దివంగ‌త న‌టుడు చిరంజీవి సర్జా ఇంట్లో కరోనా కలకలం..

ఇటీవలే కన్నడ హీరో చిరంజీవి సర్జా గుండెపోటుతో ఆక‌స్మాత్తుగా చ‌నిపోవ‌డం సినిమా ఇండ‌స్ట్రీని విషాదంలోకి నెట్టింది. ఈ బాధ‌ నుంచి కోలుకోకముందే వారి కుటుంబం మరో బ్యాడ్ న్యూస్ వినాల్సి వచ్చింది. చిరంజీవి సర్జా సోదరుడు.. హీరో ధ్రువ సర్జా క‌రోనా బారిన ప‌డ్డారు. అత‌డి భార్య ప్రేరణకు కరోనా పాజిటివ్ గా నిర్ధార‌ణ అయ్యింది. ఈ విషయాన్ని ధ్రువ స్వయంగా సోష‌ల్ మీడియా​ వేదికగా తెలిపారు.

My wife and I have both been tested positive for COVID-19 with mild symptoms and hence chosen to get ourselves hospitalised. I’m sure we’ll be back all fine! All those who were in close proximity with us please get yourselves tested and remain safe. ಜೈ ಆಂಜನೇಯ ??

— Dhruva Sarja (@DhruvaSarja) July 15, 2020

“నేను, నాభార్య కరోనా పాజిటివ్ గా నిర్దారించ‌బ‌డ్డాం. స్ప‌ల్ప ల‌క్ష‌ణాలు ఉండ‌టంతో..ఆస్ప‌త్రిలో అడ్మిట్ అయ్యాం. త్వరలోనే కోలుకొని తిరిగి ఇంటికి క్షేమంగా వస్తామని ఆశిస్తున్నాం. ఈ మధ్యకాలంలో మమ్మల్ని కలిసిన వారంతా కొవిడ్​ టెస్టులు చేయించుకోవాలని విజ్ఞప్తి చేస్తున్నాం” అని ధ్రువ సర్జా పేర్కొన్నాడు.

కాగా ఇటీవలే సినీ పరిశ్రమలో పలువులు సెలిబ్రిటీల‌కు క‌రోనా సోకింది. అమితాబ్ బచ్చన్​ కుటుంబంలోనూ కోవిడ్-19 క‌ల‌వ‌రం సృష్టించింది. బిగ్ బితో పాటు ఆయ‌న కుమారుడు, కోడ‌లు, మ‌న‌వ‌రాలు కరోనా బారిన ప‌డ్డారు.