OTT Movie: బడి పిల్లలకు వింత శాపం.. ఇవాళే ఓటీటీలోకి వచ్చిన హారర్ థ్రిల్లర్.. ఐఎమ్‌డీబీలోనూ టాప్ రేటింగ్

ఎప్పటిలాగే ఈ వారం కూడా ఓటీటీలో కొత్త సినిమాలు, వెబ్ సిరీస్ ల సందడి మొదలైంది. తెలుగుతో పాటు ఇతర భాషలకు చెందిన సినిమాలు, సిరీస్ లు ఇప్పటికే డిజిటల్ స్ట్రీమింగ్ లో సందడి చేస్తున్నాయి. ఓం శాంతి శాంతి శాంతి:, విత్ లవ్, దేవగుడి వంటి సినిమాలు ఈ వారం ఓటీటీలోకి వచ్చిన సినిమాల జాబితాలో ఉన్నాయి. ఇప్పుడు ఇదే కోవలో గురువారం (మార్చి 05) కూడా మరో కొత్త సినిమా డిజిటల్ స్ట్రీమింగ్ కు వచ్చేసింది. ఇదొక హరర్ థ్రిల్లర్ మూవీ. శాపాలు, ఆత్మల నేపథ్యంలో సాగే ఈ మూవీకి ఐఎమ్ డీబీలోనూ టాప్ రేటింగ్ ఉండడం విశేషం. ఒక హైస్కూల్‌లో చదివే ఆరుగురు విద్యార్థులు అనుకోకుండా ఒక వింత శాపంలో చిక్కుకుంటారు. ప్రతిరోజూ అర్థరాత్రి వారు తిరిగి తమ స్కూల్ లైబ్రరీలో నిద్రలేస్తారు. అక్కడ ఒక చిన్నారి ఆత్మ వారిని వేటాడి చంపేస్తుంది. ఇక్కడ ట్విస్ట్ ఏంటంటే.. చనిపోయిన విద్యార్థులు మళ్లీ నిన్నటి రోజునే నిద్రలేస్తారు.

ఈ శాపం నుంచి విముక్తి కలగాలంటే.. స్కూల్ ఆవరణలో పాతి పెట్టిన ఒక అమ్మాయి బాడీ పార్ట్స్ ను వెతికి శవ పేటికలో అమర్చాలి. అలా ఆ డెడ్ బాడీ పార్ట్స్ కలిపితేనే వారికి విముక్తి కలుగుతుంది. మరి ఆ ఆరుగురు స్కూల్ విద్యార్థులు శాపం నుంచి విముక్తి పొందారా? అసలు బాడీ పార్ట్స్ పెట్టాల్సిన అమ్మాయి ఎవరు? ఈ స్కూల్ పిల్లలకే అలా ఎందుకు జరుగుతుంది? తదితర ప్రశ్నలకు సమాధానాలు కావాలంటే ఈ హారర్ థ్రిల్లర్ మూవీ చూడాల్సిందే.

ఇవి కూడా చదవండి

ఎన్టీఆర్ 'శక్తి' సినిమా రిజెక్ట్ చేసిన స్టార్ హీరో ఎవరో తెలుసా?

రాయలసీమలో కులం కోట్లాటలు ఇలా ఉంటాయా? OTTకి వచ్చేసిన రియల్ స్టోరీ

గీతూ రాయల్‌ తో తిరగడం మానేశావా? బిగ్ బాస్ బ్యూటీ షాకింగ్ ఆన్సర్

హోలీ వేడుకల్లో టాలీవుడ్ క్రేజీ హీరోయిన్.. ఎవరో గుర్తు పట్టారా?

ఆద్యంతం ఆసక్తికరమైన కథా కథనాలు, ఉత్కంఠ కలిగించే సీన్లు, ఊహించని ట్విస్టులతో సాగే ఈ సినిమా పేరు ‘రీ/మెంబర్: ది లాస్ట్ నైట్’ (Re/Member: The Last Night). ఇదొక జపనీస్ హారర్ థ్రిల్లర్ మూవీ. ప్రస్తుతం ఈ మూవీ నెట్ ఫ్లిక్స్ లో స్ట్రీమింగ్ అవుతోంది. ప్రస్తుతం ఈ మూవీ కేవలం జపనీస్ లాంగ్వేజ్ లో మాత్రమే స్ట్రీమింగ్ అవుతోంది. అయితే ఇంగ్లిష్ సబ్ టైటిల్స్ అందుబాటులో ఉన్నాయి. హారర్ థ్రిల్లర్ సినిమాలను ఇష్టపడే వారికి ఈ మూవీ ఒక మంచి ఛాయిస్ అని చెప్పవచ్చు.

నెట్ ఫ్లిక్స్ లో స్ట్రీమింగ్..

3 tahun setelah sebuah permainan maut selesai, kali ini para siswa SMA terjebak di mimpi buruk yang berulang & harus ngungkap kutukan mengerikan. Film Re/Member: The Last Night udah tayang di Netflix! pic.twitter.com/8bGEPk6Onm

— Netflix Indonesia (@NetflixID) March 5, 2026

మరిన్ని సినిమా వార్తల కోసం ఇక్కడ క్లిక్ చేయండి.