్ మూవీలా ప్రజంట్ చేశాం. నా కెరీర్ లో ఇది సవాల్ తో కూడిన పాత్ర. కెమరామెన్ జార్జ్ కొత్త ప్రపంచం చూపించారు. 1980 వరల్డ్ ని సృస్టించారు. జీవీ ప్రకాష్ కుమార్ అవుట్ స్టాండింగ్ మ్యూజిక్ ఇచ్చారు. ఈ చిత్రంలో డిఫరెంట్ లేయర్స్ వుంటాయి. సర్దార్ పాత్ర సమాజం నుండి ఏమీ ఆశించదు. దేశం కోసమే పని చేస్తుంది. పోలీస్ పాత్రకి ప్రతి చిన్నదానికి పబ్లిసిటీ కావాలి. ఈ రెండు పాత్రల మధ్య చాలా వైవిధ్యం వుంటుంది అని అన్నారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
