Vijay Thalapathy: విజయ్ దళపతి కూతురిని చూశారా.. ? ఇప్పుడు ఫేమస్ బ్యాడ్మింటన్ ప్లేయర్..
ప్రస్తుతం అటు సినిమాలు.. ఇటు రాజకీయాలతో బిజీగా ఉన్నారు హీరో విజయ్ దళపతి. మరోవైపు ఈ హీరో పర్సనల్ లైఫ్, ఫ్యామిలీ గురించి తెలుసుకోవడానికి నెటిజన్స్ తెగ ఆసక్తి చూపిస్తున్నారు. ఈ క్రమంలోనే విజయ్ దళపతి కూతురు దివ్యకు సంబంధించిన ఓ క్రేజీ న్యూస్ ఇప్పుడు నెట్టింట తెగ వైరలవుతుంది.
Updated on: May 28, 2025 | 9:03 AM
కోలీవుడ్ స్టార్ హీరో విజయ్ దళపతికి ఉన్న ఫ్యాన్ ఫాలోయింగ్ గురించి తెలిసిందే. ఈ హీరో సినిమా వచ్చిందంటే చాలు తమిళనాడులోని థియేటర్లలలో పండగే. తమిళంతోపాటు విజయ్ సినిమాలను తెలుగులోకి డబ్ చేయగా మంచి విజయాన్ని అందుకున్నాయి. దీంతో ఈ హీరోకు తెలుగులోనూ విపరీతమైన క్రేజ్ ఏర్పడింది. ప్రస్తుతం అటు సినిమాలు.. ఇటు రాజకీయాలతో బిజీగా ఉన్నారు విజయ్. తన పార్టీకి సంబంధించిన కార్యక్రమాల్లో పాల్గొంటూనే మరోవైపు తన నెక్ట్స్ ప్రాజెక్ట్స్ కంప్లీట్ చేస్తున్నారు. ఇటీవలే లియో సినిమాతో సూపర్ హిట్ అందుకున్న విజయ్.. ఇప్పుడు జననాయగన్ చిత్రంలో నటిస్తున్నారు. ఈ మూవీపై భారీ హైప్ నెలకొంది. ఇదిలా ఉంటే.. తాజాగా విజయ్ పర్సనల్ లైఫ్ గురించి నెట్టింట చర్చ మొదలైంది.
విజయ్ తన పర్సనల్ లైఫ్ గురించి అంతగా మాట్లాడరు. అలాగే తన కుటుంబం ఫోటోస్, విషయాలను అభిమానులతో పంచుకోవడానికి ఆసక్తి చూపించరు. కానీ ఇప్పుడు విజయ్ ఫ్యామిలీ గురించి నెట్టింట సెర్చ్ చేస్తున్నారు ఫ్యాన్స్. విజయ్ తనయుడు సంజయ్ ప్రస్తుతం ఇండస్ట్రీలో రాణిస్తున్నాడు. అయితే తండ్రిలాగే హీరోగా కాకుండా దర్శకత్వం వైపు అడుగులు వేశాడు సంజయ్. డైరెక్షన్ పై అతడికి విపరీతమైన ఆసక్తి ఉండడంతో ఫిల్మ్ ఇన్ స్టిట్యూట్ లో దర్శకత్వంలో మెలకులవలు నేర్చుకున్నాడు. మరోవైపు విజయ్ కూతురు దివ్య సాషా మాత్రం ఇండస్ట్రీకి దూరంగా ఉంటుంది.
బాలనటిగా ఇప్పటికే సినీరంగంలోకి ఎంట్రీ ఇచ్చింది. విజయ్ నటించిన తేరి చిత్రంలో కనిపించింది. ఆ తర్వాత మరో సినిమా చేయలేదు. ప్రస్తుతం దివ్య సాషా బ్యాడ్మింటన్ ప్లేయర్ అని సమాచారం. చిన్నప్పటి నుంచి స్పోర్ట్స్ లో చాలా యాక్టివ్ గా ఉంటున్న దివ్య.. స్కూల్లో జరిగే టోర్నమెంట్ లో మొదటి స్థానంలో నిలిచింది. అలాగే బ్యాడ్మింటన్ పోటీలలో పాల్గొంటుంది దివ్య. ఇందుకు సంబంధించిన ఫోటోస్ నెట్టింట తెగ వైరలవుతున్నాయి. ఇదిలా ఉంటే.. దివ్య సాషా సోషల్ మీడియాకు దూరంగా ఉంటుంది. ఇప్పటివరకు ఆమెకు సంబంధించిన లేటేస్ట్ వివరాలు తెలియరాలేదు.
Divya Sasha
ఇవి కూడా చదవండి :
Damarukam Movie: ఢమరుకం మూవీ విలన్ భార్య తెలుగులో తోపు హీరోయిన్.. ఇంతకీ ఆమె ఎవరంటే..
