Tollywood: ఏంది భయ్యా ఆమె.. ఈమేనా.. విశాల్ భరణి మూవీ బ్యూటీని చూస్తే బుర్ర గిర్రున తిరగాల్సిందే

సాధారణంగా సినీరంగంలో ఒకటి రెండు చిత్రాలతోనే విపరీతమైన క్రేజ్ సంపాదించుకున్న హీరోయిన్స్ చాలా మంది ఉన్నారు. కానీ ఆ తర్వాత డిజాస్టర్స్ ఖాతాలో వేసుకుని ఇండస్ట్రీలో సైలెంట్ అయిపోతారు. అందులో ఈ ముద్దుగుమ్మ ఒకరు. తమిళంలో మంచి ఫాలోయింగ్ సొంతం చేసుకుంది. కానీ ఆ తర్వాత సినిమాల్లో కనిపించకుండపోయింది.

Bharani

Rajitha Chanti |
Updated on: May 18, 2025 | 9:54 PM

సినీరంగంలో ఒకటి రెండు చిత్రాలతోనే ఫేమస్ అయిన హీరోయిన్స్ చాలా మంది ఉన్నారు. అందులో ఇప్పుడు మనం మాట్లాడుకోబోయే హీరోయిన్ ఒకరు. అందం, అభినయంతో కుర్రాళ్లను మాయ చేసింది. అతి తక్కువ సమయంలోనే తమిళ చిత్రపరిశ్రమలో కథానాయికగా ప్రత్యేక గుర్తింపు తెచ్చుకుంది. నిజానికి కోలీవుడ్ ఇండస్ట్రీలో ఆమె తోపు హీరోయిన్. యాక్షన్ హీరో విశాల్ నటించిన భరణి సినిమాతో తెలుగు తెరకు పరిచయమైంది. తమిళంలో రూపొందించిన ఈ చిత్రాన్ని తెలుగులో భరణి పేరుతో డబ్ చేసి రిలీజ్ చేశారు. తమిళంతోపాటు తెలుగులోనూ భారీ విజయాన్ని అందుకుంది ఈ సినిమా. దీంతో అటు కోలీవుడ్, ఇటు టాలీవుడ్ మూవీ లవర్స్ హృదయాలను దోచుకుంది ఈ ముద్దుగుమ్మ. భరణి సినిమాలో సంప్రదాయ పద్దతిలో, బబ్లీ లుక్స్ లో.. చూడచక్కని రూపం, ఆకట్టుకునే చిరునవ్వుతో ప్రేక్షకులను కట్టిపడేసింది.

ఆ హీరోయిన్ పేరు ముక్త. తమిళం, మలయాళం భాషలలో పలు చిత్రాల్లో నటించింది. నిజానికి ఈ అమ్మడు చేసింది తక్కువ సినిమాలే అయినప్పటికీ స్టార్ హీరోయిన్ రేంజ్ క్రేజ్ సొంతం చేసుకుంది. అప్పట్లో కుర్రాళ్ల కలల రాణిగా మారింది ముక్త. అందం, అభినయంతో ప్రేక్షకులను ఆకట్టుకున్న ఈ అమ్మడు.. ఓట్ట ననయం అనే సినిమాతో కథానాయికగా సినీప్రయాణం స్టార్ట్ చేసింది. తొలి సినిమాతోనే గుర్తింపు తెచ్చుకున్న ముక్త.. ఆ తర్వాత వరుస సినిమాల్లో అవకాశాలు అందుకుంది. ఇక తెలుగులో ఆమె చేసిన ఓ సినిమా అంతగా ఆకట్టుకోలేదు. దీంతో టాలీవుడ్ లో ఆఫర్స్ రాలేదు.

కానీ తమిళం, మలయాళంలో మాత్రం మంచి అవకాశాలు అందుకుంది. అయితే కెరీర్ మంచి ఫాంలో ఉండగానే.. 2015లో సింగర్ రిమి టోనీ సోదరుడు రింకు టోమీని పెళ్లి చేసుకుంది. వీరికి పాప కూడా ఉంది. పెళ్లి తర్వాత కొన్నాళ్లు సినిమాలకు దూరంగా ఉన్న ముక్త.. ఇప్పుడిప్పుడే ఇండస్ట్రీలోకి రీఎంట్రీ ఇచ్చింది. ప్రస్తుతం సోషల్ మీడియాలో చాలా యాక్టివ్ గా ఉంటూ నిత్యం ఏదోక పోస్ట్ చేస్తుంది.