Namitha: తల్లి కాబోతున్న టాలీవుడ్ హీరోయిన్.. జీవితంలో మరో కొత్త అద్యాయమంటూ పోస్ట్..
సొంతం సినిమాతో తెలుగు తెరకు పరిచయమైన నమిత.. ఆ తర్వాత వెంకటేశ్ సరసన జెమిని మూవీలో నటించింది.
తెలుగు ప్రేక్షకులకు ప్రత్యేకంగా పరిచయం అవసరం లేని పేరు హీరోయిన్ నమిత (Namitha).. ఒకప్పుడు సూపర్ హిట్ చిత్రాల్లో నటించి మెప్పించింది ఈ ముద్దుగుమ్మ. సొంతం సినిమాతో తెలుగు తెరకు పరిచయమైన నమిత.. ఆ తర్వాత వెంకటేశ్ సరసన జెమిని మూవీలో నటించింది. ఈమూవీ సూపర్ హిట్ కావడంతో టాలీవుడ్ లో నమితకు వరుస ఆఫర్లు వచ్చాయి. ఒక రాజు ఒక రాణి.. ఒక రాధ ఇద్దరు కృష్ణుల పెళ్లి, నాయకుడు, బిల్లా, సింహా వంటి చిత్రాల్లో నటించింది. ఆ తర్వాత ఈ అమ్మడు బొద్దుగా మారడంతో తెలుగులో అవకాశాలు తగ్గాయి. దీంతో కోలీవుడ్ కు మకాం మార్చేసింది. తమిళ్, మలయాళం, కన్నడ భాషలలో వరుస చిత్రాలు చేస్తూ బిజీగా మారిపోయింది. 2017లో తన ప్రియుడు.. కోలీవుడ్ నటుడు వీరేంద్ర చౌదరిని వివాహం చేసుకుని సినిమాలకు దూరంగా ఉంటుంది.
వివాహం తర్వాత సోషల్ మీడియాలోనూ ఎక్కువగా యాక్టివ్గా లేదు ఈ ముద్దుగుమ్మ. తాజాగా తాను తల్లి కాబోతున్నానంటూ ఏకంగా బేబీ బంప్ ఫోటోలను షేర్ చేసింది. నా జీవితంలో కొత్త అధ్యాయం ప్రారంభం కాబోతుంది. మాతృత్వం మర్చిపోలేని అనుభూతి. నా ముఖంలో చిరునవ్వు వచ్చింది.. అలాగే నాలో మార్పు కూడా మొదలైంది. ఈ రోజు కోసం ఎన్నో రోజులు వెయిట్ చేశాను. కొత్త మలుపులు, కొత్త జీవితం. చిన్నారి కిక్స్ సరికొత్త ఫీలింగ్స్ కలిగిస్తున్నాయి. ఇప్పటివరకు ఇలాంటి అనుభూతి పొందలేదు అంటూ ఎమోషనల్ పోస్ట్ చేసింది. ఇటీవల టాలీవుడ్ హీరోయిన్స్ ప్రణీత, సంజన గల్రాని కూడా తాము ప్రెగ్నెంట్స్ కాబోతున్న విషయాన్ని సోషల్ మీడియా ద్వారా వెల్లిడించిన సంగతి తెలిసిసిందే.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
Sarkaru Vaari Paata: బయటికి కనిపించని పోలీస్ కథ.. సర్కారు వారి పాట కథపై డైరెక్టర్ క్లారిటీ..
Ante Sundaraniki: అంటే సుందరానికి నుంచి అందమైన మెలోడీ.. ఆకట్టుకుంటున్న ‘ఎంత చిత్రం’ పాట
