Rashmi Gautham: జబర్ధస్త్ బ్యూటీకి బంపర్ ఆఫర్.. మెగాస్టార్ సినిమాలో రష్మీ గౌతమ్ ?..

ప్రస్తుతం బుల్లితెరపై దూసుకుపోతున్న టాప్ యాంకర్లలో రష్మీ గౌతమ్ ఒకరు. జబర్ధస్త్ కామెడీ షో ద్వారా రష్మీ క్రేజ్ ఒక్కసారిగా

Chiranjeevi

Rajitha Chanti |

Updated on: Nov 24, 2021 | 10:58 AM

ప్రస్తుతం బుల్లితెరపై దూసుకుపోతున్న టాప్ యాంకర్లలో రష్మీ గౌతమ్ ఒకరు. జబర్ధస్త్ కామెడీ షో ద్వారా రష్మీ క్రేజ్ ఒక్కసారిగా మారిపోయింది. ఓ వైపు బుల్లితెరపై ప్రేక్షకులను అలరిస్తూనే.. మరోవైపు వెండితెరపై తన నటనతో మెప్పిస్తుంది. ఇప్పటికే పలు చిత్రాల్లో నటించిన రష్మీ గౌతమ్ ప్రశంసలు అందుకుంది. తాజాగా ఈ జబర్ధస్త్ బ్యూటీకి మరో లక్కీ ఛాన్స్ వచ్చినట్లుగా సమాచారం. మెగాస్టార్ చిరంజీవి ప్రధాన పాత్రలో డైరెక్టర్ మెహర్ రమేశ్ తెరకెక్కిస్తున్న సినిమా భోళా శంకర్. ఇటీవలే ఈ మూవీ షూటింగ్ ప్రారంభమైన సంగతి తెలిసిందే. ప్రస్తుతం ప్రత్యేకమైన సెట్ లో యాక్షన్ సన్నివేశాలను చిత్రీకరిస్తున్నారు. ఇక తాజా సమాచారం ప్రకారం రష్మీ గౌతమ్ ఈ సినిమాలో ఓ సాంగ్ చేయబోతున్నట్లుగా టాక్.

తమిళ సూపర్ హిట్ వేదాళంకు ఈ సినిమా రీమేక్. అందులో అజిత్ పాత్రలో మెగాస్టార్ చిరంజీవి నటించనున్నారు. ఇక ఈ సినిమాలో చిరు చెల్లెలుగా కీర్తి సురేష్ నటిస్తోంది. ఈ సినిమాను ఎ.కె.ఎంటర్‌టైన్‌మెంట్స్ బ్యానర్‌పై అనీల్ సుంకర నిర్మిస్తున్నారు. ఇక ఇప్పటికే చిరు ప్రధాన పాత్రలో నటించిన ఆచార్య సినిమా షూటింగ్ పూర్తిచేసుకుని విడుదలకు సిద్ధంగా ఉంది. మెగా పవర్ స్టార్ రామ్ చరణ్, పూజా హెగ్డే ప్రధాన పాత్రలో నటించిన ఈ సినిమా ఫిబ్రవరి 4న ప్రేక్షకుల ముందుకు రానుంది.