Salaar: ఆ విషయంలో ప్రశాంత్ నీల్కు కోపమొచ్చిందా ?.. సలార్ కోసం డైరెక్టర్ కీలక నిర్ణయం..
యంగ్ రెబల్ స్టార్ ప్రభాస్ ప్రధాన పాత్రలో ప్రశాంత్ నీల్ సలార్ సినిమా రూపొందిస్తున్న సంగతి తెలిసిందే. వీరిద్దరి కాంబోలో రాబోతున్న ఈ మూవీపై అంచనాలు భారీగానే ఉన్నాయి.
కేజీఎఫ్ సినిమాతో ఇండియన్ బాక్సాఫీస్ను షేక్ చేశారు డైరెక్టర్ ప్రశాంత్ నీల్. ఈ మూవీతో ఒక్కసారిగా పాన్ ఇండియా లెవల్లో గుర్తింపు తెచ్చుకున్నారు. అంతేకాకుండా ఇటీవల కేజీఎఫ్ 2 సినిమాతో బాక్సాఫీస్ రికార్డులు కొల్లగొట్టారు. ప్రస్తుతం యంగ్ రెబల్ స్టార్ ప్రభాస్ ప్రధాన పాత్రలో ప్రశాంత్ నీల్ సలార్ సినిమా రూపొందిస్తున్న సంగతి తెలిసిందే. వీరిద్దరి కాంబోలో రాబోతున్న ఈ మూవీపై అంచనాలు భారీగానే ఉన్నాయి. సలార్ (Salaar) సినిమా నుంచి వచ్చే ప్రతి చిన్న అప్డేట్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. శరవేగంగా షూటింగ్ జరుపుకుంటున్నప్పటికీ ఈ మూవీ నుంచి ఇప్పటివరకు ఎలాంటి అప్డేట్ రాలేదు. కానీ ఇందులో ప్రభాస్ లుక్ పలుమార్లు నెటింట వైరల్ అయ్యింది. రోజు రోజుకీ ఈ సినిమాకు లీకుల బెడద ఎక్కువవుతుంది.
గతంలోనూ పలు ఫోటోస్, వీడియోస్ సోషల్ మీడియాలో వైరల్ కాగా.. రెండు రోజుల క్రితం ప్రభాస్ లుక్ నెట్టింట హల్చల్ చేసింది. షూటింగ్ జరుగుతుండగా.. మాస్ అండ్ సీరియస్లో అదిరిపోయారు. అయితే ఈ విషయం ప్రశాంత్ నీల్ దృష్టికి వెళ్లడంతో యూనిట్ సభ్యుల పై ఆగ్రహం వ్యక్తం చేశారట. భారీ బడ్జెట్తో తెరకెక్కిస్తున్న సినిమా కావడంతో ఇప్పటికే చిత్రబృందానికి వార్నింగ్ సైతం ఇచ్చారట. అంతేకాకుండా నటీనటులతోపాటు.. సాంకేతిక నిపుణులు కూడా మొబైల్స్ తీసుకురావొద్దంటూ రూల్స్ పెట్టినట్లు సమాచారం. ఈ సినిమాలో ప్రభాస్ జోడిగా శ్రుతి హసన్ నటిస్తోంది. అలాగే ఇందులో పృథ్వీరాజ్ సుకుమారన్, జగపతి బాబు, కీలకపాత్రలలో నటిస్తున్నారు.