Anasuya: మరో ఛాలెంజింగ్ రోల్‏లో అనసూయ.. వెబ్ సిరీస్ కోసం యాంకరమ్మ సాహసం..

తాజా సమాచారం ప్రకారం అనసూయ ఇప్పుడు మరోసారి ఛాలెంజింగ్ పాత్రలో నటించేందుకు సిద్ధమైందట. ఇప్పటివరకు ఎన్నో విలక్షణమైన పాత్రలలో కనిపించిన యాంకరమ్మ..

Anasuya: మరో ఛాలెంజింగ్ రోల్‏లో అనసూయ.. వెబ్ సిరీస్ కోసం యాంకరమ్మ సాహసం..
Anasuya
Rajitha Chanti

|

Jul 03, 2022 | 8:20 PM

బుల్లితెరపై యాంకర్ అనసూయకు (Anasuya) ఉన్న క్రేజ్ గురించి ప్రత్యేకంగా చెప్పాల్సిన పనిలేదు. ఓవైపు పలు రియాల్టీ షోలతో ప్రేక్షకులను అలరిస్తూనే మరోవైపు వెండితెరపై పలు చిత్రాలతో మెప్పించింది. విలక్షణమైన పాత్రలు చేస్తూ తనకంటూ స్పెషల్ ఇమేజ్ సంపాదించుకుంది అనసూయ. రంగస్థలం సినిమాలో రంగమ్మత్త పాత్రలో ప్రశంసలు అందుకున్న ఆనసూయ.. ఆ తర్వాత ఎన్నో సూపర్ హిట్ చిత్రాల్లో కీలకపాత్రలలో మెప్పించింది. ఇటీవల వచ్చిన పుష్ప మూవీలో దాక్షయాణి పాత్రలో నటించింది. ప్రస్తుతం అనసూయ ప్రధాన పాత్రలో తెరకెక్కుతున్న సినిమా దర్జా. ఇప్పటికే ఈ మూవీ నుంచి విడుదలైన పోస్టర్స్, సాంగ్స్ సినిమాపై మరింత క్యూరియాసిటీని పెంచేశాయి. ఇక తాజాగా అనసూయ తదుపరి సినిమా గురించి ఆసక్తికరమైన న్యూస్ ఒకటి ఫిల్మ్ సర్కిల్లో వినిపిస్తోంది.

ఇవి కూడా చదవండి

తాజా సమాచారం ప్రకారం అనసూయ ఇప్పుడు మరోసారి ఛాలెంజింగ్ పాత్రలో నటించేందుకు సిద్ధమైందట. ఇప్పటివరకు ఎన్నో విలక్షణమైన పాత్రలలో కనిపించిన యాంకరమ్మ.. ఇప్పుడు వేశ్వ పాత్రలో నటించనుందని టాక్. కన్యాశుల్కం అనే వెబ్ సిరీస్ లో అనసూయ వేశ్య పాత్రలో కనిపించనుందని..ప్రస్తుతం ఈ వెబ్ సిరీస్ ప్రీ ప్రొడక్షన్ పనులు జరుగుతున్నాయని టాక్. ఈ వెబ్ సిరీస్ కు డైరెక్టర్ క్రిష్ జాగర్లమూడి స్క్రీప్ట్ అందిస్తున్నారని తెలుస్తోంది. గురజాడ అప్పారావు రచించిన కన్యాశుల్కం అనే నాటకం ఆధారంగా ఈ సిరీస్ తెరకెక్కిస్తున్నారని.. ఇందులో అనసూయ మధురవాణి అనే వేశ్య పాత్రలో కనిపించనుందట. మరి నిజంగానే అనసూయ ఈ ఛాలెంజింగ్ రోల్ చేయబోతుందా ? లేదా ? అనేది తెలియాలంటే అధికారిక ప్రకటన వచ్చే వరకు వెయిట్ చేయాల్సిందే.

లేటెస్ట్ న్యూస్ హైలెట్స్ చూడండి

Follow us on

Most Read Stories

Click on your DTH Provider to Add TV9 Telugu