Dil Raju : అదిదా సార్.. సింగర్‌గాను సత్తా చాటిన దిల్ రాజు.. ఏ సినిమా కోసమో తెలుసా..

దిల్ రాజు.. ఈ పేరు తెలియని టాలీవుడ్ ప్రేక్షకులు ఉండరేమో. స్టార్ ప్రొడ్యూసర్‌గా బడా సినిమాలు చేస్తూ దూసుకుపోతున్నారు దిల్ రాజు. వయసు ఎక్కువే అయినా కుర్రాళ్లకు మించిన ఎనర్జీతో ఉంటారు దిల్ రాజు. నితిన్ హీరోగా నటించిన దిల్ సినిమాతో మంచి గుర్తింపు తెచ్చుకున్న ఈ బడా నిర్మాత అప్పటి నుంచి దిల్ రాజుగా పేరు తెచ్చుకున్నాడు. కెరీర్ బిగినింగ్ లో దిల్ రాజు మూవీ డిస్టిబ్యూటర్ గా చేశారు. నైజం ఏరియా డిస్టిబ్యూటర్ గా కెరీర్ మొదలు పెట్టిన దిల్ రాజు.. ఇప్పుడు ప్రొడ్యూసర్ గా ఎదిగారు. శ్రీ వెంకటేశ్వరా ఆర్ట్స్ నిర్మాణ సంస్థను స్థాపించి తెలుగు లో పలు విజయవంతమైన చిత్రాలను నిర్మించాడు. అంతే కాదు ఈఏడాది ఫిలిం ఛాంబర్‌ అసోసియేషన్‌ అధ్యక్షుడిగా ఎన్నికయ్యాడు దిల్ రాజు.

ఓ వైపు ప్రొడ్యూసర్ గా రాణిస్తూనే మరో వైపు డిస్టిబ్యూటర్ గాను చేస్తున్నారు. స్టార్ హీరోల సినిమాల నైజం రైట్స్ ను దిల్ రాజు సొంతం చేసుకుంటూ ఉంటారు. స్టార్ హీరోల సినిమాలతో పాటు చిన్న హీరోల సినిమాలను కూడా నిర్మిస్తూ ప్రేక్షకులను అలరించారు దిల్ రాజు. ఆయన బ్యానర్ లో ఇప్పటికే ఎన్నో సినిమాలు సూపర్ హిట్స్ గా నిలిచాయి. ఇదిలా ఉంటే ప్రొడ్యూసర్, డిస్టిబ్యూటర్ మాత్రమే కాదు దిల్ రోజులో ఓ సింగర్ కూడా ఉన్నారు.

దిల్ రాజు ఓ సినిమాకు పాట పాడారు. వినడానికి నమ్మశక్యంగా లేదా..? స్టార్ హీరోలు ఈ మధ్య తమ సినిమాలతో పాటు ఇతర హీరోల సినిమాకు కూడా పాటలు పడుతున్నారు. అలాగే దిల్ రాజు కూడా ఓ సినిమా కోసం గొంతు సవరించారు. ఆ సినిమా మరేదో కాదు అక్కినేని యంగ్ హీరో నాగ చైతన్య హీరోగా పరిచయమైనా జోష్ సినిమా. జోష్ లో అన్నయ్యోచ్చినాడో అనే సాంగ్ పాడింది దిల్ రాజే.. ఈ సినిమాకు సంగీత దర్శకుడు సందీప్ చౌతా దిల్ రాజు చేత ఈ పాట పాడించారు. ఈసినిమాలో జేడీ చక్రవర్తి ఇంట్రడక్షన్ సీన్స్ లో ఈ సాంగ్ వస్తుంది. దిల్ రాజు ప్రస్తుతం రామ్ చరణ్ గేమ్ ఛేంజర్ సినిమాను నిర్మిస్తున్నారు.

Absolutely honoured. Huge thanks to the Selection Committee of the prestigious 21st @ChennaiFF for selecting Balagam into the World Cinema Competition section. #BalagamGoesGlobal https://t.co/xtXILs7QxE pic.twitter.com/RheVFtTlUO

— Dil Raju Productions (@DilRajuProdctns) December 1, 2023

మరిన్ని సినిమా వార్తల కోసం ఇక్కడ క్లిక్ చేయండి.