‘ఆవిడా మా ఆవిడే’ సెకెండ్ హీరోయిన్ గుర్తుందా? సినిమాలకు దూరంగా ఉన్న ఈ అందాల తార ఇప్పుడెలా ఉందో తెలుసా?
ఇద్దరు భార్యల మధ్య నగిలిపోయే భర్త పాత్రలో నాగార్జున కామెడీ అందరినీ కడుపుబ్బా నవ్విస్తుంది. ఈ సినిమాలో ఇద్దరు హీరోయిన్లు నటించారు. అందులో ఒకరు టబు కాగా మరొకరు హీరా రాజగోపాల్‌. ఎప్పటిలాగే టబు తన అందం, అభినయంతో ఆకట్టుకుంది. అయితే రెండో భార్య ఝాన్సీ పాత్రలో హీరా కూడా అందరినీ
Updated on: Apr 04, 2023 | 6:23 AM
అక్కినేని నాగార్జున నటించిన సూపర్‌ హిట్‌ సినిమాల్లో ఆవిడా మా ఆవిడే ఒకటి. కంప్లీట్‌ కామెడీ అండ్‌ ఫ్యామిలీ ఎంటర్‌టైనర్‌గా తెరకెక్కిన ఈ సినిమా ప్రేక్షకులను బాగా ఆకట్టుకుంది. ముఖ్యంగా ఇద్దరు భార్యల మధ్య నగిలిపోయే భర్త పాత్రలో నాగార్జున కామెడీ అందరినీ కడుపుబ్బా నవ్విస్తుంది. ఈ సినిమాలో ఇద్దరు హీరోయిన్లు నటించారు. అందులో ఒకరు టబు కాగా మరొకరు హీరా రాజగోపాల్‌. ఎప్పటిలాగే టబు తన అందం, అభినయంతో ఆకట్టుకుంది. అయితే రెండో భార్య ఝాన్సీ పాత్రలో హీరా కూడా అందరినీ మెప్పించింది. చెన్నైకి చెందిన హీరా పబ్లిక్‌ రౌడీ సినిమాతో తెలుగులోకి ఎంట్రీ ఇచ్చింది. ఆ తర్వాత దొంగల రాజ్యం, లిటిల్‌ సోల్జర్స్‌, శ్రీకారం, ఆహ్వానం, చెలికాడు, అంతపురం (స్పెషల్‌ సాంగ్‌), పెద్ద మనుషులు, అల్లుడుగారోచ్చారు సినిమాల్లో నటించింది. మణిరత్నం తెరకెక్కించిన దొంగ దొంగ సినిమా హీరాకు మంచి గుర్తింపు తీసుకొచ్చింది. ఇలా తెలుగుతో పాటు తమిళ్, మలయాళం, కన్నడ, హిందీ భాషల్లో సుమారు 50కు పైగా సినిమాల్లో నటించింది హీరా. అలాగే కమల్‌ హాసన్‌, అజిత్, మోహన్‌లాల్‌, ప్రశాంత్‌ వంటి స్టార్ హీరోలతో కలిసి నటించింది. అయితే ఉన్నట్లుండి సినిమా ఇండస్ట్రీకి దూరమైంది.
కాగా తమిళ స్టార్ హీరో అజిత్‌తో హీరా ప్రేమలో పడిందని, అయితే అది పెళ్లిదాకా వెళ్లలేదని అప్పట్లో రూమర్లు వినిపించాయి. దీంతో ఆమె సినిమాలకు దూరంగా ఉండిపోయిందట. ఆతర్వాత అమెరికా వెళ్లి అక్కడే స్థిరపడిపోయిందట. కాగా అజిత్‌తో ప్రేమ విఫలం కావడంతో ఆమె ఇప్పటికీ సింగిల్‌గానే జీవిస్తుందట. తన జీవితాన్ని పూర్తిగా ఆధ్యాత్మికంగానే గడపడానికి నిశ్చయించుకుందట. సోషల్ మీడియాలోనూ ఎక్కడా కనిపించడం లేదీ అందాల తార.
Actress Heera
