Kiara Advani: క‌చ్చితంగా మ‌రో తెలుగు సినిమాలో న‌టిస్తానంటోన్న కియారా.. ఆ చిత్రం ఎన్టీఆర్‌దేనా..?

Kiara

Kiara Advani: 2014లో వ‌చ్చిన ఫ‌గ్లీ అనే హిందీ చిత్రంతో వెండి తెర‌కు ప‌రిచ‌య‌మైంది న‌టి కియారా అద్వానీ. త‌న‌దైన న‌ట‌న‌, అందంతో ఆక‌ట్టుకున్న ఈ చిన్న‌ది అన‌తి కాలంలోనే న‌టిగా మంచి గుర్తింపు సంపాదించుకుంది. ఇక నాలుగో చిత్రంతోనే సౌత్ ఇండియాపై దృష్టి సారించిన కియారా.. మ‌హేష్‌బాబు హీరోగా న‌టించిన భ‌ర‌త్ అనే నేని సినిమాతో తెలుగు ప్రేక్ష‌కుల‌ను ప‌ల‌క‌రించింది. ఈ సినిమా వ‌చ్చి దాదాపు మూడేళ్లు గ‌డుస్తోన్నా కియారా ఇంత వ‌ర‌కు మ‌రో తెలుగు చిత్రంలో న‌టించ‌లేదు. తాజాగా ఈ విష‌య‌మై ట్విట్ట‌ర్ వేదిక‌గా స్పందించిందీ బ్యూటీ.
కియారా అద్వానీ ఇండ‌స్ట్రీకి ఎంట్రీ ఇచ్చి జూన్ 13తో 7 ఏళ్లు గ‌డిచాయి. ఈ సంద‌ర్భంగా #7YearsOfKiaraAdvani అనే హ్యాష్ ట్యాగ్ వైర‌ల్ అవుతోంది. ఈ సంద‌ర్భంగానే ఓ ట్విట్ట‌ర్ యూజర్ మ‌ళ్లీ తెలుగు సినిమాలో ఎప్పుడు న‌టిస్తార‌ని ప్ర‌శ్నించాడు. దీనికి స్పందించి ముద్దుగుమ్మ క‌చ్చితంగా మ‌రో తెలుగు సినిమాను చేస్తా అని చెప్పుకొచ్చింది. దీంతో కియారా అద్వానీ న‌టించే ఆ తెలుగు సినిమా మ‌రేదో కాద‌ని.. ఎన్టీఆర్ 30వ చిత్రమేన‌ని అభిమానులు కామెంట్ చేస్తున్నారు. మ‌రి ఈ వార్త‌లో ఎంత వ‌ర‌కు నిజం ఉందో తెలియాలంటే అధికారిక ప్ర‌క‌ట‌న వ‌చ్చే వ‌ర‌కు వేచి చూడాల్సిందే.

కియారా అద్వాని చేసిన ట్వీట్‌..

Also Read: 1000 years old egg: తవ్వకాల్లో లభించిన అరుదైన నిధి.. ఆ కోడిగుడ్డు వెయ్యి ఏండ్లు.

Salman Khan: మరో సూపర్ హిట్ సినిమాపైన కన్నేసిన సల్మాన్.. విజయ్ సినిమాను రీమేక్ చేయనున్న భాయ్ జాన్..

మరోసారి కనువిందు చేయనున్న పవర్ స్టార్ సమంత జోడీ.. హరీష్ శంకర్ సినిమాలో పవన్ సరసన కుందనపు బొమ్మ