Nuvvu Nenu: నువ్వు నేను సినిమాను మిస్ చేసుకున్న క్రేజీ హీరో ఎవరో తెలుసా..
తేజ దర్శకత్వంలో వచ్చిన నువ్వు నేను సినిమా ఉదయ్ కిరణ్ కు మంచి పేరు తెచ్చిపెట్టింది. తేజ దర్శకత్వంలో తెరకెక్కిన ఈ సినిమా సూపర్ హిట్ గా నిలిచింది. ఈ సినిమాలో ఉదయ్ కిరణ్ హీరోగా నటించాడు.
Updated on: Feb 11, 2023 | 11:24 AM
ఒకప్పుడు లవర్ బాయ్ గా విపరీతమైన క్రేజ్ సొంతం చేసుకున్న హీరోల్లో ఉదయ్ కిరణ్ ఒకరు. చిత్రం సినిమాతో హీరోగా పరిచయం అయ్యాడు ఉదయ్ కిరణ్. ఆ తర్వాత తేజ దర్శకత్వంలో వచ్చిన నువ్వు నేను సినిమా ఉదయ్ కిరణ్ కు మంచి పేరు తెచ్చిపెట్టింది. తేజ దర్శకత్వంలో తెరకెక్కిన ఈ సినిమా సూపర్ హిట్ గా నిలిచింది. ఈ సినిమాలో ఉదయ్ కిరణ్ హీరోగా నటించాడు. అలాగే అనిత హీరోయిన్ గా నటించింది. సునీల్, బెనర్జీ, తనికెళ్ల భరణి , ధర్మవరపు సుబ్రమణ్యం అలాగే తెలంగాణ శకుంతల సహాయక పాత్రలు పోషించారు. ఇక ఈ సినిమా అప్పట్లో సంచలనం సృష్టించింది. 10 ఆగస్ట్ 2001న విడుదలైన ఈ సినిమా అప్పటి యువతను విపరీతంగా ఆకట్టుకుంది.
అయితే ఈ సినిమాకు ముందుగా ఉదయ్ కిరణ్ ను హీరోగా అనుకోలేదట.. ముందుగా మాధవన్ ను హీరోగా అనుకున్నారట. అయితే అప్పుడు మాధవన్ ఫుల్ ఫామ్లో ఉన్నాడు. వరుసగా తమిళ్ సినిమాలో నటిస్తున్నాడు.
అయితే నువ్వు నేను సినిమా కోసం మాధవన్ మేనేజర్ ను దర్శకనిర్మాతలు సంప్రదించగా మాధవన్ తెలుగు సినిమాల్లో నటించడానికి ఆసక్తిగా లేడని చెప్పారట. దాంతో ఈ సినిమాను ఉదయ్ కిరణ్ చేశారని తెలుస్తోంది. ఇక ఈ మూవీ ఉదయ్ కిరణ్ కెరీర్ ను టర్న్ చేసింది.
Madhavan
