KGF Chapter 2: ప్రశాంత్ నీల్ నమ్మకాన్ని అతడు వమ్ము చేయలేదు.. కేజీఎఫ్ 2 ఎలివేషన్స్ వెనక 19 ఏళ్ల కుర్రాడు..

KGF Chapter 2 Movie: డైరెక్టర్ ప్రశాంత్ నీల్ (Prashant Neel), కన్నడ రాకింగ్ స్టార్ యశ్ ((Yash) కాంబోలో వచ్చిన కేజీఎఫ్ 2 బ్లాక్ బస్టర్ హిట్ టాక్ తెచ్చుకుంది. ఏప్రిల్ 14న విడుదలైన ఈ సినిమాకు భారీ రెస్పాన్స్ వస్తోంది. ఎన్నో అంచనాల మధ్య విడుదలైన ఈ సినిమా ప్రపంచవ్యాప్తంగా బాక్సాఫీస్ వద్ద కలెక్షన్స్ సునామీ సృష్టిస్తోంది. యశ్ నటకు.. డైరెక్టర్ ప్రశాంత్ నీల్ దర్శకత్వానికి.. రవిబసూర్ మ్యూజిక్.. భువన్‌ గౌడ సినిమాటోగ్రఫీ.. రామజోగయ్య శాస్త్రి పాటలు ఈ సినిమాను మరో మెట్టుకు తీసుకెళ్లాయి.. కానీ… సినిమా మొత్తంలో ఎక్కడా చిన్న సన్నివేశాన్ని కూడా ప్రేక్షకులకు బోర్ కొట్టకుండా అందంగా మలచడంలో ఓ 19 ఏళ్ల కుర్రాడి పనితనం ఉంది.. అంత పెద్ద స్టార్‌ క్యాస్ట్, అంత క్రూ ఉన్న సినిమాను అంతే అందంగా ఎడిట్‌ చేసి ప్రేక్షకుల ముందుకు తీసుకువచ్చి అదుర్స్ అనిపించాడు ఆ కుర్రాడు. నిండా ఇరవై ఏళ్లు లేని కుర్రాడు.. ఓ పాన్ ఇండియా చిత్రాన్ని ఇంత అద్భుతంగా ఎడిట్ చేశాడు. రాకీభాయ్ యశ్.. డైరెక్టర్ ప్రశాంత్ నీల్ తర్వాత.. కేజీఎఫ్ 2 స్టార్‏గా సోషల్ మీడియాలో తెగ వైరల్ అవుతున్న ఆ కుర్రాడి పేరు ఉజ్వల్ కులకర్ణి. కేవలం షార్ట్ ఫిల్మ్స్ ఎడిటర్.. ఫస్ట్ మూవీ ఏకంగా పాన్ ఇండియా సినిమా కావడం గమనార్హం.

టాలెంట్ ఉంటే.. అవకాశమే నిన్ను వెతుక్కుంటూ నిన్ను చేరుతుంది అనడానికి ఈ కుర్రాడే నిదర్శనం. షార్ట్ ఫిలిమ్స్‏కు ఎడిట్ చేసే కుర్రాడిని స్టార్ డైరెక్టర్ ప్రశాంత్ నీల్ పిలిచి మరీ ఈ ఆఫర్ ఇచ్చాడు. అతని మీద నమ్మకంతో భారీ బడ్జెట్ చిత్రాన్ని అతని చేతిలో పెట్టాడు.. అందుకు ఉజ్వల్ కులకర్ణి కేజీఎఫ్ 2 అద్భుతంగా మలిచాడు.. ఇంతకీ ఈ 19 ఏళ్ల కుర్రాడు ఉజ్వల్ కులకర్ణి ఎవరు.. బ్యాగ్రౌండ్ ఎంటో తెలుసుకుందామా..

ఉజ్వల్ కుల్‌కర్ణి.. వయసు 19 ఏళ్లు. గ‌తంలో షార్ట్ ఫిలింస్, ఫ్యాన్ ఎడిట్స్ వంటివి చేస్తూ సోషల్ మీడియాలో పోస్ట్ చేస్తూ ఉండేవాడు..ఈ క్రమంలోనే కేజీఎఫ్‌ ఫస్ట్‌ పార్ట్‌కి అతను కొన్ని ఫ్యాన్‌ ఎడిట్స్‌ చేశాడు. ఇవి కాస్తా డైరెక్టర్‌ ప్రశాంత్‌ నీల్‌ కళ్లలో పడ్డాయి. అవి అతనికి బాగా నచ్చాయి. దీంతో కేజీఎఫ్‌ ఛాప్టర్‌-2కి ఎడిటింగ్‌ బాధ్యతలను ఉజ్వల్‌కు అప్పగించారు. వచ్చిన అవకాశాన్ని ఉజ్వల్‌ చక్కగా ఉపయోగించుకున్నాడు. హాలీవుడ్‌ రేంజ్‌లో తన పనితనాన్ని చూపించాడు. సినిమా సక్సెస్‌లో ఉజ్వల్‌ పాత్ర ఎంతో కీలకంగా మారింది. ఇంత త‌క్కువ వ‌య‌స్సులోనే పాన్ ఇండియా సినిమాకు ఎడిట‌ర్‌గా ప‌నిచేయ‌డం నిజంగా ఉజ్వల్‌కు పెద్ద అఛీవ్ మెంట్ అని అంటున్నారు నెటిజన్లు. ఎడిటర్‏గా మంచి భవిష్యత్తు అతనికి ఉంటుందని ప్రశంసలు కురిపిస్తున్నారు.

19 year old – ujwal kulkarni editor of #KGF2 He used to edit short films & make fan edits. @prashanth_neel liked his edit of #KGF1, took him to make a teaser cut for @KGFTheFilm . Impressed by ujwal’s work, neel had put editing work of the entire movie in ujwal’s hands. pic.twitter.com/mxGYqM9oWQ

— Thyview (@Thyview) April 14, 2022

Also Read: suriya: తమిళ నూతన సంవత్సరం వేళ సరికొత్తగా సూర్య.. అభిమానులకు అలా విషెస్ చెబుతూ..

Simbu: ఆటో డ్రైవర్‏గా మారిన ఆ స్టార్ హీరో.. సోషల్ మీడియాలో వైరల్ అవుతున్న వీడియోస్..

PM Kisan: రైతులకు అలర్ట్.. కీలక నిర్ణయం తీసుకున్న కేంద్రం.. పీఎం కిసాన్ పథకానికి ఇక వీరు అనర్హులు.. 

Sunny Leone: సన్నీలియోన్ ఫాన్స్‏కు బంపర్ ఆఫర్.. క్రేజీ ఐడియా.. కానీ కండిషన్స్ అప్లై..