Dulquer Salmaan: న్యూ మూవీ అనౌన్స్ చేసిన బర్త్ డే బాయ్.. మరో తెలుగు సినిమాతో దుల్కర్ సల్మాన్

Dulquer Salmaan

సీతారామం సినిమాను తెలుగు ప్రేక్షకులు అంత ఈజీగా మరిచిపోలేరు. అందమైన ఈ ప్రేమ కథను అద్భుతంగా తెరకెక్కించాడు దర్శకుడు హనూ రాఘవపూడి. మలయాళ నటుడు దుల్కర్ సల్మాన్ హీరోగా నటించిన ఈ మూవీలో హీరోయిన్ గా మృణాల్ ఠాకూర్ నటిచింది. ఈ సినిమా కంటే ముందే దుల్కర్ మణిరత్నం తెరకెక్కించిన ఓకే బంగారం సినిమాతో తెలుగు ప్రేక్షకులకు పరిచయం అయ్యాడు. ఆ తర్వాత నాగ్ అశ్విన్ దర్శకత్వంలో వచ్చిన మహానటి సినిమాతో మన ప్రేక్షకులకు మరింత దగ్గరయ్యాడు. కీర్తిసురేష్ సావిత్రి పాత్రలో నటించిన ఈ సినిమాలో దుల్కర్ జెమిని గణేష్ పాత్రలో కనిపించి మెప్పించాడు. ఇక సీతారామం సినిమాతో తెలుగులో మరో హిట్ అందుకున్నాడు. ఇక ఇప్పుడు మరోసారి తెలుగులో సినిమా చేయబోతున్నాడు దుల్కర్ సల్మాన్.

టాలీవుడ్ యంగ్ డైరెక్టర్ వెంకీ అట్లూరి దర్శకత్వంలో కొత్త సినిమా అనౌన్స్ చేశాడు దుల్కర్. నేను దుల్కర్ సల్మాన్ పుట్టిన రోజు సందర్భంగా ఈ మూవీ టైటిల్ తో పాటు ప్రీ లుక్ పోస్టర్ ను రిలీజ్ చేశారు. లక్కీ భాస్కర్ అనే టైటిల్ తో ఈ మూవీ తెరకెక్కుతోంది. ఇప్పటికే వెంకీ ధనుష్ హీరోగా సార్ అనే సినిమాతో మంచి హిట్ అందుకున్నాడు. ఇక ఇప్పుడు దుల్కర్ తో సినిమా చేస్తున్నాడు.

ఈ ప్రీ లుక్ లో వందరూపాయల పాత నోటు వెనక నవ్వుతున్న హీరోను మనం చూడొచ్చు. ఒక సామాన్యుడు ఉన్నత స్థానాలకు చేరుకున్న విధానాన్ని ఈ సినిమాలో చూపించనున్నాడు వెంకీ. ఈ సినిమాకు జీవి ప్రకాష్ సంగీతం అందించనున్నారు. సితార ఎంటర్టైన్మెంట్స్ పతాకంపై సూర్య దేవర నాగవంశీ ఈ సినిమాను నిర్మిస్తున్నాడు.