Renu Desai: రేణూ దేశాయ్‌కు ఏమైంది?ఆ వ్యాక్సిన్ తీసుకున్న నటి.. వీడియో వైరల్

సినిమాలకు దూరంగా ఉన్నప్పటికీ సోషల్ మీడియాలో ఫుల్ యాక్టివ్ గా ఉంటోంది రేణూ దేశాయ్. తన పర్సనల్ అండ్ ప్రొఫెషనల్ లైఫ్ నకు సంబంధించి అన్ని విషయాలను అందులో షేర్ చేసుకుంటుంది. అలా తాజాగా రేణూ దేశాయ్ షేర్ చేసిన వీడియో ఒకటి ఇప్పుడు నెట్టింట వైరల్ గా మారింది.

Renu Desai

Basha Shek |
Updated on: Oct 18, 2025 | 6:40 AM

ప్రముఖ నటి రేణూ దేశాయ్ ఇప్పుడు సినిమా ఇండస్ట్రీకి పూర్తిగా దూరంగా ఉంటోంది. 2023 లో టైగర్ నాగేశ్వర రావు సినిమాతో రీ ఎంట్రీ ఇచ్చినప్పటికీ మరో సినిమాలో నటించలేదీ అందాల తార. అదే సమయంలో సామాజిక సేవా కార్యక్రమాల్లో పాల్గొంటూ బిజీ బిజీగా ఉంటోంది. ముఖ్యంగా మహిళలు, చిన్నారులు, మూగజీవాల సమస్యల పట్ల తన గళాన్ని వినిపిస్తోంది. ఇందుకోసం ఒక స్వచ్ఛంద సేవా సంస్థ (NGO)ను కూడా ప్రారంభించింది. ఇక సోషల్ మీడియాలోనూ ఫుల్ యాక్టివ్ గా ఉండే రేణు పలు ఆసక్తికర విషయాలను అందులో పంచుకుంటుది. అలా తాజాగా ఆమె ఒక ఆసక్తికర వీడియోను షేర్ చేసింది. తాజాగా రేబీస్ టీకా తీసుకున్న రేణూ దేశాయ్ ఆ వీడియోను రికార్డ్ చేసి తన సోషల్ మీడియా ఖాతాలో షేర్ చేసింది. సాధారణంగా టీకాలు తీసుకున్నప్పుడు ఫొటోలు లేదా వీడియోలు రికార్డ్ చేయనన్న రేణు దేశాయ్.. ఈసారి మాత్రం అవగాహన కల్పించే ఉద్దేశంతోనే ఇలా చేశానని ఆ వీడియోలో చెప్పుకొచ్చింది.

‘నేను రేబిస్‌ టీకా తీసుకుంటున్నప్పుడు రికార్డ్ చేయడం ఇదే మొదటిసారి. గతంలో ఏదైనా టీకా తీసుకున్నప్పుడు నేను ఫొటోలు లేదా వీడియోలు తీయాలని ఎప్పుడూ అనుకోలేదు. కానీ సమయానికి టీకా తీసుకోవడం ఎంత ముఖ్యమో తెలియజేయడానికి ఈసారి షేర్ చేయాలనిపించింది. జంతువుల‌ను పెంచుకునే వ్యక్తులు, పశువైద్యులు తప్పనిసరిగా టీకా రికార్డులు మెయింటైన్ చేసుకోవాలి. నిర్ణీత సమయానికి వ్యాక్సిన్లు తీసుకుంటున్నారో లేదో నిర్ధారించుకోవాలి’ అని రేణు దేశాయ్ సూచించారు. ప్రస్తుతం ఈ వీడియో సామాజిక మాధ్యమాల్లో వైరల్ గా మారింది.

ఇవి కూడా చదవండి

రేబీస్ వ్యాక్సిన్ తీసుకుంటోన్న నటి రేణూ దేశాయ్.. వీడియో ఇదిగో..

View this post on Instagram

A post shared by renu desai (@renuudesai)

మరోవైపు రేణూ దేశాయ్ కుమారుడు అకీరా నందన్ కూడా సినిమా ఇండస్ట్రీలోకి అడుగు పెట్టవచ్చుననే ప్రచారం ఎప్పటి నుంచో జరుగుతుంది. పవన్ కల్యాణ్ నటించిన ఓజీ సినిమాలో అకీరా ఒక కీలక పాత్ర చేశాడని రూమర్స్ కూడా వినిపించాయి. కానీ అదేమీ జరగలేదు. ఈ నేపథ్యంలో అకీరాను సిల్వర్ స్క్రీన్ పై చూసేందుకు అభిమానులు ఆసక్తిగా ఎదురు చూస్తున్నారు.