Allu Arha: తొలి సినిమా షూటింగ్‌ను పూర్తి చేసిన అల్లు అర్హ.. నెట్టింట వైరల్‌ అవుతోన్న వీడ్కోలు పార్టీ ఫొటోలు..
Allu Arha: అల్లు అర్జున్‌ గారాల పట్టి అల్లు అర్హ.. శాకుంతలం సినిమాలో నటిస్తోన్న విషయం తెలిసిందే. అల్లు ఫ్యామిలీ నుంచి ఇండస్ట్రీకి ఎంట్రీ ఇచ్చిన తొలి అమ్మాయిగా అర్హ ప్రత్యేక గుర్తింపును సంపాదించుకుంది. ఈ సినిమాలో...
Allu Arha: అల్లు అర్జున్‌ గారాల పట్టి అల్లు అర్హ.. శాకుంతలం సినిమాలో నటిస్తోన్న విషయం తెలిసిందే. అల్లు ఫ్యామిలీ నుంచి ఇండస్ట్రీకి ఎంట్రీ ఇచ్చిన తొలి అమ్మాయిగా అర్హ ప్రత్యేక గుర్తింపును సంపాదించుకుంది. ఈ సినిమాలో భరతుడి చిన్ననాటి పాత్రలో కనిపించనుంది అర్హ. తాజాగా ఈ అల్లు ప్రిన్సెస్‌కు సంబంధించిన షూటింగ్‌ను చిత్ర యూనిట్‌ పూర్తి చేసింది. దీంతో చిత్రయూనిట్‌ అర్హకు గ్రాండ్‌గా వీడ్కోలు ఇచ్చింది. అర్హతో కేక్‌ కట్‌ చేయించి వేడుకగా నిర్వహించింది. ఈ కార్యక్రమానికి అల్లు అర్జున్‌తో పాటు ఆయన సతీమణి స్నేహ కూడా హాజరయ్యారు. ప్రస్తుతం ఈ కార్యక్రమానికి సంబంధించిన ఫొటోలు నెట్టింట వైరల్‌గా మారాయి.
View this post on Instagram
ఇదిలా ఉంటే శాకుంతలం సినిమా షూటింగ్‌ జరుగుతోన్న ప్రదేశంలో బన్నీ నటిస్తోన్న పుష్ప సినిమా కూడా చిత్రీకరణ జరుపుకుంది. ఈ సందర్భంగా శాకుంతలం షూటింగ్‌ స్పాట్‌ను సందర్శించిన బన్నీ ఇన్‌స్టాగ్రామ్‌ వేదికగా ఓ ఆసక్తికర పోస్ట్‌ చేశాడు. శాకుంతలం సెట్స్‌లో కూతురు అర్హను ఎత్తుకొని దిగి ఓ ఫొటోను షేర్‌ చేస్తూ.. ‘నేను నా కూతురు అర్హ ఒకే లొకేషన్ లో వేర్వేరు చిత్రాల షూటింగ్‌లో పాల్గొన్నాం. దీంతో నేను అర్హ నటిస్తోన్న సినిమా సెట్‌ను సందర్శించాను. ఇలాంటి సందర్భం నేను ఓ 15 నుంచి 20 ఏళ్ల తర్వాత వస్తుందనుకున్నాను. కానీ చాలా త్వరగా జరిగింది. ‘శాకుంతలం’ లో భరతుడిని ‘పుష్ప’ కలుసుకున్నాడు. ఇది ఎప్పిటకే గుర్తుండిపోయే యాదృచ్చికమైన రోజు’ అంటూ క్యాప్షన్‌ జోడించాడు.
View this post on Instagram
