మాఫియా డాన్‌తో దోస్తానా.. చేతులారా కెరీర్ నాశనం చేసుకుంది.. చివరకు జైల్లో

అప్పట్లో దర్శకేంద్రుడు రాఘవేంద్ర రావు చాలా మంది హీరోయిన్ ను అందులోనూ ముఖ్యంగా బాలీవుడ్ భామలను టాలీవుడ్ కు పరిచయం చేశారు. అలాగే ఇంకొంతమంది హీరోయిన్స్ కూడా టాలీవుడ్ కు పరిచయం అయ్యారు.

Actress

Rajeev Rayala |
Updated on: Oct 18, 2024 | 6:58 PM

టాలీవుడ్ ఇండస్ట్రీలో చాలా మంది హీరోయిన్స్ కొత్తగా పరిచయం అయ్యారు. ఇప్పటితో పోల్చుకుంటే ఒకప్పుడు ఎంతో మంది హీరోయిన్స్ పరిచయం అయ్యి ప్రేక్షకులను ఆకట్టుకునేవారు. అప్పట్లో దర్శకేంద్రుడు రాఘవేంద్ర రావు చాలా మంది హీరోయిన్ ను అందులోనూ ముఖ్యంగా బాలీవుడ్ భామలను టాలీవుడ్ కు పరిచయం చేశారు. అలాగే ఇంకొంతమంది హీరోయిన్స్ కూడా టాలీవుడ్ కు పరిచయం అయ్యారు. వారిలో ఒకరే పైన కనిపిస్తున్న భామ. శ్రీకాంత్ హీరోగా నటించిన అందమైన ప్రేమ కథ చిత్రం తాజ్ మహల్ సినిమాతో హీరోయిన్ గా పరిచయం అయ్యింది ఆ ముద్దుగుమ్మ. ఆతర్వాత వరుసగా తెలుగులో సినిమాలు చేసింది. అదే సమయంలో హిందీలోనూ అవకాశాలు అందుకుంది.

ఇది కూడా చదవండి : ఎంత మోసం..! మసూద అని ముసుగేసారు కదరా..! ఇంత అందమైన అమ్మాయిని దెయ్యాన్ని చేశారు

ఆ అమ్మడు ఎవరో కాదు మోనికా బేడి. పంజాబ్‌లోని హోషియార్‌పూర్ జిల్లా చబ్బేవాల్ గ్రామంలో జన్మించింది ఈ అందాల భామ. ఆమె తల్లిదండ్రులు 1979లో నార్వేలోని డ్రామెన్‌కి మారారు. ఆమె ఢిల్లీ విశ్వవిద్యాలయం విద్యాభ్యాసం పూర్తి చేసింది. తెలుగులో ఈ అమ్మడు తాజ్ మహల్,శివయ్య , సోగ్గాడి పెళ్ళాం, సర్కస్ సత్తిపండు, చూడాలని వుంది (1998) స్పీడ్ డాన్సర్‌ లాంటి సినిమాల్లో నటించింది. అలాగే సురక్షతో బాలీవుడ్‌లోకి అడుగుపెట్టింది.

ఇది కూడా చదవండి :అందచందాలు అదిరిపోయాయి.. కానీ వెనకాల కూడా చూసుకోవాలి కదమ్మా..!

అయితే ఈ అమ్మడి కెరీర్ పీక్ లో ఉండగానే పలు వివాదాల్లోనూ చిక్కుకుంది. సెప్టెంబరు 2002లో, నకిలీ పత్రాలపై దేశంలోకి ప్రవేశించినందుకు పోర్చుగల్‌లో ఆమెతో పాటు అబూ సలేం అనే భారతీయ గ్యాంగ్‌స్టర్ అరెస్టు చేశారు. ఆ తరువాత జైలు శిక్ష కూడా అనుభవించింది. 2006లో, ఫేక్ పేరుతో పాస్‌పోర్ట్ తెచ్చుకున్నందుకు ఆమెని భారత న్యాయస్థానం దోషిగా నిర్ధారించింది. ఇలా ఈ అమ్మడు చేతులారా కెరీర్ ను నాశనం చేసుకుంది. హిందీ బిగ్ బాస్ సీజన్ 2లో మోనికా పాల్గొంది. అలాగే పలు టీవీ షోలు కూడా చేసింది మోనికా బేడి. ఇక సొషల్ మీడియాలో యాక్టివ్ గా ఉండే ఈ చిన్నదాని ఫోటోలు వైరల్ అవుతున్నాయి.