Pushpa 2: పుష్ప 2 ట్రైలర్ లాంచ్ ఈవెంట్‏లో అక్షర సింగ్ స్పెషల్ డ్యాన్స్.. ఇంతకీ ఎవరీ అమ్మాయి..

Pushpa 2, Akshara Singh

సినీప్రియులు ఎంతో ఆసక్తిగా ఎదురుచూస్తున్న సినిమా పుష్ప 2. డైరెక్టర్ సుకుమార్ దర్శకత్వంలో అల్లు అర్జున్, రష్మిక మందన్నా జంటగా నటించిన ఈ సినిమాపై భారీ అంచనాలు పెరిగాయి. మూడేళ్ల క్రితం పుష్ప మూవీతో బాక్సాఫీస్ సంచలనం క్రియేట్ చేశాడు సుకుమార్. ఎర్ర చందనం స్మగ్లింగ్ నేపథ్యంలో వచ్చిన ఈ మూవీలో రష్మిక మందన్నా కథానాయికగా నటించగా.. మలయాళీ స్టార్ హీరో ఫహద్ ఫాజిల్, సునీల్, అనసూయ కీలకపాత్రలు పోషించారు. ఇక ఇప్పుడు ఈ చిత్రానికి సీక్వెల్ గా వస్తున్న పుష్ప 2పై ఓ రేంజ్ హైప్ నెలకొంది. కొన్ని నెలల క్రితం ఈ సినిమా నుంచి విడుదలైన బన్నీ స్పెషల్ గ్లింప్స్ గూస్ బంప్స్ తెప్పించింది.

ఇప్పటికే షూటింగ్ కంప్లీట్ చేసుకున్న ఈ సినిమా నుంచి ఈరోజు సాయంత్రం ట్రైలర్ రిలీజ్ చేయనుంది చిత్రయూనిట్. పాట్నాలోని గాంధీ మైదాన్ లో పుష్ప 2 ట్రైలర్ లాంచ్ ఈవెంట్ గ్రాండ్ గా నిర్వహించనున్నారు. ఈ వేడుకకు భారీ సంఖ్యలో అభిమానులు రానున్నట్లు తెలుస్తోంది. నిన్నటి నుంచే ఈ వేడుక పాసుల కోసం క్యూ కట్టారు ఫ్యాన్స్. మరోవైపు మైత్రీ మూవీ మేకర్స్, పాట్నా పోలీసుల ఆధ్వర్యంలో పుష్ప 2 ట్రైలర్ లాంచ్ వేడుక ఏర్పాట్లను దగ్గరుండి చూసుకుంటున్నారు.

ఎవరీ అక్షర సింగ్.. ?

ఇక ఈ వేడుకలో భోజ్ పురి హీరోయిన్ అక్షర సింగ్ స్పెషల్ పర్ఫార్మెన్స్ ఇవ్వనున్నట్లు చిత్రయూనిట్ వెల్లడించింది. దీంతో ట్రైలర్ లాంచ్ ఈవెంట్ పై మరింత హైప్ పెరిగింది. ఇంతకీ ఈ అక్షర సింగ్ ఎవరో తెలుసా.. ఆమె భోజ్ పురి హీరోయిన్. ఆ ఇండస్ట్రీలో అత్యధిక పారితోషికం తీసుకునే హీరోయిన్. 2010లో నటుడు రవి కిషన్ సరసన సత్యమేవ జయతే చిత్రంలో నటించింది. ఆ తర్వాత వరుసగా ఆఫర్స్ అందుకుంటూ తక్కువ సమయంలోనే బిజీ హీరోయిన్ గా మారింది. హిందీలో కాలా టీకాలో నటించింది. అలాగే సూర్యపుత్ర కర్ణ సీరియల్లో గాంధారి పాత్రలో నటించింది. అక్షర సింగ్ కు సోషల్ మీడియాలోనూ మంచి ఫాలోయింగ్ ఉంది. ఇప్పుడు ఈ బ్యూటీ పుష్ప 2 ట్రైలర్ లాంచ్ వేడుకలో స్పెషల్ పెర్ఫార్మెన్స్ ఇవ్వనుండడంతో మరింత హైప్ పెరిగింది.

ఇది చదవండి : Tollywood: వార్నీ.. ఏందీ బాసూ ఈ అరాచకం.. పద్దతిగా ఉందనుకుంటే గ్లామర్ ఫోజులతో హీటెక్కిస్తోందిగా..

Tollywood: ఇరవై ఏళ్లపాటు స్టార్ హీరోయిన్.. బాత్రూమ్ గోడలో రూ.12 లక్షలు దొరకడంతో కెరీర్ నాశనం..

Chandamama: దొరికిందోచ్.. టాలీవుడ్‏కు మరో చందమామ.. ఈ హీరోయిన్ కూతురిని చూశారా.. ?

మరిన్ని సినిమా వార్తల కోసం ఇక్కడ క్లిక్ చేయండి.