Samantha Ruth Prabhu: మరోసారి ఆ ఇద్దరితో సమంత.. ఈసారి నెక్స్ట్ లెవల్ ప్లాన్ చేస్తున్నారుగా..
విడాకుల తర్వాత సమంత సినిమాలను ఎంచుకునే పద్ధతి పూర్తిగా మారిపోయింది. సమంత నటనకు ప్రాధాన్యత ఉన్న పాత్రలపైనే ఎక్కువగా దృష్టి పెడుతోంది. విడాకులకు ముందు రాజ్, డికెల సిరీస్ 'ది ఫ్యామిలీ మ్యాన్'లో సమంతా నటించింది. ఈ సిరీస్ లో సామ్ నెగిటివ్ షేడ్స్ ఉన్న పాత్రలో కనిపించింది. తమిళ నక్సలైట్గా బోల్డ్గా నటించి ప్రేక్షకులను మెప్పించింది.
Updated on: Jul 24, 2024 | 8:17 PM
స్టార్ హీరోయిన్ సమంత గత కొంతకాలంగా విశ్రాంతి తీసుకుంటుంది. తెలుగులో తక్కువ సమయంలోనే స్టార్ హీరోయిన్ గా ఎదిగిన ఈ చిన్నది. దాదాపు టాప్ హీరోలందరి సరసన సినిమాలు చేసి ఆకట్టుకుంది. విడాకుల తర్వాత సమంత సినిమాలను ఎంచుకునే పద్ధతి పూర్తిగా మారిపోయింది. సమంత నటనకు ప్రాధాన్యత ఉన్న పాత్రలపైనే ఎక్కువగా దృష్టి పెడుతోంది. విడాకులకు ముందు రాజ్, డికెల సిరీస్ ‘ది ఫ్యామిలీ మ్యాన్’లో సమంతా నటించింది. ఈ సిరీస్ లో సామ్ నెగిటివ్ షేడ్స్ ఉన్న పాత్రలో కనిపించింది. తమిళ నక్సలైట్గా బోల్డ్గా నటించి ప్రేక్షకులను మెప్పించింది. ఇప్పుడు మరోసారి సమంత రాజ్, డికెలతో సిరీస్ చేయనుందని తెలుస్తోంది. ఈసారి వింత పాత్రలో కనిపించబోతోందని టాక్.
‘ది ఫ్యామిలీ మ్యాన్’ రాజ్, డికె ద్వయం రచన , దర్శకత్వం వహించారు. ఇప్పుడు అదే రాజ్, డికె ‘రక్త్ బ్రహ్మాండ్’ అనే హిందీ వెబ్ సిరీస్ను నిర్మించాలని ప్లాన్ చేస్తున్నారు, ఇందులో సమంత ప్రధాన పాత్రను పోషిస్తుంది. విశేషమేమిటంటే, కల్ట్ క్లాసిక్ మరాఠీ మూవీ ‘తుంబాడ్’కి దర్శకత్వం వహించిన రాహి అనిల్ బరావే కూడా దర్శకత్వ బృందం చేరారు. ‘రక్త్ బ్రహ్మాండ్’ పీరియాడిక్ థ్రిల్లర్గా ఉంటుందని తెలుస్తోంది.
ఇదికూడా చదవండి : అనుపమ, బెల్లంకొండ మధ్యలో ఉన్న ఈ అమ్మాయిని గుర్తుందా.? ఇప్పుడు చూస్తే అమ్మబాబోయ్ అనాల్సిందే
ఈ వెబ్ సిరీస్ కథ స్వతంత్ర భారతదేశానికి పూర్వం ఒక గ్రామంలో జరిగే కథఅని తెలుస్తోంది. ఈ థ్రిల్లర్ వెబ్ సిరీస్లోని ఆరు ఎపిసోడ్లను మొదట విడుదల చేయడానికి ప్లాన్ చేస్తున్నారు. వచ్చే వారం నుంచే షూటింగ్ మొదలు కానుంది. చాలా వరకు షూటింగ్ సెట్స్ లోనే చేయనున్నారు. త్వరగా వెబ్ సిరీస్ షూటింగ్ పూర్తి చేసి రిలీజ్ చేయాలని చిత్రబృందం ప్లాన్ చేసింది.
ఇది కూడా చదవండి : Bigg Boss Telugu 8: బిగ్ బాస్ 8లో ఊహించని ఎంట్రీ.. హౌస్లో అడుగుపెట్టనున్న హాట్ బ్యూటీ..!
ఇది మల్టీ స్టారర్ వెబ్ సిరీస్, సమంతతో పాటు ‘మీర్జాపూర్’ వెబ్ సిరీస్ గుడ్డూభాయ్ ఫేమ్ అలీ ఫజల్, బాలీవుడ్ నటుడు ఆదిత్య రాయ్ కపూర్, తెలుగు, తమిళం, పంజాబీ, హిందీ సినిమాల్లో హీరోయిన్గా నటించిన వామిక కూడా నటించనున్నారు. సమంత గత ఏడాది కాలంగా షూటింగ్కి విరామం ఇచ్చింది. ఇప్పుడు సమంత మళ్లీ సినిమాల్లోకి రానుంది. తెలుగులో ‘నా ఇంటి బంగారం’ అనే సినిమా చేస్తుంది. ఆ తర్వాత ఇప్పుడు ‘రక్త్ బ్రహ్మాండం’ అనే థ్రిల్లర్ సిరీస్ చేస్తుంది. అలాగే సమంత, వరుణ్ ధావన్ జంటగా నటించిన ‘సిటాడెల్’ చిత్రం షూటింగ్ పూర్తయి ఇంకా విడుదల కాలేదు.
మరిన్ని సినిమా వార్తల కోసం ఇక్కడ క్లిక్ చేయండి.
