Nayanthara: పోయిస్ గార్డెన్లో లగ్జరీ విల్లా కొన్న లేడీ సూపర్ స్టార్ నయనతార.. ఎన్ని కోట్లో తెలుసా?
భారతీయ సినిమా ఇండస్ట్రీలో అత్యంత ధనవంతులైన నటీమణుల జాబితాలో నయనతార పేరు కూడా ఉంటుంది. రోజురోజుకూ ఆమె పాపులారిటీతో పాటు సంపద కూడా పెరుగుతోంది. తాజాగా నయనతార మరో లగ్జరీ ఇల్లు కొనుక్కుంది. అది కూడా చెన్నైలోని ప్రతిష్టాత్మకమైన పోయిస్ గార్డెన్ ప్రాంతంలో..
Updated on: Mar 07, 2026 | 6:27 AM
సౌతిండియన్ లేడీ సూపర్ స్టార్ నయనతార మరో లగ్జరీ విల్లా కొనుగోలు చేసింది. తమిళనాడులోని అత్యంత ప్రతిష్టాత్మక ప్రాంతాలలో ఒకటైన చెన్నైలోని పోయెస్ గార్డెన్లో ఒక భారీ లగ్జరీ డ్యూప్లెక్స్ అపార్ట్మెంట్ను ఆమె కొనుగోలు చేసింది . దీని మొత్తం విలువ దాదాపు రూ. 31.5 కోట్లు ఉంటుందని చెబుతున్నారు. ప్రాపర్టీ అనలిటిక్స్ ప్లాట్ఫామ్ జాప్కీ ద్వారా అందుబాటులో ఉన్న రికార్డుల ప్రకారం, ఈ ఇల్లు చెన్నైలోని తేనాంపేట ప్రాంతంలో ‘లెగసీ’ అనే ప్రీమియం నివాస సముదాయంలో ఉంది. ఈ డ్యూప్లెక్స్ ఇల్లు ఒక అపార్ట్మెంట్ భవనంలోని 4, 5వ అంతస్తుల్లో ఉంది. దాదాపు 14,369 చదరపు అడుగుల విస్తీర్ణం ఉంది. ఈ లగ్జరీ విల్లాలో విశాలమైన పార్కింగ్ స్థలం కూడా ఉంది. దీని రిజిస్ట్రేషన్ ప్రక్రియ గత సంవత్సరం డిసెంబర్లోనే పూర్తయింది. నయనతారకు ఇప్పటికే హైదరాబాద్లోని బంజారా హిల్స్లో రెండు లగ్జరీ విల్లాలు ఉన్నాయి. వాటి విలువ ఒక్కొక్కటి రూ. 15 కోట్లు. అంతేకాకుండా, కేరళలోని ఆమె పూర్వీకుల ఇల్లు రాష్ట్రంలోని అత్యంత విలాసవంతమైన విల్లాగా గుర్తింపు ఉంది.
నయనతార చివరిసారిగా ‘మన శంకర వరప్రసాద్ గారు’ చిత్రంలో కనిపించింది. అనిల్ రావిపూడి తెరకెక్కించిన ఈ సినిమాలో మెగాస్టార్ చిరంజీవి హీరోగా నటించారు. అలాగే విక్టరీ వెంకటేష్ మరో కీలక పాత్రలో కనిపించారు. దీన తర్వాత ఆమె టాక్సిక్ లో నటించింది. ‘కెవిఎన్ ప్రొడక్షన్స్’ నిర్మించిన ఈ పాన్-ఇండియా చిత్రంలో యష్ హీరోగా నటించాడు. నయనతార మెయిల్ లీడ్ రోల్ లో నటించింది. మార్చి 19న విడుదల కావాల్సిన ఈ సినిమా అనూహ్యంగా వాయిదా పడింది.
నయనతార చాలా సంవత్సరాలుగా సినిమా రంగంలో స్టార్ హీరోయిన్ గా కొనసాగుతోంది. ఓ వైపు స్టార్ హీరోల సినిమాల్లో నటిస్తూనే, మరోవైపు లేడీ ఓరియంటెడ్ మూవీస్ లోనూ యాక్ట్ చేస్తోందీ లేడీ సూపర్ స్టార్. కొత్త నేటికీ ఆమె క్రేజ్, డిమాండ్ ఏ మాత్రం తగ్గలేదు. దక్షిణ భారతదేశంలోనే కాకుండా బాలీవుడ్లో కూడా ఆమె తనకంటూ ఒక ప్రత్యేక గుర్తింపు తెచ్చుకుంది. షారుఖ్ ఖాన్ సరసన ఆమె నటించిన జవాన్ సినిమా ఏకంగా రూ. 1000 కోట్లకు పైగా కలెక్షన్లు రాబట్టిన సంగతి తెలిసిందే.
మరిన్ని సినిమా వార్తల కోసం ఇక్కడ క్లిక్ చేయండి.
