Allu Arha: బన్నీ కూతురా.. మజాకా.. ‘జమల కుదు’ పాటకు అల్లు అర్హ డ్యాన్స్.. తలపై గ్లాస్ బదులు.. వీడియో

Allu Arjun's Daughter Allu

టాలీవుడ్ ఐకాన్ స్టార్ అల్లు అర్జున్ కుమారుడు అల్లు అయాన్, కూతురు అల్లు అర్హల క్రేజ్ గురించి ప్రత్యేకంగా చెప్పక్కర్లేదు. మరీ ముఖ్యంగా అల్లు అర్హ ఇప్పటికే హీరోయిన్లతో సమానమైన ఫ్యాన్ ఫాలోయింగ్‌ ను సొంతం చేసుకుంది. అర్హ అల్లరి వీడియోలు, ఫొటోలను తరచూ సోషల్‌ మీడియాలో షేర్ చేస్తుంటారు అల్లు అర్జున్, స్నేహా రెడ్డి దంపతులు. దీంతో స్టార్ కిడ్ గా ఇప్పటికే మస్త్ క్రేజ్ సంపాదించుకుంది అల్లు అర్హ. తాజాగా యానిమల్ సినిమాలో సూపర్ హిట్‌ పాటకు సూపర్బ్‌ గా స్టెప్పులేసింది బన్నీ గారాల పట్టి. ‘జమల్ కుదు’ సాంగ్ ను తనదైన శైలిలో రీక్రియేట్ చేసింది అర్హ. ఒరిజినల్‌ పాటలో తలపై గ్లాస్ పెట్టుకుని బాబీ డియోల్‌ డ్యాన్స్ చేస్తే బన్నీ కూతురు మాత్రం తలపై ప్లేట్ పెట్టుకుని స్టెప్పులేసింది. దీనికి సంబంధించిన వీడియో ఇప్పుడు సామాజిక మాధ్యమాల్లో వైరల్ గా మారింది. బన్నీ కూతురంటే ఆ మాత్రం ఉండాల్సిందే.. క్యూట్‌ డ్యాన్స్ అంటూ అభిమానులు, నెటిజన్లు క్రేజీ కామెంట్లు పెడుతున్నారు.

కాగా సమంత నటించిన శాకుంతలం సినిమాలో అల్లు అర్హ నటించింది. ఇందులో తను పోషించిన భరతుడి పాత్రకు సూపర్బ్ రెస్పాన్స్ వచ్చింది. ఇప్పుడు ఎన్టీఆర్, జాన్వీ కపూర్ ల కాంబినేషన్‌లో వస్తోన్న దేవరలోనూ అల్లు అర్హ నటించనుందని ప్రచారం సాగుతోంది. జాన్వీ చిన్నప్పట పాత్రలో అర్హ కనిపించనుందని రూమర్స్ వినిపిస్తున్నాయి. అయితే దీనిపై బన్నీ ఫ్యామిలీ కానీ, దేవర టీమ్‌ కానీ ఎలాంటి అధికారిక సమాచారం ఇవ్వలేదు. మరోవైపు అల్లు అర్జున్ పుష్ప 2 సినిమా షూటింగ్‌ లో బిజిబిజీగా ఉంటున్నాడు. సుకుమార్‌ తెరకెక్కిస్తోన్న ఈ ఊరమాస్‌ ఎంటర్‌ టైనర్ స్వాతంత్ర్య దినోత్సవం కానుకగా ఆగస్టు 15న వరల్డ్ వైడ్ గా రిలీజ్ కానుంది. రష్మిక మందన్న హీరోయిన్. సునీల్, అనసూయ, జగదీశ్‌, ఫాహద్ ఫాజిల్‌ తదితరులు కీలక పాత్రలు పోషిస్తున్నారు.

బాబీ డియోల్ ఐకానిక్ స్టెప్ ను రీక్రియేట్ చేసిన అల్లు అర్హ..

వేలంటైన్స్ డే వేడుకల్లో అల్లు అర్జున్ కుటుంబ సభ్యులు..

అల్లు అయాన్, అర్హలతో బన్నీ సతీమణి స్నేహా రెడ్డి..

మరిన్ని సినిమా వార్తల కోసం ఇక్కడ క్లిక్ చేయండి