ఆర్తి అగర్వాల్ చనిపోవడానికి అసలు కారణం అదే.. అవమానాలు ఎదుర్కొందన్న దర్శకుడు

సినీరంగుల ప్రపంచంలో హీరోయిన్లుగా ఓ వెలుగు వెలిగిన తారలు… అంతలోనే ఈ లోకాన్ని విడిచివెళ్లిపోయారు. దివ్య భారతి, సౌందర్య, సిల్క్ స్మిత వంటి తారలు సినీరంగంలో చక్రం తిప్పారు. చిన్న వయసులోనే కన్నుమూశారు. అలాగే హీరోయిన్ ఆర్తి అగర్వాల్ సైతం చిన్న వయసులోనే మరణించారు

Aarthi Agarwal

Rajeev Rayala |
Updated on: Apr 19, 2026 | 8:56 AM

ఒకానొక సమయంలో స్టార్ హీరోయిన్ గా రాణించింది నటి ఆర్తి అగర్వాల్. చేసింది తక్కువ సినిమాలే అయినా తన నటనతో ఎంతో మంది అభిమానులను సొంతం చేసుకుంది. స్టార్ హీరోల సినిమాల్లో నటించి స్టార్ డమ్ సొంతం చేసుకుంది. ఉదయ్ కిరణ్, తరుణ్ లాంటి యంగ్ హీరోలతో పాటు చిరంజీవి, వెంకటేష్ లాంటి సీనియర్ హీరోల సినిమాల్లోనూ నటించి ఆకట్టుకుంది ఆమె.. కానీ ఆమె మరణం అభిమానులకు, ఇండస్ట్రీకి ఊహించని షాక్ ఇచ్చింది. కాగా దర్శకుడు అమ్మ రాజశేఖర్ ఇటీవల ఒక ప్రత్యేక ఇంటర్వ్యూలో దివంగత నటి ఆర్తి అగర్వాల్ సినీ ప్రస్థానం, ఆమె ఎదుర్కొన్న కష్టాలపై లోతైన విషయాలను పంచుకున్నారు. తాను ఆర్తి అగర్వాల్‌కు మంచి ఫ్రెండ్‌నని, ఆమె తొలి సినిమా “నువ్వు నాకు నచ్చావ్”కి డాన్స్ మాస్టర్‌గా పనిచేసినట్లు తెలిపారు. ఆ సినిమాలో వెంకటేష్‌తో కలిసి ఊటీలో చిత్రీకరించిన “నువ్వు నాకు నచ్చావ్” పాట సమయంలో ఆర్తి అగర్వాల్ “లడ్డులా” క్యూట్‌గా, అమెరికన్ అమ్మాయిలా కనిపించిందని గుర్తుచేసుకున్నారు.

30కి పైగా సినిమాలు, 40కి పైగా టీవీ షోలు.. కట్ చేస్తే ఇప్పుడు ఆ జిల్లాకు కలెక్టర్

ఆర్తి అగర్వాల్ పతనం వెనుక ప్రధాన కారణం ఒక ప్రేమ వ్యవహారం అని అమ్మ రాజశేఖర్ వెల్లడించారు. ఈ ప్రేమ కారణంగా ఆమె మానసికంగా చాలా డిస్టర్బ్ అయ్యిందని, దాని ప్రభావం ఆమె సినిమాలపై, కెరీర్‌పై పడిందని పేర్కొన్నారు. ఈ మానసిక ఒత్తిడి తర్వాత ఆమె బరువు పెరిగిందని, దీనివల్ల సినిమా అవకాశాలు తగ్గిపోయాయని వివరించారు. ఉదాహరణకు, “రణం 2” సినిమాలో తాను ఆమెను ప్రధాన పాత్ర కోసం బుక్ చేశానని, అయితే రెండవ షెడ్యూల్‌కు పిలిచినప్పుడు ఆమె బాగా బరువు పెరిగిందని, జాకెట్లు సరిపోలేదని చెప్పారు. ఆమె తండ్రి ఆమెను తిరిగి స్లిమ్‌గా మార్చడానికి తీవ్రంగా ప్రయత్నించారని, కొన్ని శస్త్రచికిత్సలు కూడా చేయించారని, కానీ అవి విఫలమయ్యాయని రాజశేఖర్ తెలిపారు.

ఇవి కూడా చదవండి

16ఏళ్ల వయసులో ఎంట్రీ.. 1000కి పైగా సినిమాలు.. చనిపోయే వరకు నటించిన నటి

కెరీర్‌లో ఎంతటి శిఖరాలను అధిరోహించిందో, అదే స్థాయిలో అవమానాలను ఎదుర్కోవాల్సి వచ్చిందని, ఇది ఆమెకు మరింత బాధ కలిగించిందని ఆయన అన్నారు ఈ కామెంట్స్ ఇప్పుడు సోషల్ మీడియాలో వైరల్ గా మారాయి. ఆర్తి అగర్వాల్ కెరీర్ పీక్ లో ఉండగానే ఓ హీరోను ప్రేమించిందని వార్తలు వచ్చాయి. ఆ ప్రేమ విఫలం అవ్వడంతో ఆమె డిప్రషన్ లోకి వెళ్లిందని.. ఈ క్రమంలోనే ఆమె బరువు పెరుగుపెరిగింది. బరువు తగ్గే క్రమంలోనే ఆమె కన్నుమూసింది. ఆమె మరణం ఎంతో మందికి బాధ కలిగించింది.