Avika Gor : జోరు పెంచిన చిన్నారి పెళ్లికూతురు.. తెలుగులో వరుస సినిమాలు అందుకుంటున్న అవికా..

చిన్నారి పెళ్లి కూతురుసీరియల్ తో ప్రేక్షకులను ఆకట్టుకున్న బ్యూటీ అవికాగోర్. ఈ సీరియల్ తో వచ్చిన పాపులారిటీ తో తెలుగలో సినిమా అవకాశాన్ని అందుకుంది.

Avika Gor

Rajeev Rayala |
Updated on: Jun 14, 2021 | 7:40 AM

Avika Gor :

చిన్నారి పెళ్లి కూతురు సీరియల్ తో ప్రేక్షకులను ఆకట్టుకున్న బ్యూటీ అవికాగోర్. ఈ సీరియల్ తో వచ్చిన పాపులారిటీ తో తెలుగలో సినిమా అవకాశాన్ని అందుకుంది. ‘ఉయ్యాలా జంపాలా’ అనే సినిమాతో తెలుగు తెరకు హీరోయిన్ గా పరిచయం అయ్యింది అవికా. మొదటి సినిమాతోనే ఈ చిన్నది మంచి విజయాన్ని అందుకోవడమే కాకుండా నటన పరంగాను శబాష్ అనిపించుకుంది. దాంతో ఈ అమ్మడికి అవకాశాలు క్యూ కట్టాయి. ఆ తర్వాత సినిమా చూపిస్తా మామ, ఎక్కడికిపోతావ్ చిన్నవాడా, రాజుగారి గది3 సినిమాల్లో నటించి ఆకట్టుకుంది. అయితే ‘ఉయ్యాలా జంపాలా’, ఎక్కడికిపోతావ్ చిన్నవాడా సినిమాలు తప్ప అవికా చేసిన సినిమాలు అంతగా ప్రేక్షకుల ఆదరణ దక్కించుకోలేక పోయాయి. దాంతో మెల్లగా ఈ ముద్దుగుమ్మకు అవకాశాలు తక్కువయ్యాయి. దాంతో అవికా బాలీవుడ్ బాట పట్టింది. ఏమనుకుందో ఏమో కాని ఇప్పుడు ఇక్కడ తిరిగి ఫామ్ లోకి రావాలనుకుంటుంది. తెలుగు నుంచి ఎలాంటి ఆఫర్లు వచ్చిన కాదనకుండా ఓకే చేస్తుంది. ఈ క్రమంలోనే పలు సినిమాలకు కూడా గ్రీన్ సిగ్నల్ ఇచ్చిందని టాక్.

ప్రస్తుతం ఆమె విక్రమ్ కుమార్ దర్శకత్వంలో రూపొందుతున్న ‘థ్యాంక్యూ’ సినిమాలో ఒక కథానాయికగా నటిస్తోంది. ఈ సినిమాలో ఆమె చైతూ జోడీగా కనిపించనుంది. అలాగే చిరంజీవి చిన్నల్లుడు కల్యాణ్ దేవ్ హీరోగా రూపొందుతున్న సినిమాలోను కథానాయికగా సందడి చేయనుంది. అంతేకాదు ఆదిసాయికుమార్ హీరోగా చేస్తున్న ‘అమరన్’ సినిమాలోను ఆమెనే హీరోయిన్. ఇలా వరుస సినిమాలతో తెలుగులో మళ్లీ ఫామ్ లోకి రావాలని చూస్తుంది అవికా.

మా;రిన్ని ఇక్కడ చదవండి :