Adivi Sesh: డేట్‏కు వెళ్దాం అంటూ యంగ్ హీరోకు ప్రపోజల్.. ఫ్యాన్ ప్రశ్నకు అడివి శేష్ రియాక్షన్ అదుర్స్..

డైరెక్టర్ శైలేష్ కొలను దర్శకత్వం వహించిన ఈ సినిమాకు మొదటి రోజు నుంచే మంచి రెస్పాన్స్ వస్తుంది. అంతేకాదు.. శేష్ కెరీర్ లోనే బెస్ట్ ఓపెనింగ్స్ రాబట్టిన చిత్రంగా నిలిచింది. ఈ సస్పెన్స్ థ్రిల్లింగ్ సినిమా అటు కలెక్షన్స్ కూడా భారీగానే రాబడుతుంది.

Adivi Sesh

Rajitha Chanti |

Updated on: Dec 06, 2022 | 7:19 AM

మేజర్ సినిమాతో పాన్ ఇండియా స్టార్‏గా ఇమేజ్ సొంతం చేసుకున్నారు హీరో అడివి శేష్. ప్రస్తుతం ఆయన హిట్ 2 సక్సెస్ ఎంజాయ్ చేస్తున్నారు. న్యాచురల్ నాని నిర్మించిన ఈ సినిమా డిసెంబర్ 2న విడుదలై బ్లాక్ బస్టర్ హిట్ గా నిలిచిన సంగతి తెలిసిందే. డైరెక్టర్ శైలేష్ కొలను దర్శకత్వం వహించిన ఈ సినిమాకు మొదటి రోజు నుంచే మంచి రెస్పాన్స్ వస్తుంది. అంతేకాదు.. శేష్ కెరీర్ లోనే బెస్ట్ ఓపెనింగ్స్ రాబట్టిన చిత్రంగా నిలిచింది. ఈ సస్పెన్స్ థ్రిల్లింగ్ సినిమా అటు కలెక్షన్స్ కూడా భారీగానే రాబడుతుంది. ఇక త్వరలోనే హిట్ 3 సైతం రాబోతుంది. ఇందులో నాని మెయిన్ రోల్ లో కనిపించనున్నారు. తాజాగా హిట్ 2 సక్సెస్ లో భాగంగా తాజాగా ట్విట్టర్ లో అభిమానులతో చిట్ చాట్ నిర్వహించారు అడివిశేష్..

ఆస్క్ మి ఎనీథింగ్ అంటూ నెటిజన్లతో ముచ్చటించారు. ఇందులో భాగంగా అభిమానులు అడిగిన ప్రశ్నలకు శేష్ తన స్టైల్లో సమధానాలు ఇచ్చారు. అయితే ఇందులో ఓ లేడీ ఫ్యాన్.. ఈ యంగ్ హీరోకు డేటింగ్ ప్రపోజల్ చేసింది. మనం ఎప్పుడు డేట్ కు వెళదాం అంటూ ట్విట్ చేయగా. సరదాగా రియాక్ట్ అయ్యారు శేష్. ఇదిగో ఇప్పుడే వచ్చేస్తున్నా.. మనం ఇద్దరం కలిసి హిట్ 2 సినిమా చూద్దామా అంటూ ఆన్సర్ ఇచ్చాడు. ప్రస్తుతం వీరిద్దరి చాట్ నెట్టింట వైరలవుతుంది..

ఇవి కూడా చదవండి

ఇక ఈ సినిమా ఇప్పటివరకు రూ. 28 .1 కోట్లు సాధించి బ్రేక్ ఈవెన్ పూర్తి చేసుకుంది. ఈ సినిమాతో శేష్ డబుల్ హ్యాట్రిక్ సాధించాడు. ఈ సినిమాలో మీనాక్షీ చౌదరీ కథానాయికగా నటించగా.. కోమలి ప్రసాద్, రావు రమేష్ కీలకపాత్రలలో కనిపించారు. ఈ చిత్రాన్ని వాల్‌ పోస్టర్‌ సినిమాస్‌ బ్యానర్‌పై హీరో నాని, ప్రశాంత్ తిపిరినేని నిర్మిస్తున్నారు.