Akhil Akkineni: అయ్యగారు నెక్స్ట్ మూవీ ఆ దర్శకుడితోనేనా..! అఖిల్ నయా మూవీ ఫిక్స్.?

కింగ్ నాగార్జున వారసుడిగా ఎంట్రీ ఇచ్చిన ఈ కుర్ర హీరో. ఇంతవరకు సాలిడ్ హిట్ ఎలా ఉంటుందో చూడలేదు. అఖిల్ వివినాయక్ దర్శకత్వంలో అఖిల్ అనే సినిమాతో గ్రాండ్ గా లాంచ్ అయ్యాడు. కానీ ఈ సినిమా బాక్సాఫీస్ దగ్గర దారుణంగా నిరాశపరిచింది.ఆ తర్వాత హలో అనే ప్రేమ కథతో వచ్చాడు. ఈ సినిమా కూడా బోల్తా కొట్టింది. దాంతో వెంకీ అట్లూరి దర్శకత్వంలో మిస్టర్ మజ్ను అనే సినిమా చేశాడు. నిధి అగర్వాల్ హీరోయిన్ గా నటించిన ఈ మూవీ కూడా అఖిల్ ఫ్యాన్స్ ను నిరాశపరిచింది.

Akhil

Rajeev Rayala |

Updated on: Aug 12, 2023 | 8:17 AM

ఎంత స్టార్ హీరో కొడుకులైనా.. కూతురాలైన హిట్ రుచి చూడకపోతే ఇండస్ట్రీలో రాణించడం కష్టమే. బ్యాక్ టు బ్యాక్ సినిమాలు చేసిన ఫలితం దక్కకపోతే జనాలు మరిచిపోయే ప్రమాదం కూడా ఉంది. కానీ ఈ యంగ్ హీరో మాత్రం పట్టు వదలని విక్రమార్కుడిగా సినిమాలు చేస్తూనే.. ఎక్కడా వెనకడుగేయకుండా దూసుకుపోతున్నాడు. అతనే అక్కినేని అఖిల్. కింగ్ నాగార్జున వారసుడిగా ఎంట్రీ ఇచ్చిన ఈ కుర్ర హీరో. ఇంతవరకు సాలిడ్ హిట్ ఎలా ఉంటుందో చూడలేదు. అఖిల్ వివినాయక్ దర్శకత్వంలో అఖిల్ అనే సినిమాతో గ్రాండ్ గా లాంచ్ అయ్యాడు. కానీ ఈ సినిమా బాక్సాఫీస్ దగ్గర దారుణంగా నిరాశపరిచింది.ఆ తర్వాత హలో అనే ప్రేమ కథతో వచ్చాడు. ఈ సినిమా కూడా బోల్తా కొట్టింది. దాంతో వెంకీ అట్లూరి దర్శకత్వంలో మిస్టర్ మజ్ను అనే సినిమా చేశాడు. నిధి అగర్వాల్ హీరోయిన్ గా నటించిన ఈ మూవీ కూడా అఖిల్ ఫ్యాన్స్ ను నిరాశపరిచింది.

దాంతో బొమ్మరిల్లు భాస్కర్ దర్శకత్వంలో మోస్ట్ ఎలిజిబుల్ బ్యాచ్‌లర్ అనే సినిమా చేశాడు పూజాహెగ్డే హీరోయిన్ గా నటించిన ఈ సినిమా పర్లేదు అనిపించుకుంద. హిట్ టాక్ వచ్చినా అది పూజాహెగ్డే ఖాతాలోకే వెళ్ళిపోయింది. ఇక ఈ సినిమా తర్వాత భారీ అంచనాలతో ఏజెంట్ అనే సినిమాను ప్రేక్షకుల ముందుకు తీసుకువచ్చాడు అఖిల్.

ఏజెంట్ సినిమా పై అఖిల్ ఫ్యాన్స్ గట్టి నమ్మకమే పెట్టుకున్నారు. ఈ సినిమా స్పై థ్రిల్లర్ గా తెరకెక్కింది. సురేందర్ రెడ్డి దర్శకత్వంలో వచ్చిన ఈ సినిమా బాక్సాఫీస్ దగ్గర దారుణంగా నిరాశపరిచింది. ఫస్ట్ షోకే ఫ్లాప్ టాక్ తెచ్చుకుంది ఏజెంట్ సినిమా. దాంతో అఖిల్ సైలెంట్ అయిపోయాడు. ఇక పై కథ విషయంలో జాగ్రత్తలు పాటించాలని గట్టిగానే నిర్ణయించుకున్నాడు. ఈ క్రమంలోనే శ్రీకాంత్ అద్దాలతో సినిమా చేయనున్నాడని తెలుస్తోంది. కొత్త బంగారు లోకం, సీతమ్మ వాకిట్లో, ముకుంద లాంటి ఫీల్ గుడ్ సినిమాలను అందించిన శ్రీకాంత్ అడ్డాల దర్శకత్వంలో ఓ ప్రేమ కథలో అఖిల్ నటించనున్నాడని తెలుస్తోంది. త్వరలోనే దీని పై క్లారిటీ వచ్చే అవకాశం ఉంది.