Game Changer: లుంగీ కట్టిన రామ్ చరణ్.. గేమ్ ఛేంజర్ కొత్త పోస్టర్ అదిరిపోయిందిగా.. టీజర్ ఎప్పుడంటే?

గ్లోబల్ స్టార్ రామ్ చరణ్, సెన్సేషనల్ డైరెక్టర్ శంకర్ కాంబినేషన్‌లో రూపొందుతోన్న భారీ బడ్జెట్ చిత్రం ‘గేమ్ చేంజర్’ మీదున్న అంచనాలు రోజురోజుకీ పెరుగుతున్నాయి. శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్ బ్యానర్స్‌పై దిల్ రాజు, శిరీష్ నిర్మిస్తోన్న ఈ సినిమాలో కియారా అద్వాని హీరోయిన్‌గా నటిస్తోన్న సంగతి తెలిసిందే. ఈ చిత్రాన్ని వచ్చే ఏడాది సంక్రాంతి సంద‌ర్భంగా జ‌న‌వ‌రి 10న ప్రపంచ వ్యాప్తంగా తెలుగు, త‌మిళ‌, హిందీ భాష‌ల్లో విడుద‌ల చేస్తున్నారు. డిఫ‌రెంట్ ప్ర‌మోష‌న‌ల్ ప్లానింగ్‌తో మూవీపై అంచ‌నాలు పెరుగుతున్నాయి. తాజాగా ఈ మూవీ టీజ‌ర్ డేట్‌ను మేక‌ర్స్ అధికారికంగా ప్ర‌క‌టించారు. న‌వంబ‌ర్ 9న ‘గేమ్ ఛేంజ‌ర్‌’ టీజ‌ర్‌ను విడుద‌ల చేస్తున్నారు. దీంతో మెగాభిమానులు, సినీ ప్రేక్ష‌కుల్లో ఎగ్జ‌యిట్‌మెంట్ మ‌రింత పెరిగింది. టీజ‌ర్ రిలీజ్ అనౌన్స్‌మెంట్ పోస్ట‌ర్ గ‌మ‌నిస్తే రైల్వే ట్రాక్‌పై రామ్‌చ‌ర‌ణ్ కూలింగ్ గ్లాస్ పెట్టుకుని లుంగీ, బ‌నియ‌న్‌తో ప‌క్కా మాస్ లుక్‌లో కూర్చున్న రామ్ చ‌ర‌ణ్‌ను చూడొచ్చు. మ్యూజిక్ డైరెక్ట‌ర్ తమన్ ఈ లుక్ ఉన్న పోస్ట‌ర్‌ను పోస్ట్ చేసి గేమ్ చేంజ‌ర్‌లో ట్రైన్ ఫైట్ ఉండ‌బోతుంద‌ని, ఆ ఫైట్ అంద‌రి అంచ‌నాల‌ను మించేలా ఉంటుంద‌ని చెప్ప‌టంతో అంచ‌నాలు నెక్ట్స్ లెవ‌ల్‌కు చేరుకున్నాయి.

మూవీ నుంచి ఇప్పటికే వదిలిన పోస్టర్స్, ‘జరగండి జరగండి..’, ‘రా మ‌చ్చా మ‌చ్చా’ సాంగ్స్‌కు ఎక్స్‌ట్రార్డిన‌రీ రెస్పాన్స్ వ‌చ్చాయి. డైరెక్ట‌ర్ శంక‌ర్ లార్జర్ దేన్ లైఫ్ సినిమాల‌ను తెర‌కెక్కించ‌ట‌మే కాకుండా, అభిమానుల‌కు, ప్రేక్ష‌కుల‌కు సినిమా డిఫ‌రెంట్ సినిమాటిక్ ఎక్స్‌పీరియెన్స్‌ను అందిస్తుంటారు. రామ్ చ‌ర‌ణ్‌లాంటి మాస్ హీరో ఉన్న‌ప్పుడు ఆ సినిమాటిక్ ఎక్స్‌పీరియెన్స్ ఎలా ఉంటుందో చూడాల‌ని మెగాభిమానులు, మూవీ ల‌వర్స్ ‘గేమ్ ఛేంజ‌ర్‌’ కోసం ఆస‌క్తిగా ఎదురు చూస్తున్నారు. ఇప్ప‌టి వ‌ర‌కు ఆయ‌న తెర‌కెక్కించిన సినిమాల‌ను మించేలా ‘గేమ్ ఛేంజ‌ర్‌’ను ఆయ‌న రూపొందిస్తున్నారు. పవరఫుల్ రోల్ లో చ‌ర‌ణ్‌ను ప్రెజెంట్ చేస్తున్నారు శంక‌ర్‌.

ఇవి కూడా చదవండి

తిరుమల శ్రీవారిని దర్శించుకున్న టాలీవుడ్ హీరోయిన్..గుర్తుపట్టారా?

న్యూజిలాండ్‌తో మూడో టెస్ట్‌కు ముందే బుమ్రాకు ఐసీసీ భారీ షాక్

డబ్ల్యూటీసీ ఫైనల్ బరిలో ఆ 5 జట్లు కూడా.. టీమిండియాకు షాక్ తప్పదా?

శ్రీవారి సాక్షిగా పెళ్లిపీటలెక్కనున్న టాలీవుడ్ దర్శకుడు, నటి

Happy Diwali Folks 😎💥

Celebrate #GameChangerTeaser from Nov 9th 🧨🔥#GameChanger In cinemas near you from 10.01.2025! pic.twitter.com/Y5pbNNftdu

— Game Changer (@GameChangerOffl) October 31, 2024

రామ్ చరణ్ కెరీర్‌లోనే హయ్యస్ట్‌గా గేమ్ చేంజర్ సినిమా నార్త్ ఇండియా డిస్ట్రిబ్యూషన్ రైట్స్‌ను AA ఫిల్మ్స్ ఫ్యాన్సీ రేటుకి సొంతం చేసుకుంది. ఈ భారీ చిత్రానికి తమన్ సంగీత సారథ్యం వహిస్తున్నారు. ప్రముఖ ఆడియో కంపెనీ సారేగమ ఈ సినిమా ఆడియో రైట్స్‌ను ఫ్యాన్స్ ప్రైజ్‌కి దక్కించుకుంది. శ్రీ వెంక‌టేశ్వ‌ర క్రియేష‌న్స్‌, జీ స్టూడియోస్‌ బ్యానర్లపై దిల్ రాజు, శిరీష్‌ ఈ చిత్రాన్ని నిర్మిస్తున్నారు. ప్రముఖ దర్శకుడు కార్తీక్ సుబ్బ‌రాజ్‌ ఈ సినిమాకు కథ అందించారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి . .