Thug Life: భారత్, పాక్ వార్ ఎఫెక్ట్.. కమల్ హాసన్ సినిమా ఆడియో రిలీజ్ ఈవెంట్ రద్దు..

డైరెక్టర్ మణిరత్నం దర్శకత్వంలో కమల్ హాసన్ ప్రధాన పాత్రలో నటిస్తున్న లేటేస్ట్ మూవీ థగ్ లైఫ్. చాలా కాలం తర్వాత వీరిద్దరి కాంబోలో వస్తున్న సినిమా కావడంతో ఇప్పటికే భారీ అంచనాలు నెలకొన్నాయి. నాయగన్ సినిమా తర్వాత కమల్ హాసన్, మణిరత్నం నుంచి వస్తున్న మూవీ కావడంతో థగ్ లైఫ్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఈ ఏడాది మోస్ట్ అవైటెడ్ మూవీగా రాబోతుంది థగ్ లైఫ్. ఇందులో పెద్ద పెద్ద నటులు కీలకపాత్రలు పోషిస్తున్నట్లు సమాచారం. ఇప్పటికే రిలీజ్ అయిన పోస్టర్స్ సినిమాపై మరింత ఆసక్తిని కలిగించాయి. ఇందులో త్రిష కథానాయికగా నటిస్తుంది. ఈ మూవీ రిలీజ్ డేట్ దగ్గర పడుతున్న సమయంలో ఈ మూవీ ప్రమోషన్స్ స్టార్ట్ చేసింది చిత్రయూనిట్. ఇందులో భాగంగా ప్రీ రిలీజ్ ఈవెంట్ సైతం ప్లాన్ చేసింది.

అలాగే ఇటీవలే థగ్ లైఫ్ సినిమా ఆడియో రిలీజ్ ఈవెంట్ ను భారీ స్థాయిలో నిర్వహించేందుకు ప్లాన్ చేశారు మేకర్స్. కానీ ప్రస్తుతం భారత్, పాక్ మధ్య ఉద్రిక్త పరిస్థితులు నెలకొనడంతో చిత్రయూనిట్ కీలక నిర్ణయం తీసుకుంది. ఈనెల 16న జరగాల్సిన థగ్ లైఫ్ ఆడియో రిలీజ్ ఈవెంట్ ను నిర్వహించడం కరెక్ట్ కాదని భావించి వాయిదా వేస్తున్నట్లు ప్రకటించారు. త్వరలోనే మరో డేట్ వెల్లడిస్తామని తెలిపారు.

ఈ సినిమాలో శింబు, త్రిష, జోజు జార్జ్, ఐశ్వర్య లక్ష్మీ, అశోక్ సెల్వన్, అభిరామి, నాజర్ ముఖ్య పాత్రలు పోషిస్తున్నారు. భారీ అంచనాల మధ్య రూపొందుతున్న ఈ చిత్రాన్ని జూన్ 5న రిలీజ్ చేయనున్నారు. ఈ చిత్రాన్ని కమల్ నిర్మాణ సంస్థ రాజ్ కమల్ ఫిల్మ్స్ ఇంటర్నేషనల్, మద్రాస్ టాకీస్, తమిళనాడు డిప్యూటీ సీఎం ఉదయనిధి స్టాలిని ప్రొడక్షన్ హౌజ్ రెడ్ జెయింట్ సంయుక్తంగా నిర్మిస్తున్నాయి.

Statement from Kamal Haasan#Thuglife #ThuglifeFromJune5 #KamalHaasan #SilambarasanTR @ikamalhaasan #ManiRatnam @arrahman @SilambarasanTR_ #Mahendran @bagapath @trishtrashers @AishuL_ @AshokSelvan @abhiramiact @C_I_N_E_M_A_A #Nasser @manjrekarmahesh @TanikellaBharni… pic.twitter.com/jkMiXDBNG0

— Raaj Kamal Films International (@RKFI) May 9, 2025

ఇవి కూడా చదవండి :  

Mirchi Movie: ఈ హీరోయిన్ ఇంత మారిపోయిందేంటి ?.. మిర్చి మూవీ బ్యూటీ ఫ్యామిలీని చూశారా.. ?

Tollywood: సినిమాలు వదిలేసి వాచ్‏మెన్‏గా మారిన నటుడు.. ఒకప్పుడు స్టార్ హీరోల సినిమాల్లో తోపు యాక్టర్..

Tollywood: సీనియర్ హీరోలతో నటించేందుకు నాకు ఎలాంటి సమస్య లేదు.. హీరోయిన్ ఓపెన్ కామెంట్స్..

Tollywood: ఒకప్పుడు తినడానికి తిండి లేక నీళ్లు తాగి బతికింది.. ఇప్పుడు ఇండస్ట్రీనే షేక్ చేస్తోన్న హీరోయిన్..