జూనియర్ ఎన్టీఆర్కు సర్ప్రైజ్ ఇచ్చిన స్టార్ హీరోయిన్.. కుమారులు అభయ్, భార్గవ్ల కోసం ఏం పంపిందో తెలుసా?
తెలుగు సినిమా ఖ్యాతిని ప్రపంచానికి చాటి చెప్పిన ఈ పీరియాడికల్ మూవీలో బాలీవుడ్ స్టార్ హీరోయిన్ అలియా భట్ హీరోయిన్గా నటించిన సంగతి తెలిసిందే. సీత పాత్రలో అమ్మడి అభినయానికి అందరూ ఫిదా అయిపోయారు.
Updated on: Mar 26, 2023 | 7:10 AM
దర్శక ధీరుడు రాజమౌళి తెరకెక్కించిన ఆర్ఆర్ఆర్ ఆస్కార్ అవార్డుతో పాటు ఎన్నో ప్రతిష్ఠాత్మక పురస్కారాలను సొంతం చేసుకుంది. అలాగే ఈ సినిమాతో హీరోలు రామ్చరణ్, జూనియర్ ఎన్టీఆర్ గ్లోబల్ స్టార్లుగా ఎదిగిపోయారు. తెలుగు సినిమా ఖ్యాతిని ప్రపంచానికి చాటి చెప్పిన ఈ పీరియాడికల్ మూవీలో బాలీవుడ్ స్టార్ హీరోయిన్ అలియా భట్ హీరోయిన్గా నటించిన సంగతి తెలిసిందే. సీత పాత్రలో అమ్మడి అభినయానికి అందరూ ఫిదా అయిపోయారు. ఈ సినిమాతో తెలుగు ప్రేక్షకులకు బాగా చేరువైపోయిందీ ఈ ముద్దుగుమ్మ. అలాగే ఎన్టీఆర్, రామ్చరణ్లతో కూడా మంచి దోస్తీ కుదిరింది. సినిమాలతో బిజినెస్లోనూ దూసుకుపోతోన్న అలియా తన పిల్లల కోసం కాన్షియస్ క్లాతింగ్ పేరుతో ఒక దుస్తుల వ్యాపారాన్ని ప్రారంభించిన సంగతి తెలిసిందే. తాజాగా ఆమె తన ఆర్ఆర్ఆర్ హీరోకు సర్ప్రైజ్ ఇచ్చింది. ఎన్టీఆర్ పిల్లలు నందమూరి అభయ్ రామ్, భార్గవ్ రామ్లకు దుస్తులను పంపించింది. యూ ఆర్ మై ఫేవరెట్ హ్యూమన్ బీన్ అనే బ్యాగ్ లో ప్యాక్ చేసి.. అభయ్ రామ్, భార్గవ్ రామ్ పేర్లతో చెరో బ్యాగ్కు ట్యాగ్ లు పెట్టి పంపించింది.
ఈ విషయాన్ని ఇన్స్టాగ్రామ్ స్టోరీస్ వేదికగా షేర్ చేసుకున్నారు తారక్. ఈ సందర్భంగా అలియాకు కృతజ్ఞతలు తెలియజేశారు. ‘ థ్యాంక్స్ అలియా.. నీ క్లాతింగ్ బ్రాండ్ ఎప్పుడూ అభయ్ రామ్, భార్గవ్ రామ్ ముఖాల్లో సంతోషాన్ని ఉంచుతుంది. నా పేరు మీద కూడా ఒక బ్యాగ్ చూడాలనుకుంటున్నా’ అని తెలిపాడు. దీనికి స్పందించిన అలియా .. ‘నీకు మాత్రం ఈద్ స్పెషల్ దుస్తులు సిద్ధం చేస్తానని, స్వీటెస్ట్ పర్సన్ థాంక్యూ’ అని రిప్లై ఇచ్చింది. ప్రస్తుతం అలియా, ఎన్టీఆర్ల పోస్టులు సోషల్ మీడియాలో వైరల్గా మారాయి.
They Both???@tarak9999 – @aliaa08 IG Stories about her clothing brand.#ManOfMassesNTR #AliaBhatt pic.twitter.com/wK3m2gAML0
— WORLD NTR FANS (@worldNTRfans) March 25, 2023
మరిన్ని సినిమా వార్తల కోసం క్లిక్ చేయండి..
