Tollywood : అబ్బాయి కాదు.. అమ్మాయే.. నెట్టింట అందాలతో గత్తరలేపుతున్న వయ్యారి.. ఒక్క సినిమాతోనే ఫేమస్..

బాలీవుడ్ ఇండస్ట్రీలో ఎన్నో చిత్రాల్లో నటించింది. కానీ పాన్ ఇండియా లెవల్లో చేసిన ఒక్క సినిమాతోనే క్రేజ్ సొంతం చేసుకుంది. దీంతో ఈ అమ్మడుకు బ్యాక్ టూ బ్యాక్ ఆఫర్స్ క్యూ కట్టాయి. హిందీలో ఎక్కువగా చిత్రాలు చేసి తనకంటూ ఓ ఇమేజ్ క్రియేట్ చేసుకుంది. ప్రస్తుతం సోషల్ మీడియాలో చాలా యాక్టివ్ గా ఉంటుంది. ఇంతకీ ఆమె ఎవరంటే..

Tripti Dimri

Rajitha Chanti |
Updated on: Apr 22, 2025 | 5:48 PM

పైన ఫోటోలో క్యూట్ గా కనిపిస్తున్న అబ్బాయి.. ఇప్పుడు పాన్ ఇండియా మోస్ట్ క్రేజీ హీరోయిన్. ఒక్క సినిమాతోనే కోట్లాది మంది అభిమానుల హృదయాలను గెలుచుకుంది. అంతేకాదు.. యూత్ గుండెల్లో ఈ అమ్మడు ఆరాధ్య దేవత. నటనపై ఆసక్తితో ఎలాంటి బ్యాగ్రౌండ్ సపోర్ట్ లేకుండానే సినీరంగంలోకి అడుగుపెట్టింది. కెరీర్ తొలినాళ్లల్లో సినిమాల్లో చిన్న చిన్న పాత్రలు పోషించిన ఈ ముద్దుగుమ్మ.. ఇప్పుడు టాప్ హీరోయిన్ గా మారింది. అయితే ఒక సినిమాలో చిన్న పాత్రలో కనిపించింది. కట్ చేస్తే..బాక్సాఫీస్ వద్ద సంచలన విజయం అందుకుంది. ఆ సినిమాలో హీరోహీరోయిన్స్ కంటే ఎక్కువ పాపులారిటీని సొంతం చేసుకుంది. ఇంతకీ ఈ బ్యూటీ ఎవరో తెలుసా.. ? చిన్నప్పుడు క్యూట్ గా కనిపిస్తున్న ఈ వయ్యారి.. ఇప్పుడు నెట్టింట అందాలతో గత్తరలేపుతుంది. ఈ ముద్దుగుమ్మ మరెవరో కాదు.. బాలీవుడ్ హీరోయిన్ త్రిప్తి డిమ్రీ.

యావత్ పాన్ ఇండియా మూవీ లవర్స్ కు పరిచయం అవసరంలేని పేరు త్రిప్తి డిమ్రీ. 1995 ఫిబ్రవరి 23న జన్మించిన ఈ ముద్దుగుమ్మ.. హిందీలో శ్రేయాస్ తల్పాడే దర్శకత్వం వహించిన పోస్టర్ బాయ్స్ సినిమాతో ఇండస్ట్రీలోకి ఎంట్రీ ఇచ్చింది. ఇందులో సన్నీ డియోల్, బాబీ డియోల్, తల్పాడే ప్రధాన పాత్రలు పోషించగా.. ఈ మూవీతో త్రిప్తికి అంతగా గుర్తింపు రాలేదు. ఆ తర్వాత 2018లో లైలా మజ్ను, బుల్బుల్, ఖలా సినిమాలతో మంచి గుర్తింపు తెచ్చుకుంది. గతేడాది విడుదలైన యానిమల్ సినిమాతో ఆమె కెరీర్ ఒక్కసారిగా మారిపోయింది. ఇందులో త్రిప్తి యాక్టింగ్ కు మంచి మార్కులు పడ్డాయి. డైరెక్టర్ సందీప్ రెడ్డి వంగా తెరకెక్కించిన ఈ చిత్రంలో రణబీర్ కపూర్, రష్మిక మందన్నా హీరోహీరోయిన్లుగా నటించిన సంగతి తెలిసిందే.

ఈ సినిమా తర్వాత హిందీలో వరుస ఆఫర్స్ అందుకుంది త్రిప్తి. ఇటీవలే బ్యాడ్ న్యూజ్ సినిమాతో మరో హిట్ అందుకున్న ఈ అమ్మడు.. ఆ తర్వాత విక్కీ విద్యా కా వహ్ వాలా చిత్రంలోనూ కనిపించింది. అలాగే హిందీలో మరిన్ని ఆఫర్స్ అందుకుంటూ బిజీగా ఉంటుంది త్రిప్తి. తాజాగా ఈ బ్యూటీకి సంబంధించిన చైల్డ్ హుడ్ ఫోటో నెట్టింట చక్కర్లు కొడుతుంది.