Baby: భీమవరంలో బేబీ మూవీ టీమ్ సందడి.. బౌన్సర్లు అత్యుత్సాహం

చిన్న సినిమా పెద్ద హిట్స్ అవ్వడం ఈ మధ్య కాలంలో ఎక్కువగా కనిపిస్తుంది. ఇప్పటికే చాలా సినిమాలు ఊహించని విధంగా సంచలన విజయాలను అందుకున్నాయి. తక్కువ బడ్జెట్ లో తెరకెక్కి భారీ లాభాలను అందుకుంటున్నాయి చిన్న సినిమాలు.. అలా వచ్చిన సినిమానే బేబీ. అందమైన ప్రేమ కథగా తెరకెక్కిన బేబీ సినిమా సంచలన విజయాన్ని అందుకుంది. ఈ సినిమాలో ఆనంద్ దేవరకొండ హీరోగా నటించాడు. అలాగే వైష్ణవి చైతన్య హీరోయిన్ గా నటించింది. ఈ ఇద్దరి కెరీర్ లో బిగెస్ట్ హిట్ గా నిలిచింది బేబీ. ఈ మూవీలో నటించిన వైష్ణవి చైతన్య గురించి ప్రత్యేకంగా పరిచయం చేయాల్సిన ఆవరసం లేదు. సోషల్ మీడియాలో ఈ అమ్మడికి మంచి ఫాలోయింగ్ ఉంది. పలు సినిమాల్లో చిన్న చిన్న పాత్రల్లో నటించిన ఈ చిన్నది.. బేబీ సినిమాతో హీరోయిన్ గా మారిపోయింది. బేబీ సినిమాకు రికార్డు స్థాయిలో కలెక్షన్స్ వస్తున్నాయి. సినీ ప్రముఖులు కూడా బేబీ సినిమా పై ప్రశంసలు కురిపించారు.

సినిమా విడులై వారాలు గడుస్తున్నా ఈ మూవీ క్రేజ్ మాత్రం తగ్గడంలేదు. ఈ సినిమా తొలి రోజే రూ.7 కోట్లు వరకు వసూల్ చేసింది బేబీ. ఇప్పటికే 85 కోట్ల వరకు రాబట్టి వంద కోట్ల వైపు పరుగులు పెడుతోంది ఈ మూవీ. బేబీ సినిమా విజయం సాధించడంతో బేబీ టీమ్ ప్రమోషన్స్ భారీ ఎత్తున చేస్తోంది. ఇప్పటికే రకరకాల ఈవెంట్స్ చేస్తున్నారు బేబీ టీమ్.

అలాగే థియేటర్స్ ను కూడా విజిట్ చేస్తున్నారు. ఈ క్రమంలోనే భీమవరంలో సందడి చేశారు బేబీ చిత్రయూనిట్. బేబీ టీమ్ వసుందని తెలిసి పెద్ద ఎత్తున అభిమానులు అక్కడికి చేరుకున్నారు. అలాగే మీడియా ప్రతినిధులు కూడా వచ్చారు. అభిమానులు భారీగా రావడంతో బేబీ టీమ్ అత్యుత్సాహం కనబరిచారు. బేబీ నిర్మాత ఎస్‌కేఎన్ మీడియా తో వాగ్వాదానికి దిగారు. అంతే కాదు మీడియాతో దురుసుగా ప్రవర్తించారు. ఎస్‌కేఎన్ బౌన్సర్లు నెట్టివేయడంతో ఓ మీడియా ప్రతినిధికి గాయాలు అయ్యాయి. దాంతో పరిస్థితి ఉదృక్తకరంగా మారింది. ఎస్‌కేఎన్ కారును అడ్డగించి ఆందోళనకు దిగారు మీడియా. కారు దిగిన ఆయన మీడియా ప్రతినిధులుకు క్షమాపణ చెప్పడంతో గొడవ సర్దుమణిగింది. ప్రస్తుతం ఇందుకు సంబంధించిన ఫొఇటోలు, వీడియోలు సోషల్ మీడియాలో వైరల్ అవుతున్నాయి.

View this post on Instagram

A post shared by Vaishnavi Chaitanya (@vaishnavi_chaitanya_)

మరిన్ని సినిమా వార్తల కోసం ఇక్కడ క్లిక్ చేయండి.