Viral Photo: అమాయకపు చూపులతో కట్టిపడేస్తున్న ఈ చిన్నారి స్టార్ హీరోయిన్.. అచ్చతెలుగు మకరందం.. గుర్తుపట్టండి..

ప్రస్తుతం సోషల్ మీడియాలో స్టార్ హీరోహీరోయిన్స్ చిన్ననాటి ఫోటోస్ తెగ వైరల్ అవుతున్నాయి. తమ అభిమాన స్టార్లను గుర్తుపట్టేందుకు

Actress

Rajitha Chanti |

Updated on: Apr 11, 2022 | 10:12 AM

ప్రస్తుతం సోషల్ మీడియాలో స్టార్ హీరోహీరోయిన్స్ చిన్ననాటి ఫోటోస్ తెగ వైరల్ అవుతున్నాయి. తమ అభిమాన స్టార్లను గుర్తుపట్టేందుకు నెటిజన్స్ సైతం తెగ ఆసక్తి చూపిస్తున్నారు. త్రోబ్యాక్ ట్రెండ్ అంటూ ఈ చిన్ననాటి ఫోటోస్ నెట్టింట్లో హల్చల్ అవుతున్నాయి. ఇప్పటికే కాజల్, తమన్నా, శ్రియా వంటి స్టార్స్ చిన్న నాటి ఫోటోస్ వైరల్ అయిన సంగతి తెలిసిందే. తాజాగా మరో చిన్నారి ఫోటో నెట్టింట్లో చక్కర్లు కొడుతుంది. పైన ఫోటోలో చూశారు కదా.. అమాయకపు చూపులతో కట్టిపడేస్తున్న ఈ చిన్నారి ఇప్పుడు తెలుగు చిత్రపరిశ్రమలో ఓ స్టార్ హీరోయిన్. అచ్చ తెలుగు మకరందం. సంప్రదాయబద్ధంగా.. పదాహారణాల్ల ఆడపిల్లగా కనిపిస్తూ ప్రేక్షకులకు దగ్గరయ్యింది. గుర్తుపట్టండి ఎవరో.

ఆ చిన్నారి మరెవరో కాదు.. అలనాటి హీరోయిన్ స్నేహ. తొలివలపు సినిమాతో తెలుగు తెరకు పరిచయమైన స్నేహ.. ఆ తర్వాత తరుణ్ సరసన నటించిన ప్రియమైన నీకు సినిమాతో సూపర్ హిట్ అందుకుంది. ఆ తర్వాత హనుమాన్ జంక్షన్, శ్రీరామదాసు, మధుమాసం, సంక్రాంతి, వెంకీ, ఏమండోయ్ శ్రీవారు, రాధాగోపాళం వంటి చిత్రాల్లో నటించి మెప్పించింది. గ్లామర్ షోలకు దూరంగా ఉంటూ.. సంప్రదాయబద్దంగా నటిస్తూనే అగ్రకథానాయికగా వెలుగొందింది. తమిళ్ స్టార్ హీరో ప్రసన్నకు వివాహం చేసుకుంది స్నేహ. వీరికి ఇద్దరు పిల్లలు. చాలా కాలం తర్వాత సన్ ఆఫ్ సత్యమూర్తి సినిమాతో రీఎంట్రీ ఇచ్చింది స్నేహ.