Tollywood: ఈ చిన్నారిని గుర్తు పట్టారా? తెలుగు సినిమా ఇండస్ట్రీలో ధ్రువ తార.. 32 ఏళ్లకే కన్నుమూసింది

ఈ ఫోటోలో కనిపిస్తున్న చిన్నారిని గుర్తు పట్టారా? ఈమె తెలుగు సినిమా ఇండస్ట్రీలో ఒక ధ్రువ తారలా వెలుగొందింది. అయితే ఈ అందాల తార ప్రస్తుతం భౌతికంగా మన మధ్య లేరు. కానీ ఆమె నటించిన సినిమాలు, పోషించిన పాత్రల రూపంలో ఎల్లప్పుడూ తెలుగు ప్రేక్షకుల హృదయాల్లో చిర స్థాయిగా నిలిచిపోయింది.

Tollywood Actress Childhood Photo

Basha Shek |
Updated on: Jun 26, 2024 | 8:47 AM

ఈ ఫోటోలో కనిపిస్తున్న చిన్నారిని గుర్తు పట్టారా? ఈమె తెలుగు సినిమా ఇండస్ట్రీలో ఒక ధ్రువ తారలా వెలుగొందింది. అయితే ఈ అందాల తార ప్రస్తుతం భౌతికంగా మన మధ్య లేరు. కానీ ఆమె నటించిన సినిమాలు, పోషించిన పాత్రల రూపంలో ఎల్లప్పుడూ తెలుగు ప్రేక్షకుల హృదయాల్లో చిర స్థాయిగా నిలిచిపోయింది. ఈ హీరోయిన్ చనిపోయి చాలా ఏళ్లు అవుతున్నా ఇప్పటికీ ఆమెను అభిమానులు గుర్తు చేసుకుంటున్నారు. టీవీల్లో ఆమె సినిమాలు వచ్చినప్పుడల్లా తనకు ఇంత త్వరగా మరణం రావాల్సి ఉండాల్సింది కాదంటారు. ఇలా అభిమానులతో అభినవ సావిత్రిగా ప్రశంసలు పొందిన ఈ అమ్మాయి ఎవరో ఈ పాటికే అర్థమై ఉంటుంది.. యస్. మీరు ఊహించింది కరెక్టె.. ఆమె మరెవరో కాదు సౌందర్య. ఇది ఆమె చిన్న నాటి ఫొటో.

తన అద్భుతమైన నటనతో తెలుగు ప్రేక్షకుల హృదయాల్లో ప్రత్యేక స్థానం సంపాదించుకుంది సౌందర్య. చాలా మంది లాగే డాక్టర్ కావాల్సిన ఈ అమ్మాయి.. హీరోయిన్ గా మారింది. తన నటనా చాతుర్యంతో అనతి కాలంలోనే కోట్లాది మంది అభిమానులును సొంతం చేసుకుంది. చక్కటి చీరకట్టులో.. నిండైన రూపంతో పదహారణాల తెలుగింటి అమ్మాయిగా తెలుగు ఆడియెన్స్ ను అలరించింది. ఒక్క తెలుగులోనే కాదు, తమిళ్, కన్నడ, మలయాళం, హిందీ భాషల్లోనూ సినిమాలు చేసింది. అక్కడి ప్రేక్షకులను కూడా అలరించింది. సుమారు దశాబ్ద కాలం పాటు వెండితెరపై సందడి చేసిన ఈ అందాల తార అనుకోని ప్రమాదంలో కన్ను మూసింది. 2004లో జరిగిన ఓ హెలికాప్టర్ ప్రమాదంలో సౌందర్య ఈ లోకం నుంచి శాశ్వతంగా వెళ్లిపోయింది. ఈ ప్రమాదంలో ఆమెతో పాటు ఆమె సోదరుడు కూడా కన్ను మూశారు. అప్పటికే ఆమెకు పెళ్లయింది. రెండు నెలల గర్భవతి కూడా. కానీ హెలికాప్టర్ ప్రమాదం సౌందర్య కుటుంబాన్ని చిన్నాభిన్నం చేసింది. కానీ ఆమె నటించిన సినిమాలు, పోషించిన పాత్రల రూపంలో తెలుగు సినిమా ప్రేక్షకుల హృదయాల్లో శాశ్వతంగా నిలిచిపోయిందీ అందాల తార.