jagame thandhiram: “నీతో.. ప్రేమలోన పడిపోయా…” అంటున్న ధనుష్.. ‘జగమేతంత్రం’ మూవీ నుంచి అందమైన పాట…

"నీతో.. ప్రేమలోన పడిపోయా నీతో.. " అంటూ ధనుష్ తెగ హంగామా చేస్తున్నారు. "ఓర కంటి చూపులకే ప్రాణమంతా జివ్వుమందే" అంటూ తెగ గింజుకుంటున్నారు.

Rajeev Rayala |
Updated on: May 23, 2021 | 10:17 PM

“నీతో.. ప్రేమలోన పడిపోయా నీతో.. ” అంటూ ధనుష్ తెగ హంగామా చేస్తున్నారు. “ఓర కంటి చూపులకే ప్రాణమంతా జివ్వుమందే” అంటూ తెగ గింజుకుంటున్నారు. పబ్లిక్‌గా ఆ బ్యూటీ వెంట పడుతూ.. జగత్‌జంత్రి వేషాలు వేస్తున్నారు. ఇంతకీ ఇదంతా ఎందుకోసం అని అనుకుంటున్నారా.. ఓ సినిమాలోని పాటకోసం లెండి! ధనుష్‌ హీరోగా కార్తీక్‌ సుబ్బరాజ్ డైరెక్షన్లో తమిళ్‌లో తెరకెక్కుతున్న చిత్రం “జగమే తందిరమ్‌”. ఇప్పటికే షూటింగ్ అంతా పూర్తి చేసుకుని విడుదలకు సిద్దంగా ఉన్న ఈ సినిమా కరోనా కారణంగా వాయిదా పడుతూ వచ్చింది. ఇక ఇప్పుడు ఈ సినిమాను ఓ ప్రముఖ ఓటీటీ వేదికగా జూలై 18న రిలీజ్‌ చేయాలని ఈ మూవీ మేకర్స్‌ రెడీ అయిపోతున్నారు. అంతేకాదు “జగమే తంత్రం” పేరుతో తెలుగులోనూ అదే రోజున రిలీజ్‌ చేయాలని చూస్తున్నారు. అందులో భాగంగానే కొద్ది రోజుల ముందు ట్రైలర్‌ రిలీజ్‌ చేసిన ఈ మూవీ యూనిట్… తాజాగా ఈ సినిమా నుంచి ఓ పాటను రిలీజ్‌ చేసింది.

“నీతో.. ప్రేమలో పడిపోయా నీతో…” అంటూ సాగే ఈ పాట విడుదలైన క్షణం నుంచి మంచి రెస్పాన్స్‌ రాబడతూ.. యూట్యూబ్‌లో ట్రెండ్‌ అవుతోంది. రొమాంటిక్‌ మెలోడీ సాంగ్‌గా రూపొందిన ఈ సాంగ్‌లో ధనుష్, ఐశ్వర్య లక్ష్మీల మధ్య కెమిస్ట్రీ అందర్నీ ఆకట్టుకుంటోంది. ఈ సినిమాకు సంతోష్‌ నారాయణ్‌ సంగీతం అందించగా… భాస్కరభట్ల సాహిత్యం సమకూర్చారు. విజయ్‌నారియన్‌ ఆలపించారు. ధనుష్‌ ఇందులో సూరాలి అనే గ్యాంగ్‌స్టర్‌ పాత్రలో కనిపిస్తున్నారు. ఇక ఈ సినిమా ధనుష్కు కెరీర్‌లో 40వ చిత్రమవడం ఓ విశేషం కాగా… ‘గేమ్ ఆఫ్ థ్రోన్స్’ నటుడు జేమ్స్ కాస్మో ఈ సినిమాలో నటిస్తుండడం మరో విశేషం.

మరిన్ని ఇక్కడ చదవండి :