Tollywood: వామ్మో.. తిని తిని 108 కిలోలు పెరిగిపోయిందట.. ఈ యాంకరమ్మను గుర్తుపట్టారా.. ?

ప్రస్తుతం బుల్లితెరపై ఆమె టాప్ యాంకర్. తన మాటలతో.. కామెడీ పంచులతో ప్రేక్షకులను మస్త్ ఎంటర్టైన్ చేస్తుంటుంది. అంతేకాదు అందంలోనూ హీరోయిన్లకు ఏమాత్రం తీసిపోదు.. కానీ ఒకప్పుడు ఆమె తిని తిని 108 కిలోల బరువు పెరిగిపోయిందట. ప్రస్తుతం ఈ బ్యూటీ పాత ఫోటోస్ వైరలవుతున్నాయి.

Sreemukhi

Rajitha Chanti |

Updated on: May 10, 2025 | 1:00 PM

పైన ఫోటోలో బొద్దుగా కనిపిస్తున్న అమ్మాయిని గుర్తుపట్టారా.. ? ఇప్పుడు బుల్లితెరపై టాప్ యాంకర్. అందంలో హీరోయిన్లకు ఏమాత్రం తీసిపోని ఈ ముద్దుగుమ్మ.. తన వాక్చాతుర్యం, కామెడీ పంచులతో పలు షోలలో అలరిస్తుంది. ఒకప్పుడు సినిమాల్లో కీలక పాత్రలు పోషించిన ఈ బ్యూటీ.. ఇప్పుడు పూర్తిగా టీవీ షోలతో గడిపేస్తుంది. ఇంతకీ ఆమె ఎవరో గుర్తుపట్టారా.. ? ఆమె మరెవరో కాదండి.. బుల్లితెర రాములమ్మా.. యాంకర్ శ్రీముఖి. కెరీర్ తొలినాళ్లల్లో ఈ ముద్దుగుమ్మ కాస్త బొద్దుగా ఉండేది. ఆ తర్వాత డైట్, వెయిట్ కంట్రోల్ అంటూ బాగా కష్టపడి ఇప్పుడు మరింత అందంగా మారిపోయింది. ప్రస్తుతం సోషల్ మీడియాలో వైరలవుతున్న ఈ అమ్మడు పాతఫోటోస్ చూస్తే అస్సలు గుర్తుపట్టలేరు.

ఈరోజు శ్రీముఖి పుట్టినరోజు. ఈ సందర్భంగా ఆదివారం విత్ స్టార్ మా పరివారం షోలో ఈ యాంకర్ బర్త్ డే సెలబ్రేషన్స్ చేశారు. ఇందుకు సంబంధించిన ప్రోమోను రిలీజ్ చేయగా.. అందులో శ్రీముఖి పాత ఫోటోలను స్క్రీన్ పై చూపించి షాకిచ్చారు. శ్రీముఖి చిన్ననాటి ఫోటోస్ చూపించి ఎవరో గెస్ చేయాలని అన్నారు. ఆ తర్వాత కనిపించే ఈ క్యూ్ట్ నెస్ వెనక కనబడని ఫోటోస్ ఉన్నా్య్ అంటూ స్క్రీన్ పై కొన్ని ఫోటోస్ చూపించాడు హరి. అందులో శ్రీముఖి ఫోటోస్ చూసి షాకయ్యారు.

అందులో శ్రీముఖి ఎవరూ గుర్తుపట్టలేనంత బొద్దుగా ఉంది. ఇది నిజంగా శ్రీముఖి ఫోటోయేనా అంటూ యాంకర్ లాస్య అడగ్గా.. అసలు విషయం చెప్పేసింది శ్రీముఖి. అది తన 10వ తరగతి ఫోటో అని.. ఆ సమయంలో ఒక్కసారి కూర్చుంటే మినిమమ్ రెండు బిర్యానీ ప్యాకెట్స్ అయిపోవాలంటూ చెప్పుకొచ్చింది. తిని తిని ఏకంగా 108 కిలోలు పెరిగిపోయానని చెప్పుకొచ్చింది. దీంతో శ్రీముఖి ఫోటోస్ చూసి ఆశ్చర్యపోతున్నారు నెటిజన్స్.